វិធីសាស្ត្រដែលអ្នកអាចបំបាត់ ការឈឺក្បាលបាន

វិធីសាស្ត្រដែលអ្នកអាចបំបាត់ ការឈឺក្បាលបាន

មានជម្រើសច្រើនណាស់ ដែលអ្នកអាចប្រើដើម្បីបំបាត់ការឈឺចាប់បានដូចជាថ្នាំបំបាត់ការឈឺចាប់ប្រភេទ Nonsteroidal Anti-inflammatory Drugs (Motrin, Aleve) ជាដើម។ អ្នកដែលមានបញ្ហាឈឺក្បាលបែបប្រកាំងច្រើនតែប្រើថ្នាំ Beta Blocker ឬ ថ្នាំប្រឆាំងនឹងការបាក់ទឹកចិត្ត ដើម្បីកុំអោយមានអាការៈឈឺក្បាល ជាពិសេសនៅពេលចាប់ផ្តើមមានរោគសញ្ញាតែម្តង។

ប៉ុន្តែ បើសិនជាការឈឺក្បាលចេះតែបន្តកើតមានជាប់រហូត ឬថ្នាំផ្សេងៗមិនអាចបំបាត់បាននោះ ខាងក្រោមនេះ គឺជាវិធីសាស្ត្រខ្លះៗ ដែលអាចជួយដល់អ្នកបាន។

ចាក់ម្ជុលវិទ្យាសាស្ត្រ

ការប្រើម្ជុលវិទ្យាសាស្ត្រ គឺជាការចាក់ម្ជុលដ៏តូចមួយទៅក្រោមស្បែក ដើម្បីរកលំហូរថាមពល ឬ Qi ក្នុងរាងកាយ។ អ្នកជំនាញបានរកឃើញថា ម្ជុលវិទ្យាសាស្ត្រអាចជួយបង្ការបញ្ហាឈឺក្បាលបែបប្រកាំងស្រួចស្រាវ ព្រមទាំងមិនសូវមានផលរំខានទៀតផង។

ម៉ាស្សា

ដើម្បីបំពាត់អាការៈឈឺក្បាលជាបណ្តោះអាសន្ត ចូរសាកល្បងឈ្លីៗនៅតំបន់សៀតផ្ការ ឬធ្វើការម៉ាស្សានៅកញ្ចឹងក ខ្នង ក្បាល ឬស្មាខ្លះទៅ។ ពេលនោះអ្នកនឹងមានអារម្មណ៍ថា ស្រួលខ្លួនបន្តិច ប៉ុន្តែ អ្នកគួរតែធ្វើវាម្តងហើយម្តងទៀត។ តាមការសិក្សាដ៏តូចមួយបានអោយដឹងថា អ្នកដែលមានបញ្ហាប្រកាំង ហើយធ្វើការម៉ាស្សានៅតំបន់ដូចបានរៀបរាប់ខាងលើរយៈពេល ៦ សប្តាហ៍ ឃើញថា មិនសូវឧស្សាហ៍ឈឺក្បាលទេ តែថែមទាំងដេកលក់កាន់តែស្រួលក្នុងពេលម៉ាស្សាបានច្រើនសប្តាហ៍ទៀត។

ពត់សាច់ដុំនៅក

ការពត់សាច់ដុំនៅក ដើម្បីបំបាត់ការឈឺក្បាល អាចជួយបន្ធូរសាច់ដុំដែលកំពុងតែតឹងនោះ កុំអោយបង្កការឈឺចាប់ទៀតបាន។ ចូរឧស្សាហ៍ធ្វើបែបនេះនៅពេលអ្នកមានអារម្មណ៍ឈឺក្បាល។

ចូរធ្វើចលនាក (ងើយចង្ការទៅមុខ ឡើងលើ និងងាក់ទៅឆ្វេង ឬស្តាំ) លើកស្មាទាំងពីរឡើង (ឡើងលើ ទៅមុខ និងទៅក្រោយ) យកបាតដៃសង្កត់ថ្ងាសអោយជាប់ និងយកបាតដៃសង្កត់ក្បាលពីចំហៀងទាំងសងខាងអោយជាប់។

លំហាត់ប្រាណ

ការហាត់ប្រាណជាទៀងទាត់ដូចជា ការដើរ ការជិះកង់ ឬហែលទឹក សុទ្ធតែអាចបន្ថយភាពធ្ងន់ធ្ងរនៃអាការៈឈឺក្បាលបែបប្រកាំងបានទាំងអស់។ ដូច្នេះ អ្នកដែលចូលរួមហាត់ប្រាណប្រភេទនេះនឹងជួយពង្រឹងដល់គុណភាពនៃជីវិត ព្រមទាំងបន្ថយចំនួនដងនៃការឈឺក្បាល និងភាពធ្ងន់ធ្ងររបស់វាទៀតផង៕
ប្រភព៖health.com.kh

មុន បន្ទាប់

មតិយោបល់