អាហារមានជាតិសរសៃអាចគ្រប់គ្រងជំងឺទឹកនោមផ្អែម

អាហារមានជាតិសរសៃអាចគ្រប់គ្រងជំងឺទឹកនោមផ្អែម

អាហារដែលមានជាតិសរសៃខ្ពស់អាចជាអ្វីដែលគ្រូពេទ្យស្នើសុំដើម្បីអោយកម្រិតជាតិស្ករនៅក្នុងឈាមរបស់អ្នកមានស្ថេរភាព។ ការរក្សាកម្រិតជាតិស្ករនៅក្នុងឈាមអោយនៅថេរគឺជាគោលបំណងដ៏ធំ ហើយដែលយើងនឹងទទួលបានប្រយោជន៍ពីវាយ៉ាងច្រើន។ ប្រសិនបើអ្នកមិនមានជំងឺទឹកនោមផ្អែមប្រភេទទី២នោះទេនេះអាចជាមធ្យោបាយដើម្បីការពារវា។ ប្រសិនបើអ្នកមានវានេះអាចជាមធ្យោបាយដើម្បីរក្សាវាអោយនៅថេរ។ ការស្រាវជ្រាវបានរកឃើញថាអាហារដែលមានជាតិសរសៃខ្ពស់ អាចជួយការពារពីជំងឺទឹកនោមផ្អែមប្រភេទទី២។ ការស្រាវជ្រាវថ្មីៗបំផុតដដែលបានធ្វើលើបុរស និងស្ត្រីដែលលើសទម្ងន់ ឬធាត់ដែលមិនមានជំងឺទឹកនោមផ្អែមបានបង្ហាញថា វាអាចបន្ថយកម្រិតជាតិស្ករនៅក្នុងឈាម និងអាំងស៊ុយលីនជាមួយនឹងការប្រើប្រាស់ថ្នាំដែលមានជាតិសរសៃ។ អ្នកស្រាវជ្រាវជនជាតិអាល្លឺម៉ង់បានធ្វើសេចក្តីរាយការណ៍ថា ការញ៉ាំអាហារដែលមានជាតិសរសៃរយៈពេលតែ៣ថ្ងៃបានផ្តល់ភាពប្រសើរឡើងដល់មុខងាររបស់អ័រម៉ូនអាំងស៊ុយលីនចំពោះស្ត្រីដែលធាត់ និងលើសទម្ងន់ដល់ទៅ៨ ភាគរយ។ ព័ត៌មានល្អចំពោះអ្នកដែលមានជំងឺទឹកនោមផ្អែម គឺថា ការបង្កើនអាហារដែលមានជាតិសរសៃ ក៏អាចការពារផលវិបាករយៈពេលយូរនៃជំងឺទឹកនោមផ្អែមផងដែរ។ អាហារដែលមានជាតិសរសៃត្រូវបានរកឃើញថា អាចបន្ថយកម្រិតជាតិស្ករនៅក្នុងឈាម។ ចំពោះការស្រាវជ្រាវរយៈពេលពី២ទៅ១៧សប្តាហ៍ការញ៉ាំអាហារដែលមានជាតិសរសៃត្រូវបានបង្ហាញថាបន្ថយតម្រូវការអាំងស៊ុយលីនចំពោះអ្នកដែលមានជំងឺទឹកនោមផ្អែមប្រភេទទី២៕

ប្រភព៖health.com.kh

មុន បន្ទាប់

មតិយោបល់