កើតមុនពេលមានផ្ទៃពោះ តើគួរព្យាបាលយ៉ាងណា ទើបមិនប៉ះពាល់ដល់កូន?

កើតមុនពេលមានផ្ទៃពោះ តើគួរព្យាបាលយ៉ាងណា ទើបមិនប៉ះពាល់ដល់កូន?

តើមានវិធីដ៏ល្អណា ដែលអាចព្យាបាលញ្ហាមុន ពេលមានផ្ទៃពោះដែរឬទេ? ពិតណាស់ អ្នកមានជម្រើសជាច្រើនសម្រាប់ការព្យាបាលមុន ក្នុងអំឡុងពេលមានផ្ទៃពោះ ដែលរួមបញ្ចូលទាំងការថែទាំដោយខ្លួនឯង និងការប្រើថ្នាំផងដែរ។ ការកើតមុនពេលមានផ្ទៃពោះ គឺមិនមែនជាទម្រង់ពិសេសអ្វីនោះទេ។ មានស្ត្រីជាច្រើនដែលហាក់ដូចជាមានបញ្ហានឹងការកើតមុន ក្នុងអំឡុងក្នុងពេលមានផ្ទៃពោះ។ បើទោះបីជាវាមិនមានភាពច្បាស់លាល់ថាអ្វីជាមូលហេតុដែលបណ្តាលអោយកើតឡើងខ្លាំងនៅក្នុងអំឡុងពេលមានផ្ទៃពោះក៏ដោយ វាក៏អាចជាបញ្ហាមួយដែលស្ត្រីភាគច្រើនមានការផលិតជាតិខ្លាញ់យ៉ាងលើសលប់ ដែលនេះអាចនឹងកើតមានឡើង នៅពេលដែលអ័រម៉ូនមួយចំនួនបានកើនឡើង។ ការព្យាបាលមុនពេលមានផ្ទៃពោះ អាចចាប់ផ្តើមដោយការថែទាំដោយខ្លួនឯង ដែលក្នុងនោះមានដូចជា ៖

លាងសម្អាតកន្លែងដែលងាយកើតមុនដោយប្រុងប្រយ័ត្ន ៖ លាងសម្អាតថ្នមៗ ដោយប្រើសាប៊ូស្រាលៗ នឹងទឹកក្តៅឧណ្ឌៗនៅពេលព្រឹក និងពេលយប់។ អ្នកក៏គួរលាងសម្អាតស្បែក បន្ទាប់ពីហាត់ប្រាណផងដែរ។
ប្រសិនបើអ្នកមានសក់ខ្លាញ់ សូមកក់រៀងរាល់ថ្ងៃ ៖ ត្រូវប្រុងប្រយ័ត្នកុំអោយសក់បាំងមុខ។
ជៀសវាងការញិច ឬកេះមុន ៖ ទម្លាប់ទាំងនេះអាចបណ្តាលអោយមានស្នាមបាន។
ប្រសិនបើអ្នកប្រើគ្រឿងសម្អាង សូមប្រើផលិតផលដែលគ្មានជាតិប្រេង ៖ មើលការពិពណ៌នាលើប្រអប់ផលិតផលដូចជា Water-based ឬ noncomedogenic ឬ nonacnegenic។

ក្រៅពីការថែទាំដោយខ្លួនឯង អ្នកអាចពិចារណាលើការប្រើថ្នាំ ដែលប្រើក្នុងការព្យាបាលមុនក្នុងពេលមានផ្ទៃពោះបាន។ ទោះជាយ៉ាងណាក៏ដោយ ថ្នាំខ្លះដែលអ្នកលាបលើស្បែក ឬលេបអាចចូលទៅក្នុងចរន្តឈាម ហើយអាចប៉ះពាល់ដល់កូនរបស់អ្នកបាន៕

ប្រភព៖health.com.kh

មុន បន្ទាប់

មតិយោបល់