អាហារចាំបាច់ សម្រាប់ទារក និងកុមារតូចៗ

អាហារចាំបាច់ សម្រាប់ទារក និងកុមារតូចៗ

ទារក និងកុមារតូចៗមិនអាចបរិភោគអាហារបានច្រើននោះទេ ដោយសារតែពោះរបស់ពួកគេនៅតូចនៅឡើយ។ នោះហើយគឺជាមូលហេតុដែលមាតាបីតាត្រូវយកចិត្តទុកដាក់ក្នុងការចិញ្ចឹមពួកគេ តាមរយៈអាហារដែលពោរពេញដោយសារធាតុចិញ្ចឹម។

អាហារធម្មជាតិដែលមានសារធាតុចិញ្ចឹម និងសារធាតុប្រឆាំងអុកស៊ីតកម្មខ្ពស់ គឺជាអាហារដែលចាំបាច់សម្រាប់ពួកគេ។ អាហារទាំងនេះមានភាពងាយស្រួលក្នុងការរំលាយ និងអាចអោយរាងកាយ និងសតិស្មារតីមានសុខភាពល្អ ហើយធ្វើការបានដ៏អស្ចារ្យ។

ខាងក្រោមនេះ គឺជាអាហារដែលមានសារៈសំខាន់សម្រាប់ការលូតលាស់នៃរាងកាយទារក និងកុមារតូចៗ ៖
•    ប័រ គឺជាអាហារទីមួយដ៏ល្អបំផុតសម្រាប់កូនអ្នក។ ប័រ ពោរពេញដោយសារធាតុចិញ្ចឹមដែលរួមទាំងអូមេហ្គាបីផងដែរ។ ជាធម្មតា អ្នកអាចពុះផ្លែប័រ ហើយកោសបញ្ចុកកូនរបស់អ្នក។ ប្រសិនបើអ្នកចង់អោយវាងាយស្រួលលេប សូមបន្ថែមទឹកដោះតិចតួច។
•    សណ្តែក មានជីវជាតិដ៏អស្ចារ្យ។ វាសម្បូរទៅដោយសារធាតុប្រឆាំងអុកស៊ីតកម្ម ដែលមានបរិមាណ ១០ ដងច្រើនជាងសារធាតុប្រឆាំងអុកស៊ីតកម្មដែលមាននៅក្នុងផ្លែក្រូច។ វាមានជាតិសរសៃខ្ពស់ ដែលការពារកូនរបស់អ្នកពីការទល់លាមក។
•    ដូង មានផ្ទុកអាស៊ីតខ្លាញ់ ដែលមានសារប្រយោជន៏ដ៏សំខាន់ដល់សុខភាព និងមានលក្ខណៈស្រដៀងគ្នាទៅនឹងទឹកដោះរបស់មនុស្ស។ វាជួយបង្កើនប្រព័ន្ធភាពស៊ាំ ធ្វើអោយប្រសើរឡើងនូវការរំលាយអាហារ និងតុល្យភាពជាតិស្ករក្នុងឈាម៕

ប្រភព៖ health.com.kh

មុន បន្ទាប់

មតិយោបល់