ទម្ងន់ អាចជះឥទ្ធិពល ទៅលើការធូរស្រាល នៃជំងឺរលាកសន្លាក់

ទម្ងន់ អាចជះឥទ្ធិពល ទៅលើការធូរស្រាល នៃជំងឺរលាកសន្លាក់

ត្រួតពិនិត្យដោយ www.health.com.khថ្ងៃទី04 ធ្នូ ឆ្នាំ2014

ការស្រាវជ្រាវថ្មីមួយបានបង្ហាញថា អ្នកដែលមានជំងឺរលាកសន្លាក់ឆ្អឹងរ៉ាំរ៉ៃ អាចហាក់ដូចជា ទទួលបានភាពធូរស្រាល ប្រសិនបើពួកគេរក្សាទម្ងន់របស់ពួកគេបានល្អ។

ការស្រាវជ្រាវបានរកឃើញថា អ្នកដែលមានទម្ងន់ធ្ងន់បំផុត គឺមានជិត ៦៥ ភាគរយ លើការបន្ថយឱកាសនៃការធូរស្រាលនេះ។ ការមិនគ្រប់ទម្ងន់ ក៏បន្ថយឱកាសនៃការធូរស្រាលផងដែរ។

វេជ្ជបណ្ឌិត ស៊ូសាន ហ្គូដម៉េន (Susan Goodman) បាននិយាយថា ថ្នាំចំពោះជំងឺរលាកសន្លាក់ឆ្អឹងរ៉ាំរ៉ៃ មិនមានប្រសិទ្ធភាព ចំពោះអ្នកដែលលើសទម្ងន់នោះទេ។

ជនជាតិអាមេរិកប្រហែលជា ១,៥ លាននាក់ មានជំងឺរលាកសន្លាក់ឆ្អឹងរ៉ាំរ៉ៃនេះ ដែលជាជំងឺ បណ្តាលអោយហើម ឈឺសន្លាក់ ដែលអាចនាំអោយខូចទ្រង់ទ្រាយនៃសន្លាក់។ ជំងឺនេះ កើតមានជាញឹកញាប់ ៣ ដងចំពោះស្ត្រី និងចាប់ផ្តើមមានជាទូទៅ ពីចន្លោះអាយុ ៣០ ទៅ ៦០ ឆ្នាំ។

គោលដៅ ចម្បងនៃការព្យាបាល គឺបន្ថយការឈឺចាប់។

អ្នកជំងឺរលាកសន្លាក់រ៉ាំរ៉ៃ ដែលទទួលបានការធូរស្រាលនេះ មានការថយចុះរោគសញ្ញានានាផងដែរ។ គាត់បានសម្គាល់ឃើញថា អ្នកជំងឺបានទទួលការធូរស្រាល នៅពេលដែលពួកគេមិនមានការអស់កម្លាំងយូរ ហើមសន្លាក់យូរ និងការគាំងសន្លាក់នៅពេលព្រឹកនោះខ្លី។

វេជ្ជបណ្ឌិត Goodman បាននិយាយថា អ្នកជំងឺ ហាក់ដូចជាមានលទ្ធផលទាំងនេះ ប្រសិនបើពួកគេ ផ្សារភ្ជាប់ទៅនឹងផែនការណ៍ជាក់លាក់ ដើម្បីប្រយុទ្ធប្រឆាំងនឹងជំងឺនោះ។

ការស្រាវជ្រាវថ្មីៗបានតាមដានលើអ្នកជំងឺជិត ១.០០០ នាក់ អស់រយៈពេល ៣ ឆ្នាំ ដែលបានវិវត្ត ទៅជាជំងឺក្នុងអាយុវ័យក្មេង។

អ្នកស្រាវជ្រាវបានរកឃើញថា អ្នកដែលមិនគ្រប់ទម្ងន់ មានតិចជាង ៤៥ ភាគរយ នៃការថយចុះឱកាសធូរស្រាលរោគសញ្ញា បើធៀបទៅនឹងអ្នកដែលមានទម្ងន់ធម្មតា។ ហើយអ្នកដែលធាត់ខ្លាំង ឬធាត់មធ្យម គឺមានប្រហែលពី ៥០ ទៅ ៦០ ភាគរយ នៃការថយចុះឱកាសការធូរស្រាល រោគសញ្ញានៃជំងឺរលាកសន្លាក់រ៉ាំរ៉ៃរបស់ពួកគេ។

