តើអ្វីជាជំងឺនៃការខ្លាចសង្គម?

តើអ្វីជាជំងឺនៃការខ្លាចសង្គម?

ស្ថានភាពនៃការភ័យខ្លាច នឹងការចូលរួម ក្នុងព្រឹត្តិការណ៍ផ្សេងៗនៅក្នុងសង្គម ដែលហាក់នឹងធ្វើអោយអ្នក មានអារម្មណ៍តានតឹង ជ្រួលច្របល់ ឬ ភ័យព្រួយទៅនឹង វត្ថុ,សកម្មភាព ឬ ស្ថានភាពក្នុងសង្គម បែបណាមួយ ហើយដែលវា តែងតែធ្វើអោយមនុស្សម្នាក់ ព្យាយាមធ្វើការអត់ធ្មត់ជាមួយនឹង កម្រិតដ៏ខ្លាំងនៃស្ត្រេស និង ការថប់បារម្ភ ទាំងនេះគឺជា ស្ថានភាពរបស់ជំងឺនៃការភ័យខ្លាចនឹងសង្គម ។

ចំពោះក្មេងជំទង់មួយចំនួន ការភ័យខ្លាចរបស់ពួកគេ គឺត្រូវបានកំណត់ដោយស្ថានភាពជាក់លាក់មួយ ឬ ពីរចំណុច ដូចជាការនិយាយនៅក្នុងទីសាធារណៈ ឬ ការចាប់ផ្តើមក្នុងការសន្ទនាជាដើម។ ក្មេងជំទង់ ដទៃទៀត អាចនឹងមានភាពថប់បារម្ភជាខ្លាំង ទៅនឹងស្ថានភាពព្រឹត្តិការណ៍នៅក្នុងសង្គមផ្សេងៗទៀត ។ ជាធម្មតា កម្រិតនៃការភ័យខ្លាចនៃជំងឺនេះ ច្រើនកើតលើក្មេងជំទង់ដែលមានអាយុ ចន្លោះពី ១១ ទៅ ១៩ឆ្នាំ។

តើរោគសញ្ញានៃជំងឺខ្លាចសង្គមមានអ្វីខ្លះ?
យើងអាចកត់ចំណាំថា មនុស្សម្នាក់អាចនឹងមានជំងឺនេះ ប្រសិនបើពួកគេមានអាការៈណាមួយ ដូចខាងក្រោមនេះ នៅពេលដែលគេស្ថិតនៅក្នុងទីសាធារណៈជាមួយនឹង ក្រុមមនុស្សដ៏ច្រើន ៖
- មានអារម្មណ៍ថាមានការប្រុងប្រយ័ត្នខ្ពស់ ជាមួយនឹងសញ្ញានៃភាព អៀសខ្មាស់ខ្លាំង, ឈឺពោះ, បេះដូងដើរញាប់, វិលមុខ ឬ ចង់យំជាដើម។
- មានអារម្មណ៍តានតឹង, ភ័យខ្លាចជាប់រហូត នឹង បារម្ភពីការសម្លឹង និង វាយតម្លៃរបស់មនុស្សដទៃ មកលើខ្លួនឯង ។
- មានអារម្មណ៍ថាខ្លាច,មិនមានភាពសុខស្រួល និង អៀនជាខ្លាំង នៅពេលដែលពួកគេ ត្រូវបាននរណាម្នាក់សន្លឹង និង ស្តាប់ នៅពេលពួកគេធ្វើអ្វីមួយ ដូចជា ធ្វើបទបង្ហាញ,និយាយ ឬ សម្តែងសម្តត្ថភាពអ្វីមួយ ទៅកាន់មនុស្សរាល់គ្នា។
- មានអារម្មណ៍ស្ទាក់ស្ទើរនឹងការនិយាយស្តី ឧទាហរណ៍ មិនហ៊ានប្រើក្រសែភ្នែកសំលឹងនរណាម្នាក់, អង្គុយតែម្នាក់ឯង, ស្ទាក់ស្ទើរនឹងការនិយាយ នៅពេលធ្វើការងារជាក្រុម។
- មានអារម្មណ៍នៃស្ថានភាពរាងកាយ មិនធម្មតា ដូចជា៖ មុខក្រហម , បេះដូងដើរញាប់, ចង្អោ, បែកញើស ឬ មានអារម្មណ៍អៀនខ្មាស់ និង ខ្លាចគេសើចចំអកអោយជាដើម ៕

ប្រភព៖ Health.com.kh

មុន បន្ទាប់

មតិយោបល់