ហេតុអ្វីគេវះកាត់ តាមបច្ចេកទេស XLIF ដើម្បីព្បាបាល ការឈឺឆ្អឹងខ្នង?

ហេតុអ្វីគេវះកាត់ តាមបច្ចេកទេស XLIF ដើម្បីព្បាបាល ការឈឺឆ្អឹងខ្នង?

ការវះកាត់ឆ្អឹងកងខ្នងដោយបើកមុខតូចហៅថា XLIF គីជាការវះកាត់ឆ្អឹងខ្នងដ៏ទំនើបបំផុតមួយដែលកម្រមាននៅក្នុងមន្ទីរទ្យពេទ្យជាច្រើននៅក្នុងប្រទេសនៅក្នុងអាស៊ីឡើយ។មន្ទីរពេទ្យ Ramsay Sime Darby Healthcare ដែលទទួលពានរង្វាន់នាយករដ្ឋមន្ត្រីម៉ាឡេស៊ី អះអាងថាមន្ទីរពេទ្យរបស់ខ្លួនគឺជាមន្ទីរពេទ្យដំបូងគេដែលប្រើប្រាស់បច្ចេកទេសវះកាត់ XLIF ដែលអាចអោយអ្នកជំងឺឆាប់ជាសះស្បើយនិងមានការបើកមុខតូចបំផុតនៅពេលវះកាត់។ លោកវេជ្ជបណ្ឌិត រូមូហ្កា កុមារ (Rumuga Kumar) ដែលជាគ្រូពេទ្យឯកទេស វះកាត់ឆ្អឹងខ្នង និងខួរក្បាលបាននិយាយថានៅពេលគេប្រើប្រាស់បច្ចេកទេសវះកាត់XLIF នេះគឺគេគ្រាន់តែចោះកន្លែងតូចមួយពីចំហៀងដើម្បីបើកមុខប៉ុណ្ណោះ ហើយ វានឹងមិនមានទាមទារកាត់សាច់ដុំឬឆ្អឹងដើម្បីទៅដល់តំបន់ឆ្អឹងកងខ្នងឡើង។ ការវះកាត់ឆ្អឹងខ្នងតាមបែបបុរាណគឺគេបើកមុខធំនិងធ្វើនៅតំបន់ខ្នង។ លោកវេជ្ជបណ្ឌិតកុមារបានអះអាងថាការវះកាត់នេះមានប្រសិទ្ឋភាពបំផុតដោយមានហានិភ័យត្រឹមតែមួយភាគរយប៉ុណ្ណោះ។ លោកអះអាងទៀតថានៅក្នុងរយ:ពេល១៥ឆ្នាំដែលលោកធ្វើការនៅមន្ទីរពេទ្យ Ramsay Sime Darby មិនមានអ្នកជំងឺណាមានបញ្ហាក្រោមការវះកាត់ដោយសារលោកឡើយ។គេធ្វើការវះកាត់ឆ្អឹងកងខ្នងនៅពេលដែលការឈឺឆ្អឹងខ្នងមិនអាចព្យាបាលដោយថ្នាំបានហើយវាគំរាមកំហែងធ្វើអោយអ្នកជំងឺអាចពិការជើង។ ជាទូទៅការឈឺឆ្អឹងខ្នងចំនួន៩៥ភាគរយ អាចព្យាបាលដោយប្រើថ្នាំ ការព្យាបាលដោយចលនា និង ការសម្រាក។ នៅពេលដែលអ្នកជំងឺធ្វើការវះកាត់ឆ្អឹងកងខ្នងតាមរយ:បច្ចេកទេស XLIF នោះ អ្នកជំងឺនឹងអាចចេញពីមន្ទីរពេទ្យនៅមួយថ្ងៃឬពីឬថ្ងៃក្រោយមកហើយគេអាចនឹងវិលត្រឡប់ទៅធ្វើការវិញបាននៅក្នុងរយ:ពេលប្រហែលមួយសប្តាហ៍។មន្ទីរពេទ្យ Ramsay Sime Darby Healthcare នៅទីក្រុងកូឡាឡាំពួរប្រទេសម៉ាឡេស៊ីគឺជាមន្ទីរពេទ្យដំបូងគេប្រើបច្ចេកទេសវះកាត់ EXLIF នៅតំបន់អាស៊ី។មន្ទីរពេទ្យ រ៉ាម សាយ សាំដាប៊ីជាមន្ទីរពេទ្យដែលធ្លាប់បានទទួលពានរង្វាន់នាយករដ្ឋមន្ត្រីម៉ាឡេស៊ីហើយមានមន្ទរពេទ្យធំៗបីនៅម៉ាឡេស៊ី និង បីទៀតនៅឥណ្ឌូនេស៊ី។ ចំណែក Ramsay Health Care ដែលជាក្រុមហ៊ុនមេមួយនៅក្នុងចាប់ដៃជាមួយក្រុមហ៊ុន Ramsay Sime Darby ដើម្បីបង្កើតជាមន្ទីរេទ្យរ៉ាម សាយសាមដាប៊ីវិញ គឺមានមន្ទីរពេទ្យរហូតដល់ប្រមាណជា១៧០ នៅទូទាំង ពិភពលោក។ប្រជាជន កម្ពុជា ដែល មាន បញ្ហា ឈឺ ឆ្អឹងខ្នង និង ចម្ងល់ ទាក់ទង ការព្យាបាល ដោយ ថ្នាំ និង ការវះកាត់ XLIF សម្រាប់ ការព្យាបាល ឈឺ ឆ្អឹងខ្នង នេះ អាចទាក់ទង វេជ្ជបណ្ឌិត ងួន សេ រ័ត្ន តាម ទូរស័ព្ទ 012 267 277 សម្រាប់ ព័ត៌មាន បន្ថែមអំពីមន្ទីរពេទ្យ Ramsay Sime Darby Healthcare៕
ប្រភព៖ health.com .kh

មុន បន្ទាប់

មតិយោបល់