អាយុ៣០ការឈឺចាប់អ្វីដែលជួបញឹកញាប់ជាងគេ?

អាយុ៣០ការឈឺចាប់អ្វីដែលជួបញឹកញាប់ជាងគេ?

ការឈឺក្បាល ៖នៅអាយុ៣០ឆ្នាំរបស់អ្នក អាចជាពេលដែលប៉ះពាល់ទៅលើអារម្មណ៍ច្រើន។ ស្ត្រេសនៅកន្លែងធ្វើការ និងនៅផ្ទះ គឺជារឿងមួយទូទៅចំពោះអ្នកដែលមានអាយុប៉ុននេះ ហើយអាចនាំអោយឈឺក្បាល។

វេជ្ជបណ្ឌិត ប៉ូល លេនហ្គេវីន (Paul B. Langevin) បាននិយាយថា ការអង្គុយនៅមុខកុំព្យូទ័រជារៀងរាល់ថ្ងៃដែលក្បាលរបស់អ្នកនៅក្នុងទីតាំងមួយ អាចធ្វើអោយកឡើងរឹង និងបណ្តាលអោយក្បាលរបស់អ្នកឈឺ។

ដំណោះស្រាយ ៖ ដើម្បីបន្ថយស្ត្រេសព្យាយាមដកដង្ហើមជ្រៅៗ។ សូមព្យាបាលខ្លួនអ្នក ដោយធ្វើការម៉ាស្សាថ្នមៗ ឬត្រាំក្នុងទឹកក្តៅឧណ្ណៗ។

វេជ្ជបណ្ឌិត អេលេន ថយហ្វៃ (Allen Towfigh) បានបង្ហាញថា ដើម្បីបន្ថយការឈឺពីការអង្គុយនៅមុខកុំព្យូទ័រ ចូរសាកល្បងកាច់សាច់ដុំករបស់អ្នកដោយកាច់ករបស់អ្នកទៅឆ្វេង បន្ទាប់មកទៅស្តាំ បន្ទាប់មកសាកល្បងថ្នមៗដោយអោយត្រចៀករបស់អ្នកប៉ះពាល់ទៅលើស្មា។

កន្សែងក្តៅ ឬថ្នាំបំបាត់ការឈឺចាប់ ក៏អាចជួយបន្ថយអាការៈឈឺក្បាលបានផងដែរ។

ជំងឺនៃការឈឺកដៃ ៖ការឈឺនៅនឹងកដៃ និងដៃដែលត្រូវបានបង្កឡើងដោយសម្ពាធលើសរសៃវិញាណនៅនឹងកដៃ។

វេជ្ជបណ្ឌិត Langevin បាននិយាយថា ហ្សែន និងការគ្រោះថ្នាក់ពីមុនអាចធ្វើអោយអ្នកហាក់ដូចជាមានជំងឺនេះ ប៉ុន្តែវាក៏អាចបណ្តាលមកពីការវាយកុំព្យូទ័រចុចទូរស័ព្ទ និងលេងហ្គេមកុំព្យូទ័រផងដែរ។

ដំណោះស្រាយ ៖ ប្រសិនបើអ្នកអាចសូមសម្រាកនូវសកម្មភាពដែលធ្វើអោយអ្នកឈឺកដៃ ដូចជាការវាយកុំព្យូទ័រ ឬចុចទូរស័ព្ទជាដើម។

សូមប្រាកដថា ទីតាំងនៃការធ្វើការងាររបស់អ្នកត្រូវបានរៀបចំបានត្រឹមត្រូវ ដែលមានន័យថាខណៈដែលអ្នកកំពុងតែវាយកុំព្យូទ័រ សូម ៖

អង្គុយផ្អែកទៅនឹងកៅអីជាមួយនឹងការបន្ធូរស្មា
សូមដាក់កដៃអោយត្រង់
ជើងដាក់ជាប់កម្រាល។

សូមសាកល្បងប្រើប្រដាប់រុំកដៃ។ ការព្យាបាលរាងកាយ និងការធ្វើលំហាត់ប្រាណអាចជួយអ្នកបាន។ សូមជួបគ្រូពេទ្យប្រសិនបើវាមិនបានប្រសើរឡើង។ មនុស្សមួយចំនួនត្រូវការការវះកាត់សម្រាប់បញ្ហានេះ៕
ប្រភព៖ health.com

មុន បន្ទាប់

មតិយោបល់