៥ចំណុចបើនារីៗនៅតែប្រឹងធ្វើច្បាស់ជាសង្សារទ្រាំមិនបានសុំបែក

៥ចំណុចបើនារីៗនៅតែប្រឹងធ្វើច្បាស់ជាសង្សារទ្រាំមិនបានសុំបែក

ស្នេហាក៏មិនខុសគ្នាដែរ អ្នកខ្លះបែកបាក់គ្នាទាំងមិនបានត្រៀមខ្លួនទុកមុន។ កំហុសតូចៗទេ តែអាចធ្វើឲ្យសង្សារអស់ចិត្តដោយមិនដឹងខ្លួន។ តើកំហុសទាំងនោះមានអ្វីខ្លះទៅ?

love

សង្ស័យហួសហេតុ៖ អ្នកប្រហែលជាគិតថា ការដែលអ្នកចូលចិត្តសួរដេញដោលពីគេច្រើន អាចបញ្ជាក់ថាអ្នកស្រលាញ់សង្សារខ្លាំងណាស់ ប៉ុន្តែមិនមែនបែបនេះនោះទេ។ ផ្ទុយទៅវិញ នៅពេលដែលអ្នកដាក់ការសង្ស័យទៅលើសង្សារច្រើនពេក នោះបុរសដែលអ្នកស្រលាញ់ នឹងមានអារម្មណ៍ថាធុញដោយស្វ័យប្រវត្តិ ហើយទំនាក់ទំនងរបស់អ្នកទាំងពីរក៏ប្រហែលជាមានភាពរកាំរកូសដោយសារតែបញ្ហានេះជាមិនខានឡើយ។

មិនសូវស្ដាប់ហេតុផល៖ មនុស្សមានចរិតខុសៗគ្នា អ្នកខ្លះជាប្រភេទមនុស្សចូលចិត្តស្ដាប់ហេតុសិន មុននឹងធ្វើការវិនិច្ឆ័យរឿងអ្វីមួយ។ ទន្ទឹមគ្នានេះដែរ អ្នកខ្លះពិបាកពន្យល់ណាស់។ ឆាប់ខឹងឃើញភ្លាមប្រតិកម្មភ្លែត រហូតដល់មានអ្នកខ្លះខឹងនឹងសង្សារខ្លួនទាំងដែលសង្សារមិនបានដឹងខ្លួនមុនថា គេខុសអ្វីផង។ សាកស្រមៃមើលទៅ តើបុរសណាទ្រាំបានបើ នៅសុខៗត្រូវសង្សារខ្លួនខឹងច្រឡោតគ្មានក្បាលកន្ទុយបែបនេះនោះ។

Photo-Love

ស្ដាប់មិត្តភ័ក្តិច្រើនពេក៖ ជឿអត់ថា មាននារីមួយចំនួនចូលចិត្តស្ដាប់មិត្តភ័ក្ដិរបស់ខ្លួនសំខាន់ជាងសង្សារ។ ដឹងហើយថា មនុស្សត្រូវតែមានទំនាក់ទំនង ជាពិសេសមិត្តភ័ក្ដិ តែប្រសិនបើអ្នកបណ្ដោយឲ្យមិត្តភ័ក្តិរបស់អ្នកចូលមកដឹងឮរឿងជីវិតស្នេហារបស់អ្នកច្រើនពេកក៏មិនល្អប៉ុន្មានដែរ។ ស្នេហាមនោសញ្ចេតនារបស់មនុស្សពីរនាក់ មិនគួរឲ្យអ្នកផ្សេងបានដឹងនោះទេ រឿងខ្លះបើអាចលាក់បានគួរតែលាក់ខ្លះទៅ។

ស្រលាញ់តែមិនផ្ដល់សេរីភាព៖ បុរសមួយចំនួនតែងតែរអ៊ូរទាំថា “ពេលមានស្នេហាហាក់ដូចជាបាត់បង់សេរីភាព”។ ហេតុដូចនេះហើយនារីៗគួរតែគិតដល់ចំណុចមួយនេះផង ការដែលសង្ស័យមិនទុកចិត្តជាបញ្ហាមួយហើយ តែប្រសិនបើបិទសិទ្ធិសេរីភាពផ្សេងៗរបស់សង្សារថែមទៀត បុរសៗច្បាស់ជាមានអារម្មណ៍ថាធុញទ្រាន់ជាក់ជាមិនខានឡើយ។ ចូរប្រុងប្រយ័ត្នចំណុចនេះផង!

ប្រច័ណ្ឌគ្មានហេតុផល៖ ប្រច័ណ្ឌព្រោះស្រលាញ់ ឃ្លានេះត្រឹមត្រូវហើយ តែមិនប្រាកដថាសង្សាររបស់អ្នកគិតបែបនេះទេ។ បុរសៗងាយនឹងធុញទ្រាន់ណាស់ បើសិនជាងាកប្រច័ណ្ឌៗ សង្សាររបស់អ្នកប្រាកដជាសុំអ្នកបែកនៅថ្ងៃណាមួយ។ មានអ្នកខ្លះសូម្បីតែលេខសំងាត់ក្នុង facebook របស់សង្សារខ្លួនក៏ទាមទារចង់ដឹង ព្រោះខ្លាចសង្សារលួចលេងជាមួយស្រីផ្សេង ហើយបើមិនអញ្ចឹងទេចូលចិត្តឆែកឆេរទូរសព្ទសង្សារខ្លាចមានអាថ៌កំបាំងអ្វី។

៥ចំណុចខាងលើ សុទ្ធតែជាចំណុចមិនល្អដែលនារីៗគួរតែយល់ដឹងនៅពេលដែលមានសង្សារ តែបុរសៗក៏គួរតែស្វែងយល់ពីវាដែរ ប្រយ័ត្នសង្សារសុំបែកទាំងមិនដឹងខ្លួនណា៎!

BY sabay

មុន បន្ទាប់

មតិយោបល់