ជំងឺស្ត្រេសក្រោយប៉ះទង្គិចផ្លូវចិត្តចំពោះស្ត្រីបានផ្សារភ្ជាប់ទៅនឹងការកើតកូនមិនគ្រប់ខែ

ជំងឺស្ត្រេសក្រោយប៉ះទង្គិចផ្លូវចិត្តចំពោះស្ត្រីបានផ្សារភ្ជាប់ទៅនឹងការកើតកូនមិនគ្រប់ខែ

ការមានជំងឺស្ត្រេសក្រោយប៉ះទង្គិចផ្លូវចិត្ត (PTSD) បង្កើនហានិភ័យចំពោះស្ត្រីមានផ្ទៃពោះអោយកើតកូនមិនគ្រប់ខែ។

អ្នកស្រាវជ្រាវបានពិនិត្យទៅលើទារកដែលទើបនឹងកើតជាង ១៦.០០០នាក់ ហើយបានរកឃើញថា ការមានជំងឺស្ត្រេសក្រោយប៉ះទង្គិចផ្លូវចិត្តក្នុងឆ្នាំមុន ម្តាយនឹងបង្កើនហានិភ័យនៃការកើតកូនមិនគ្រប់ខែ៣៥ ភាគរយ។

ចំពោះការកើតកូនមិនគ្រប់ខែដោយឯកឯងម្តាយទៅបន្ទប់សម្រាល ហើយបានសម្រាលកូនលឿនជាង៣សប្តាហ៍។ ប្រភេទនៃការសម្រាលនេះមានប្រហែល៦នាក់ក្នុងចំណោមទារកដែលកើត១០០នាក់។

ការស្រាវជ្រាវបានរកឃើញថា ការមានជំងឺស្ត្រេសក្រោយប៉ះទង្គិចផ្លូវចិត្តថ្មីៗត្រូវបានទាក់ទងជាមួយនឹងការកើតកូនមិនគ្រប់ខែពីរនាក់ក្នុងចំណោមការសម្រាល១០០នាក់។ ដោយសារតែការបញ្ជាក់ពីការស្រាវជ្រាវអ្នកស្រាវជ្រាវអាចរកឃើញពីការផ្សារភ្ជាប់គ្នារវាងជំងឺស្ត្រេសក្រោយប៉ះទង្គិចផ្លូវចិត្ត និងការកើតកូនមិនគ្របខែ។ ប៉ុន្តែ ពួកគេមិនអាចបង្ហាញថា ជំងឺស្ត្រេសក្រោយប៉ះទង្គិចផ្លូវចិត្ត គឺជាមូលហេតុនៃការសម្រាលកូនលឿននោះទេ។

សរុបមកមានប្រហែលជា១២ ទារកដែលកើតមិនគ្រប់ខែក្នុងចំណោមទារក ១០០នាក់។ មួយចំនួននៃពួកគេត្រូវបានបង្កឡើងដោយបញ្ហាសុខភាពដែលទាក់ទងនឹងម្តាយ ឬកូន។

វេជ្ជបណ្ឌិត ស៊ីយ៉ាងរ៉េន ហ្វីប (Ciaran Phibbs) បាននិយាយថា ការស្រាវជ្រាវនេះផ្តល់អោយយើងនូវការជម្រុញនៃមូលដ្ឋានគ្រឹះនៃអេពីដេមីសាស្ត្រដើម្បីនិយាយថា ជំងឺស្ត្រេសក្រោយប៉ះទង្គិចផ្លូវចិត្ត គឺជាកត្តាហានិភ័យមួយចំពោះការសម្រាលកូនមិនគ្របខែ។

ការស្រាវជ្រាវត្រូវបានចេញផ្សាយនៅក្នុងកាសែត Obstetrics & Gynecology៕

ប្រភព៖health.com.kh

មុន បន្ទាប់

មតិយោបល់