រោគសញ្ញានៃការច្រាលទឹកនោមពីប្លោកនោមទៅក្នុងបំពង់បង្ហូរនោម

រោគសញ្ញានៃការច្រាលទឹកនោមពីប្លោកនោមទៅក្នុងបំពង់បង្ហូរនោម

ភាគច្រើនបំផុតជំងឺច្រាលទឹកនោមពីប្លោកនោមទៅក្នុងបំពង់បង្ហូរទឹកនោមមិនមានរោគសញ្ញាជាក់ស្តែងនោះទេ។ជារឿយៗវាត្រូវបានរកឃើញដំបូងនៅពេលដែលកុមារមានជំងឺនៃការឆ្លងមេរោគនៅលើផ្លូវបង្ហូរទឹកម៉ូត្រជាមួយនឹងគ្រុនក្តៅ។

រោគសញ្ញាការឆ្លងមេរោគនៅនឹងបំពង់បង្ហូរទឹកនោមរួមមាន ៖

ការឆ្លងមេរោគនៅនឹងប្លោកនោម

នោមញឹកឬចង់នោមជាបន្ទាន់
នោមក្រហាយ
មានឈាមក្នុងទឹកនោមឬនោមមានក្លិនឆួលខ្លាំង។

ការឆ្លងមេរោគនៅនឹងបំពង់បង្ហូរនោមឬតម្រងនោម

ឈឺចង្កេះ
គ្រុនក្តៅឬញាក់។

នៅពេលដែលកុមារកាន់តែធំបើជំងឺច្រាល់ទឹកនោមពីប្លោកនោមទៅកាន់បំពង់បង្ហូរទឹកនោមមិនត្រូវបានព្យាបាលហើយស្របជាមួយនឹងមានការឆ្លងមេរោគនៅនឹងផ្លូវបង្ហូរទឹកនោមនោះវាអាចនាំអោយមានបញ្ហានៅថ្ងៃក្រោយយូរអង្វែងដែលត្រូវបានបង្កឡើងដោយការសម្លាកនៃតម្រងនោម។បញ្ហាទាំងនេះរួមមាន ៖

ជំងឺលើសឈាម
ប្រូតេអ៊ីននៅក្នុងទឹកនោម
ថយចុះមុខងារនៃតម្រងនោមឬមានជំងឺខ្សោយតម្រងនោម។

ក្នុងករណីមួយចំនួនជំងឺច្រាលទឹកនោមពីប្លោកនោមទៅលើបំពង់បង្ហូរនោមនោះអាចត្រូវបានរកឃើញមុននឹងកុមារកើតអំឡុងពេលការធ្វើអេកូជាប្រចាំមុនកើតនោះ។អេកូប្រើរលកសម្លេងដើម្បីបង្កើតបានជារូបភាពនៃទារកនៅក្នុងស្បូន។ជួនកាលអេកូអាចបង្ហាញឃើញប្រសិនបើទារកមានហើមតម្រងនោមដែលអាចជាសញ្ញាមួយនៃជំងឺច្រាលទឹកនោមពីប្លោកនោមទៅកាន់បំពង់បង្ហូរនោមនោះ៕
ប្រភព៖health.com.kh

មុន បន្ទាប់

មតិយោបល់