ធ្លាប់លឺពីជំងឺដោន (Down Syndrome) ឬទេ?

ធ្លាប់លឺពីជំងឺដោន (Down Syndrome) ឬទេ?

ដើម្បីយល់ថាហេតុអ្វីបានជាជំងឺ Down Syndrome កើតមានឡើងនោះអ្នកត្រូវតែយល់បន្តិចអំពីក្រូម៉ូសូម។ តើអ្វីជាក្រូម៉ូសូម? ពួកវាគឺជារចនាសម្ព័ន្ធនៅខាងក្នុងកោសិកានីមួយៗ និងត្រូវបានបង្កើតជាហ្សែន។ ហ្សែនផ្តល់ព័ត៌មានដែលកំណត់អ្វីគ្រប់យ៉ាងអំពីមនុស្សមិនថាពណ៌សក់មិនថាមនុស្សប្រុស ឬស្រីនោះទេ។

មនុស្សភាគច្រើនមាន២៣គូនៃក្រូម៉ូសូម ដែលសរុបមាន៤៦។ ប៉ុន្តែកុមារដែលមានជំងឺ Down Syndrome មានក្រូម៉ូសូមបន្ថែម (៤៧ ជំនួសអោយ៤៦ក្រូម៉ូសូម) ឬក្រូម៉ូសូមមួយមានផ្នែកបន្ថែមរបស់វា។ ហ្សេនេទិចបន្ថែមនេះបណ្តាលអោយកើតជាបញ្ហាជាច្រើនដល់កុមារ។

បញ្ហាសុខភាពទូទៅនៃជំងឺ Down Syndrome

ប្រហែលពាក់កណ្តាលនៃកុមារដែលមានជំងឺនេះបានកើតមកដោយមានបញ្ហាបេះដូង ដែលមានន័យថា បេះដូងបានវិវត្តផ្សេងៗគ្នា ហើយមិនធ្វើការដូចដែលវាគួរធ្វើនោះទេ។ ជាធម្មតាបញ្ហានេះ អាចត្រូវបានជួយសង្គ្រោះដោយការវះកាត់។ ទារកមួយចំនួនអាចមានបញ្ហាពោះវៀនដែលតម្រូវអោយទទួលការវះកាត់ដើម្បីតភ្ជាប់ផងដែរ។

កុមារដែលមានជំងឺ Down Syndrome ហាក់ដូចជាងាយឆ្លងមេរោគដែលប៉ះពាល់ទៅលើសួត និងការដកដង្ហើមរបស់ពួកគេ។ នៅពេលដែលពួកគេមានការឆ្លងមេរោគជារឿយៗការឆ្លងមេរោគនេះមានរយៈពេលយូរ។ ពួកគេអាចមានបញ្ហាភ្នែកត្រចៀក ឬបញ្ហារំលាយអាហារដូចជា ការទល់លាមកជាដើម។ កុមារមួយចំនួនទៀតអាចវិវត្តទៅជំងឺមហារីកឈាម។ មនុស្សម្នាក់ៗដែលមានជំងឺនេះផ្សេងៗពីគ្នា ហើយអាចមានមួយពីរ ឬបញ្ហាទាំងអស់តែម្តង។

កុមារដែលមានជំងឺ Down Syndromeទំនងជាលូតលាស់ និងវិវត្តយឺតជាងកុមារទូទៅ។ ពួកគេអាចចាប់ផ្តើមដើរ និងនិយាយយូរជាងកុមារដទៃ។ ការជួយពិសេស ដូចជា ការព្យាបាលរាងកាយ (physical therapy) និងការព្យាបាលដោយការនិយាយ (speech therapy) អាចជម្រុញដល់ការនិយាយ និងការដើររបស់កុមារ៕
ប្រភព៖ health.com

មុន បន្ទាប់

មតិយោបល់