ហេតុអ្វីបានជាថ្នាំផ្សះ ធ្វើអោយរាគ?

ហេតុអ្វីបានជាថ្នាំផ្សះ ធ្វើអោយរាគ?

បំពង់រំលាយអាហាររបស់យើង គឺជាប្រព័ន្ធមួយ ដែលមានពពួកមីក្រុបរាប់លានប្រភេទរស់នៅ ក្នុងនោះ រួមមាន ពពួកបាក់តេរីរាប់រយប្រភេទ។ បាក់តេរីទាំងនេះ គឺមានប្រយោជន៍ ដែលវាមានមុខងារសំខាន់ ជួយដល់ការរំលាយអាហារ។

ប៉ុន្ដែ បាក់តេរីមួយចំនួន ដែលរស់នៅពោះវៀនផងដែរនោះ វាអាចបង្កគ្រោះថ្នាក់ដល់យើង។ បាក់តេរី ដែលបង្កគ្រោះថ្នាក់ទាំងនេះ ត្រូវបានការពារមិនអោយមានសកម្មភាព ដោយបាក់តេរីដែលមិនបង្ករោគ លុះត្រាតែវា ត្រូវបានរំខានដោយសារជំងឺណាមួយ ការប្រើថ្នាំ ឬមានកត្តាផ្សេងទៀត។

ថ្នាំផ្សះ វាទៅរំខានដល់ទៅបាក់តេរីមិនបង្ករោគទាំងនោះ ដោយសារតែពួកវា បានបំផ្លាញបាក់តេរីដែលមានប្រយោជន៍ រួមជាមួយនឹងពពួកបាកតេរីដែលបង្កគ្រោះថ្នាក់។ ពេលខ្លះ ដោយមិនមានបាក់តេរីល្អគ្រប់គ្រាន់ បាក់តេរីអាក្រក់ ដែលមានភាពធន់ទ្រាំទៅនឹងថ្នាំផ្សះបានល្អជាង នឹងចាប់ផ្តើមបង្កើនចំនួនឡើង លើសពីការគ្រប់គ្រងបាន ហើយផលិតជាតិពុល ដែលអាចបំផ្លាញជញ្ជាំងពោះវៀន និងបង្កការរលាកដល់ជញ្ជាំងពោះវៀន៕

ប្រភព៖health.com.kh

មុន បន្ទាប់

មតិយោបល់