ក្លិនក្លៀកមិនល្អ គួរធ្វើដូចម្តេច?

ក្លិនក្លៀកមិនល្អ គួរធ្វើដូចម្តេច?

ងូតទឹកតែមួយដងក្នុងមួយថ្ងៃ គឺមិនគ្រប់គ្រាន់នោះទេ សម្រាប់អ្នកដែលមានក្លិនក្លៀកមិនល្អ។ អ្នកគួរងូតទឹកនៅពេលព្រឹក និងពេលល្ងាច និងប្រើសាប៊ូដើម្បីសម្លាប់មេរោគផងដែរ។ នៅពេលដែលអ្នកងូតទឹករួច អ្នកត្រូវយកកន្សែងជូតក្លៀកអោយស្ងួត បន្ទាប់មកចាំលាបថ្នាំសំលាប់មេរោគ។ សូមចងចាំថា មានរឿងពីរដែលសំខាន់ គឺកំចាត់បាក់តេរី និងរក្សាក្លៀករបស់អ្នកអោយស្ងួតជាប្រចាំ។ ប្រសិនបើអ្នកងាយនឹងបែកញើស អ្នកមិនគួរត្រាំសំលៀកបំពាក់នោះឡើយ ព្រោះវាងាចធ្វើអោយសំលៀកបំពាក់របស់អ្នកក្លាយទៅជាកន្លែងសម្រាប់បាក់តេរីកើតកូនកើតចៅទៅវិញ។ អ្នកគួរបោកសំអាតសំលៀកបំពាក់របស់អ្នកអោយបានញឹកញាប់ ហើយពាក់ម្តងត្រូវបោកម្តង។ ប្រសិនបើអ្នកធ្វើលំហាត់ប្រាណ អ្នកគួរបោកសំអាតសំលៀកបំពាក់ហាត់ប្រាណរបស់អ្នកបានឆាប់តាមដែលអាចធ្វើទៅបាន។ សំលៀកបំពាក់ដែលស្ងួតបន្ទាប់ពីបោកអស់ញើស អាចមិនមានក្លិនអាក្រក់ ប៉ុន្តែ បាក់តេរីនៅតែមាននៅទីនោះ។ អ្នកគួរបោកសំអាតវាអោយបានទៀងទាត់។

របបអាហារគឺជារឿងមួយផ្សេងទៀតដែលអ្នកគួរពិចារណាដើម្បីបំបាត់ក្លិនក្លៀក។ អ្នកជឿទេថាវាអាចឬអត់ចំពោះអាហារដែលមានខ្លាញ់ និងអាហារមួយចំនួនដូចជាខ្ទឹម ការី និងខ្ទឹមបារាំង អាចរួមចំណែកក្នុងការបង្កអោយមានក្លិនក្លៀក? អាហារទាំងនេះអាចចូលតាមរយៈរន្ធញើសរបស់អ្នក ហើយធ្វើអោយក្លិនកាន់តែអាក្រក់នៅពេលដែលបាក់តេរីប៉ះជាមួយសារជាតិនៃអាហារទាំងនោះ៕

ប្រភព៖ health.com

មុន បន្ទាប់

មតិយោបល់