វិធីអនាម័យខ្លួនប្រាណ សម្រាប់ស្ត្រីមានផ្ទៃពោះ

វិធីអនាម័យខ្លួនប្រាណ សម្រាប់ស្ត្រីមានផ្ទៃពោះ

ការមានអនាម័យល្អ ក្នុងអំឡុងពេលមានផ្ទៃពោះ អាចជួយការពារមេរោគ ជួយអោយមានផាសុខភាពល្អ និងធ្វើអោយស្ត្រីជាម្តាយមានអារម្មណ៍ស្រស់ស្រាយបន្ថែមទៀត។

ខាងក្រោមនេះ គឺជាគន្លឹះមួយចំនួនក្នុងការធ្វើអនាម័យខ្លួនប្រាណអោយបានត្រឹមត្រូវ សម្រាប់ស្ត្រីមានផ្ទៃពោះ ៖
•    លាបឡេ ឬក្រែមភ្លាម បន្ទាប់ពីងូតទឹករួច ដើម្បីបន្ទន់ស្បែករបស់អ្នក។
•    អនាម័យល្អនឹងជួយការពារការឆ្លងមេរោគនៅទ្វារមាស ប៉ុន្តែ ចូរកុំប្រើទឹកអនាម័យលាងសម្អាតទ្វារមាស (លើកលែងតែករណី ដែលគ្រូពេទ្យតម្រូវអោយអ្នកប្រើ)។
•    ក្រាលកម្រាលនៅក្នុងបន្ទប់ទឹក ដើម្បីការពារការរអិលដួល ជាពិសេស នៅខែចុងក្រោយនៃការមានផ្ទៃពោះ ព្រោះស្ត្រីភាគច្រើនតែងតែវិលមុខ។
•    រក្សាសីតុណ្ហភាពទឹកអោយក្តៅឧណ្ឌៗ ពេលងូតទឹក ព្រោះទឹកក្តៅខ្លាំងអាចធ្វើអោយអ្នកមានអារម្មណ៍ថាវិលមុខ ឬឈឺក្បាល។
•    ជៀសវាងការឡើងសីតុណ្ហភាពក្នុងខ្លួនខ្ពស់ពេក ព្រោះការក្តៅខ្លួនខ្លាំងពេលមានផ្ទៃពោះអាចបណ្តាលអោយប៉ះពាល់ដល់ទារក។

សុខភាពមាត់ធ្មេញ គឺជាផ្នែកមួយដ៏សំខាន់នៃសុខភាពទូទៅរបស់អ្នក ព្រោះជំងឺធ្មេញអាចបង្កើនហានិភ័យនៃផលវិបាកនៅថ្ងៃក្រោយ បន្ទាប់ពីមានផ្ទៃពោះ។

ខាងក្រោមនេះ គឺជាការចង្អុលបង្ហាញដ៏មានប្រយោជន៍មួយចំនួន ដើម្បីធ្វើអោយប្រាកដថា អ្នកមានសុខភាពមាត់ធ្មេញល្អបំផុត ៖
•    អ្នកគួរតែទៅជួបពេទ្យធ្មេញពេលមានផ្ទៃពោះ ដើម្បីពិនិត្យរកបញ្ហាពុកធ្មេញ ជំងឺអញ្ចាញធ្មេញ និងបញ្ហាធ្មេញដទៃទៀត និងដើម្បីទទួលបានការព្យាបាលដ៏ចាំបាច់។
•    ចំពោះស្ត្រីមានផ្ទៃពោះ គឺតម្រូវអោយមានការថែទាំជាពិសេស និងយកចិត្តទុកដាក់ចំពោះបញ្ហាមាត់ធ្មេញ។
•    ពិភាក្សាពីអត្ថប្រយោជន៍ និងហានិភ័យនៃការថតកាំរស្មី X ការដាក់ថ្នាំសណ្តំ ថ្នាំបំបាត់ការឈឺចាប់ និងថ្នាំផ្សេងទៀតជាមួយគ្រូពេទ្យធ្មេញរបស់អ្នក។
•    ដុស និងទាក់ធ្មេញរបស់អ្នកយ៉ាងហោចណាស់ម្តងក្នុងមួយថ្ងៃ ដើម្បីការពារការពុកធ្មេញ ហើយនឹងជួយរក្សាអញ្ចាញធ្មេញអោយមានសុខភាពល្អ។
•    អញ្ចាញធ្មេញរបស់អ្នកអាចចេញឈាមបានយ៉ាងងាយស្រួលក្នុងអំឡុងពេលមានផ្ទៃពោះ។
•    ជៀសវាងអាហារដែលផ្អែមដូចជាស្ករគ្រាប់រឹង អាហារស្អិត និងភេសជ្ជៈ។ ប្រសិនបើអ្នកចូលចិត្តញុំារបស់ផ្អែម អ្នកគួរលាងសម្អាតធ្មេញភ្លាមៗ បន្ទាប់ពីញ៉ាំរួច៕

ប្រភព៖ health.com.kh

មុន បន្ទាប់

មតិយោបល់