វេជ្ជបណ្ឌិត ដានីញ៉ែល វាយ (Daniel White) បាននិយាយថា ការធាត់ គឺជាកត្តាចម្បង ដែលបញ្ឈប់អ្នកជំងឺ ពីការឆ្លើយតបទៅនឹងការព្យាបាល។

អ្នកស្រាវជ្រាវបានរកឃើញថា អ្នកជំងឺមួយចំនួន ហាក់ដូចជាទទួលបានភាពធូរស្រាល។ អ្នកជំងឺទាំងនោះរួមមាន អ្នកដែលមិនជក់បារី ក៏ដូចជាអ្នកដែលចាប់ផ្តើមការព្យាបាល ជាមួយនឹងថ្នាំ Methotrexate។

វេជ្ជបណ្ឌិត Goodman បាននិយាយថា អ្នកស្រាវជ្រាវ មានការភ្ញាក់ផ្អើលដែលឃើញថា អ្នកធាត់ ដើរតួរសំខាន់ ថាតើគាត់អាចទទួលបានភាពធូរស្រាល ឬយ៉ាងណា។ គាត់សង្ស័យថា ការរលាក ដែលត្រូវបានផ្សារភ្ជាប់ទៅនឹងការធាត់ អាចជាមូលហេតុ។

អ្នកស្រាវជ្រាវមិនប្រាកដ ថាតើហេតុអ្វី បានជាការមិនគ្រប់ទម្ងន់ អាចប៉ះពាល់ដល់ភាពធូរស្រាលរបស់អ្នកជំងឺនោះទេ។ វេជ្ជបណ្ឌិត Goodman បាននិយាយថា វាអាចទៅរួច ដែលអ្នកមិនគ្រប់ទម្ងន់ អាចហាក់ដូចជាអ្នកជក់បារី ឬមានជំងឺដទៃទៀត ដែលបណ្តាលអោយមានការរលាក។ គាត់បានបន្តថា គាត់សង្ឃឹមថា មានក្រុមនៃការស្រាវជ្រាវដ៏ធំដទៃទៀត ដែលមើលពីការផ្សារភ្ជាប់គ្នានេះ។

មិនថាទម្ងន់របស់អ្នកប៉ុន្មាននោះទេ គាត់បាននិយាយថា ការធ្វើលំហាត់ប្រាណ ជារឿយៗ គឺមានប្រយោជន៍ សម្រាប់អ្នកដែលមានជំងឺរលាកសន្លាក់ឆ្អឹងរ៉ាំរ៉ៃនេះ។ គាត់បាននិយាយថា ការធ្វើលំហាត់ប្រាណ អាចជួយការពារការហើមសន្លាក់មួយចំនួន ដែលមកពីជំងឺនេះ។

វេជ្ជបណ្ឌិត White បានយល់ស្របថា មានការបង្ហាញជាច្រើន ដែលថា ការធ្វើលំហាត់ប្រាណ ផ្តល់ផលល្អ ចំពោះមុខងារនៃសន្លាក់។

ឆាប់ប៉ុណ្ណាក្រោយពីចាប់ផ្តើមប្រើថ្នាំនោះ វេជ្ជបណ្ឌិត Goodman បានផ្តល់ដំបូន្មាន អោយអ្នកជំងឺរបស់ពួកគេ ចាប់ផ្តើមធ្វើលំហាត់ប្រាណ កម្រិតស្រាលផងដែរ។ ការរត់ ឬការរត់តិចៗ អាចឈឺចំពោះសន្លាក់ដែលឈឺស្រាប់ ប៉ុន្តែការដើរ ការធាក់កង់ និងការហែលទឹក ជាទៀងទាត់ ពិតជាមានប្រយោជន៍ ចំពោះអ្នកជំងឺរលាកសន្លាក់រ៉ាំរ៉ៃនេះ។

គាត់បានបន្ថែមថា ជារឿយៗ ការធ្វើលំហាត់ប្រាណ ពិតជាលំបាក សម្រាប់អ្នកដែលត្រូវបានគេធ្វើរោគវិនិច្ឆ័យថា មានជំងឺនេះ។ សន្លាក់ ដែលត្រូវបានរលាកអាចឈឺខ្លាំង៕

ប្រភព៖health.com.kh

មុន បន្ទាប់

មតិយោបល់