ធ្វើម៉េចទើបសក់មានភាពរលោងទៅ?

ធ្វើម៉េចទើបសក់មានភាពរលោងទៅ?

នៅពេលដែលអ្នកមានផលិតផលថែរក្សាសក់យ៉ាងច្រើនក្នុងបន្ទប់ទឹក ដែលបានមកពីហាងលក់ទំនិញផ្សេងៗនៅលើទីផ្សារនោះ អ្នកប្រហែលជាដល់ពេលដែលត្រូវសាកល្បងវិធីសាស្ត្រថ្មីវិញហើយ។ មានវិធីសាស្ត្រងាយៗ និងមានតម្លៃថោកជាង ហើយអ្នកក៏នឹងទទួលបានសក់ក្បាលដ៏ស្រស់ស្អាត និងភ្លឺរលោងបានដែរ តាមរយៈការញ៉ាំអាហារដែលត្រឹមត្រូវ របៀបនៃការថែរក្សាសក់ និងការព្យាបាលសក់បែបធម្មជាតិ។ បើសិនជាអ្នកចង់សន្សំលុយកុំអោយចំណាយច្រើន ហើយអាចទទួលបានសក់ក្បាលដ៏ភ្លឺរលោងដែរនោះ មធ្យោបាយខាងក្រោមនេះអាចជួយដល់អ្នកបាន ៖

ជៀសវាងការងូតទឹកក្តៅ

ជំហានដំបូងដើម្បីទទួលបានសក់ដែលភ្លឺរលោងនោះ គឺការផ្តល់ឱកាសអោយសក់អ្នកចេះថែរក្សាខ្លួនឯងផង។ ចូរកាត់បន្ថយការងូតទឹកក្តៅ ព្រោះទឹកក្តៅអាចនឹងជម្រះជាតិប្រេងធម្មជាតិចេញពីសរសៃសក់ និងធ្វើអោយសក់មើលទៅស្ងួត និងងាយពុកផុយ។

ញ៉ាំអាហារដែលផ្តល់នូវសុខភាព

សក់ស្ងួត អាចជាសញ្ញាដែលអ្នកញ៉ាំអាហារមិនបានត្រឹមត្រូវ។ ចូរធ្វើការចិញ្ចឹមសក់អ្នកពីក្នុងទៅក្រៅតាមរយៈការញ៉ាំបន្លែ និងផ្លែឈើអោយបានច្រើន ហើយក៏មិនចាំបាច់ប្រើប្រាស់ផលិតផលថែរក្សាសក់អ្វីដែរ។

ការពារសក់

សក់អាចនឹងងាយខូចខ្លាំង ហើយជាតិប្រេងពីធម្មជាតិអាចនឹងរលាយបាត់អស់ បើសិនជាអ្នកមិនមានវិធីការពារសក់របស់អ្នកទេ។ កម្តៅព្រះអាទិត្យ ភាពត្រជាក់ និងខ្យល់ស្ងួតអាចធ្វើអោយរលាយជាតិប្រេងចេញពីសក់បាន ដូច្នេះ យកល្អគួរតែមានអ្វីការពារ និងគ្របសក់ក្បាលរបស់អ្នកផងនៅពេលស្ថិតក្រោមអាកាសធាតុទាំងអស់នេះ។ ការហែលទឹក គឺជាមូលហេតុមួយផ្សេងទៀតដែលនាំអោយសក់ទៅជាស្ងួត ដូច្នេះ មុនពេលអ្នកងូតទឹកក្នុងអាងហែលទឹក ចូរធ្វើយ៉ាងណាប្រើក្រែមអប់សក់បន្តិចបន្តួចសិន ព្រមទាំងពាក់មួកសម្រាប់ហែលទឹក ទើបអាចការពារសារធាតុគីមីដែលមានក្នុងអាងទឹកបាន។

អប់សក់ជាមួយនឹងស៊ុត

ស៊ុត មានប្រសិទ្ធភាពក្នុងការអប់សក់ ដូច្នេះ ចូរយកស៊ុតពណ៌សមួយចំនួនលាបលើសក់ក្បាល ហើយទុកចោល ១០ នាទីសិន ចាំលាងជម្រះ។ ការធ្វើបែបនេះនឹងជួយផ្តល់សំណើមដល់សរសៃសក់បានយ៉ាងល្អ។ អ្នកក៏អាចអាចយកវាមកប្រើជំនួសសាប៊ូកក់សក់ម្តងម្កាលផងដែរ ព្រោះវាជាវិធីសាស្ត្រដ៏លឿនក្នុងការផ្តល់ភាពភ្លឺរលោងដល់សរសៃសក់៕
ប្រភព៖ health.com.kh

មុន បន្ទាប់

មតិយោបល់