ជំងឺទឹកនោមផ្អែមពេលមានផ្ទៃពោះ អាចជះឥទ្ធិពលដល់ទម្ងន់នៅថ្ងៃក្រោយ

ជំងឺទឹកនោមផ្អែមពេលមានផ្ទៃពោះ អាចជះឥទ្ធិពលដល់ទម្ងន់នៅថ្ងៃក្រោយ

ត្យដោយwww.health.com.khថ្ងៃទី29 តុលា ឆ្នាំ2014

ការស្រាវជ្រាវថ្មីមួយបានបង្ហាញថា កូនស្រីនៃម្តាយដែលបានវិវត្តទៅជាជំងឺទឹកនោមផ្អែមអំឡុងពេលមានផ្ទៃពោះនោះ អាចមានហានិភ័យក្នុងការធាត់នៅពេលក្រោយ។

អ្នកស្រាវជ្រាវបានមើលទៅលើក្មេងស្រីជាង៤០០នាក់ដែលត្រូវបានតាមដានពីឆ្នាំ២០០៥ ដល់ឆ្នាំ២០១១ ជាមួយនឹងការពិនិត្យសុខភាពប្រចាំឆ្នាំនូវកម្ពស់ ទម្ងន់ ខ្លាញ់ខ្លួន និងការធាត់នៅពោះ។ ក្មេងស្រីគឺមានអាយុចន្លោះពី៦ឆ្នាំ ទៅ៨ឆ្នាំនៅពេលចាប់ផ្តើមនៃការស្រាវជ្រាវ។ អ្នកស្រាវជ្រាវក៏បានពិនិត្យលើកំណត់ត្រាសុខភាពរបស់ម្តាយរបស់ក្មេងស្រីនោះដែរ។

ដោយយោងតាមការស្រាវជ្រាវ ម្តាយ២៧នាក់បានវិវត្តទៅជាជំងឺទឹកនោមផ្អែមអំឡុងពេលមានផ្ទៃពោះ។ ក្មេងស្រីដែលម្តាយមានជំងឺទឹកនោមផ្អែមអំឡុងពេលមានផ្ទៃពោះ គឺមានអត្រា៣,៥ដងហាក់ដូចជាវិវត្តទៅជាលើសទម្ងន់ជាងក្មេងស្រីដែលម្តាយមិនមានជំងឺទឹកនោមផ្អែមអំឡុងពេលមានផ្ទៃពោះ។

ការស្រាវជ្រាវបានរកឃើញថា ក្មេងស្រីហាក់ដូចជាមាន៥,៥ ភាគរយក្លាយទៅជាលើសទម្ងន់ប្រសិនបើម្តាយរបស់ពួកគេមានជំងឺទឹកនោមផ្អែមអំឡុងពេលមានផ្ទៃពោះ ហើយលើសទម្ងន់មុននឹងមានផ្ទៃពោះ។ កូនស្រីក៏ហាក់ដូចជាមានបរិមាណខ្លាញ់ខ្លួនច្រើន និងខ្លាញ់នៅរង្វង់ចង្កេះផងដែរ។ ការស្រាវជ្រាវបានសម្គាល់ឃើញថា ការផ្សារភ្ជាប់គ្នានេះ គឺមិនគិតទៅលើកត្តាដទៃទៀតដែលជះឥទ្ធិពលទៅលើការធាត់ចំពោះក្មេងស្រី ដែលរួមមាន ជាតិសាសន៍ ម្តាយធាត់ និងដំណាក់កាលនៃពេលពេញវ័យនោះទេ។

វេជ្ជបណ្ឌិត អាយ គូប៊ូ (Ai Kubo) បាននិយាយថា កម្រិតជាតិស្ករនៅក្នុងឈាមអំឡុងពេលមានផ្ទៃពោះ ជាពិសេសជំងឺទឹកនោមផ្អែមអំឡុងពេលមានផ្ទៃពោះត្រូវបានផ្សារភ្ជាប់ជាមួយនឹងក្មេងស្រីដែលលើសទម្ងន់ ហើយការផ្សារភ្ជាប់គ្នានេះ គឺខ្លាំងប្រសិនបើម្តាយលើសទម្ងន់មុននឹងមានផ្ទៃពោះនោះ។

ទោះជាយ៉ាងណាក៏ដោយ ការស្រាវជ្រាវក៏បានរកឃើញតែការផ្សារភ្ជាប់គ្នារវាងទម្ងន់ថ្ងៃក្រោយរបស់កូនស្រី និងទម្ងន់របស់ម្តាយ និងជំងឺទឹកនោមផ្អែមអំឡុងពេលមានផ្ទៃពោះប៉ុណ្ណោះ។ វាមិនបានបង្ហាញថា កត្តាទាំងនេះបណ្តាលអោយក្មេងស្រីលើសទម្ងន់ផ្ទាល់នោះទេ។

អ្នកស្រាវជ្រាវបាននិយាយថា ប៉ុន្តែការស្រាវជ្រាវបានលើកឡើងថា ការអោយស្ត្រីគ្រប់គ្រងទម្ងន់របស់ពួកគេ និងផ្តល់ភាពប្រសើរឡើងដល់របៀបរស់នៅមុននឹងមានផ្ទៃពោះ អាចជួយបន្ថយហានិភ័យនៃកុមារពីការធាត់បាន។

ការស្រាវជ្រាវត្រូវបានចេញផ្សាយនៅក្នុងកាសែត Diabetes Care៕ - chhay
ប្រភព៖health.com.kh

មុន បន្ទាប់

មតិយោបល់