ក្មេងអាយុពី ៤ ទៅ ៧ ខែ គួរគេងយូរប៉ុណ្ណា?

ក្មេងអាយុពី ៤ ទៅ ៧ ខែ គួរគេងយូរប៉ុណ្ណា?

ខណៈដែលចំនួននៃការគេង ជាមធ្យមក្នុងមួយថ្ងៃចំពោះក្មេងអាយុប៉ុននេះគឺ ១៤ ម៉ោងនោះ រយៈពេលធម្មតាអាចប្រែប្រួល ដោយកុមារខ្លះ គេងបានតែ ៩ ម៉ោង និងកុមារដទៃទៀតគេងដល់ទៅ ១៨ ម៉ោង។

បរិមាណជាមធ្យមនៃការគេងថ្ងៃ គឺ ៣ ទៅ ៤ ម៉ោង។ កុមារមួយចំនួននឹងគេងថ្ងៃតែ ២០ នាទីប៉ុណ្ណោះ ខណៈដែលក្មេងដទៃទៀតនឹងគេងយូរជាងបរិមាណជាមធ្យមនៃការគេងថ្ងៃទៅទៀត។

ចូរចាំថា កូនរបស់អ្នកនឹងចូលចិត្តនៅជាមួយអ្នក។ ដូចនេះ គេអាចគេងបន្តិច ប៉ុន្តែ ត្រូវភ្ញាក់មកវិញក្រោយ ២០ នាទីនៃការគេងថ្ងៃ ដោយសារតែកូនរបស់អ្នកនឹងចូលចិត្តលេងជាមួយអ្នកជាងគេង។ នៅពេលដែលកូនរបស់អ្នកធំបន្តិច ហើយចាប់ផ្តើមស៊ាំនឹងការគេងថ្ងៃ វានៅតែជាការល្អ ដើម្បីមានពេលបន្តិចបន្តួចសម្រាប់អ្នកទាំងពីរ។

ជាធម្មតា ការគេងថ្ងៃ ជួយការពារកុមារពីការមួរម៉ៅខ្លាំងពេលគេងនៅពេលយប់ ដូច្នេះ ចូរចំណាយពេលអោយកូនរបស់អ្នករីករាយពេលដែលគេភ្ញាក់ពីគេង។ កុមារភាគច្រើនក្នុងអាយុប៉ុននេះ ចូលចិត្តគេងថ្ងៃម្តងនៅពេលព្រឹក បន្ទាប់មក គេងម្តងទៀត ក្រោយពីញ៉ាំអាហារថ្ងៃត្រង់រួច។

ប្រសិនបើអ្នកមានអារម្មណ៍ថា ការគេងថ្ងៃកំពុងតែប៉ះពាល់ដល់ពេលគេងយប់របស់កូនអ្នក អ្នកអាចដាស់កូនពីការគេងថ្ងៃនោះអោយឆាប់បន្តិច។ ប៉ុន្តែ ប្រសិនបើកូនរបស់អ្នកអស់កម្លាំងពេកនោះ គេនឹងមិនគេងបានស្រួលនៅពេលយប់នោះទេ៕

ប្រភព៖ Health.com.kh

មុន បន្ទាប់

មតិយោបល់