មានអ្វីកើតឡើងចំពោះលំនឹងនៅពេលដែលយើងកាន់តែមានអាយុច្រើន?

មានអ្វីកើតឡើងចំពោះលំនឹងនៅពេលដែលយើងកាន់តែមានអាយុច្រើន?

លំនឹងនឹងថយចុះនៅពេលដែលយើងមានអាយុច្រើន ហើយផលវិបាក ដូចជា ការដួល គឺជាបញ្ហាសំខាន់។ជនជាតិអាមេរិកម្នាក់ក្នុងចំណោម៣នាក់ដែលមានអាយុលើសពី៦៥ឆ្នាំ បានដួលជារៀងរាល់ឆ្នាំ ហើយក្នុងចំណោមអ្នកដែលមានអាយុពី៦៥ឆ្នាំ ទៅ៨៤ឆ្នាំការដួលមានដល់ទៅ៨៧ភាគរយនៃការបាក់ឆ្អឹងទាំងអស់ ហើយ វាគឺជាមូលហេតុទី២នៃការគ្រោះថ្នាក់ឆ្អឹងខ្នង និងខួរក្បាល។ ព័ត៌មានដែលល្អគឺថា លំហាត់ប្រាណ អាចផ្តល់ភាពប្រសើរឡើងដល់លំនឹង និងបន្ថយហានិភ័យនៃការដួលបាន។ លទ្ធផលនៃការស្រាវជ្រាវលើមនុស្សពេញវ័យ ២៥៦នាក់ ដែលមានអាយុចន្លោះពី៧០ឆ្នាំ ទៅ៩២ឆ្នាំ ដែលបានចូលរួមនៅក្នុងការហាត់ថៃជិអស់រយៈពេល៦ខែបានរកឃើញថា មានការដួលនៃអ្នកដែលបានហាត់ថៃជិ តិចជាង៥២ ភាគរយធៀបទៅនឹងអ្នកដែលមិនបានហាត់សោះ ហើយមានការដួលតិចសរុបក្នុងចំណោមអ្នកដែលបានហាត់ថៃជិ បើធៀបទៅនឹងអ្នកដែលមិនបានហាត់សោះ។

នៅក្នុងការស្រាវជ្រាវជាច្រើនដែលបានបូកបញ្ចូលគ្នា វាត្រូវបានបង្ហាញថា ភាពរឹងមាំនៃសាច់ដុំ និងលំហាត់ប្រាណនៃលំនឹងលើមនុស្សប្រុស និងស្រី ១.០១៦នាក់ បានបន្ថយហានិភ័យនៃការដួល និងគ្រោះថ្នាក់ដោយការដួលបានដល់ពី ៣៥ ទៅ៤៥ ភាគរយ។

ការសរុបមួយដ៏សំខាន់នៃការស្រាវជ្រាវ គឺថា វាជារឿងសំខាន់ដើម្បីជ្រើសរើសលំហាត់ប្រាណដើម្បីអោយលំនឹងបានល្អដែលជាក់លាក់ទៅលើសកម្មភាពដែលអាចធ្វើអំឡុងពេលប្រចាំថ្ងៃ។ ថៃជិ គឺល្អសម្រាប់បញ្ហានេះ ដោយសារតែវាទាក់ទងទៅនឹងចលនាយឺតៗ មួយៗ ហើយជាពិសេសមានប្រយោជន៍សម្រាប់លំនឹងនៅពេលដែលអ្នកឈរជើងម្ខាងញឹកញាប់អំឡុងពេលធ្វើវា៕ - chhay
ប្រភព៖health.com.kh

មុន បន្ទាប់

មតិយោបល់