គួរប្រាប់ឪពុកម្ដាយពីបញ្ហាផ្លូវភេទដំបូងដែរឬទេ?

គួរប្រាប់ឪពុកម្ដាយពីបញ្ហាផ្លូវភេទដំបូងដែរឬទេ?

អ្វីៗទាំងអស់អាស្រ័យទៅលើឪពុកម្ដាយ និងទំនាក់ទំនងដែល យុវវ័យមានចំពោះពួកគាត់។ បើសិនជាលោកអ្នកស្រុះស្រួលជាមួយពួកគាត់ នោះលោកអ្នកពិតជាងាយនិយាយប្រាប់ពួកគាត់។ លើសពីនេះទៅទៀតឪពុកម្ដាយអាចទូន្មានលោកអ្នក និយាយប្រាប់លោកអ្នកនូវអ្វីៗជាបទពិសោធន៍ ដែលពួកគាត់ធ្លាប់ឆ្លងកាត់ស្នេហាគ្រាដំបូង ព្រមទាំងពួកគាត់អាចប្រាប់អំពីវិធី ឬមធ្យោបាយទប់ស្កាត់ការតាំងគភ៌ដែលមិនចង់បាន និងមធ្យោបាយបង្ការការឆ្លងជម្ងឺ កាមរោគផងដែរ។ ផ្ទុយទៅវិញ បើសិនជាលោកអ្នកមិនមានអារម្មណ៍ចង់ប្រាប់ពួកគាត់ ហើយនិងភ័យខ្លាចនឹងប្រតិកម្មរបស់ពួកគាត់ នោះ សូមរក្សាអាថ៌កំបាំងដំណាក់កាលគ្រាដំបូងនៃជីវភាពផ្លូវភេទរបស់លោកអ្នក។ ប៉ុន្ដែលោកអ្នកក៏ត្រូវយកត្រចៀកស្ដាប់គេឯងខ្លះផង ជាពិសេសអ្នកដែលនៅជុំវិញលោកអ្នក។ ក្រៅពីឪពុកម្ដាយ ឬអាណាព្យាបាល លោកអ្នកអាចទុកចិត្ដ ឬនិយាយពិភាក្សាជាម្ដាយមីង បងប្រុសបងស្រីបង្កើត ឬបងប្រុសបងស្រីជីដូនមួយជាដើម៕