សញ្ញា និងមូលហេតុ នៃការមិនចេះអត់ធ្មត់

សញ្ញា និងមូលហេតុ នៃការមិនចេះអត់ធ្មត់

សញ្ញានៃការមិនចេះអត់ធ្មត់
តើអ្នកធ្វើដូចម្តេចទៅទើបដឹងថា ពេលណាខ្លួនអ្នកស្ថិតក្នុងសភាពមិនចេះអត់ធ្មត់? អ្នកប្រហែលជានឹងធ្លាប់សញ្ញាមួយ ឬច្រើនដូចខាងក្រោមនេះហើយមើលទៅ ៖

•    ដកដង្ហើមញាប់
•    តឹងសាច់ដុំ
•    ក្តាប់ដៃយ៉ាងណែន
•    ខឹង ឬឆេវឆាវ
•    ថប់អារម្មណ៍ ឬភ័យខ្លាច
•    ធ្វើអ្វីទាន់ហន់
•    ឆាប់ធ្វើការសម្រេចចិត្តពេក។

ការស្វែងរកមូលហេតុរបស់អ្នក
បើសិនជាអ្នកធ្លាប់មានរោគសញ្ញានៃការមិនចេះអត់ធ្មត់ ជំហានបន្ទាប់របស់អ្នកគឺ ត្រូវតែរកអោយឃើញថា មានមូលហេតុអ្វីពិតប្រាកដដែលបង្កទៅជាដូច្នេះ ហើយមនុស្សយើងភាគច្រើនសុទ្ធតែមានមូលហេតុទាំងអស់។ រឿងនោះអាចជាមនុស្ស ឃ្លាដែលគេនិយាយ ឬស្ថានភាពពិសេសៗ (ដូចជាការស្ទះចរាចរណ៍រាប់ម៉ោង) ដែលសុទ្ធតែធ្វើអោយយើងចូលទៅក្នុងពិភពនៃការមិនចេះអត់ធ្មត់បានទាំងអស់។

ចូរបង្កើតតារាងមូលហេតុ ដែលធ្វើអោយអ្នកមិនអាចអត់ធ្មត់បាន។
•    ឈប់គិតអំពីរឿងកាលពីលើកមុន ដែលធ្វើអោយអ្នកមិនអាចអត់ធ្មត់បាន។
•    សួរគ្រួសារ មិត្តភក្តិ និងអ្នកធ្វើការជាមួយគ្នា អំពីភាពមិនអាចអត់ធ្មត់បានរបស់អ្នក។
•    មនុស្សជាច្រើនមិនអាចអត់ធ្មត់បានដោយសារតែកត្តារាងកាយដូចជា ការឃ្លានអាហារ ការខ្សោះជាតិទឹក ឬការអស់កម្លាំង។ ចូរធ្វើការវិភាគលើរាងកាយខ្លួនឯង នៅពេលអ្នកចាប់មានអារម្មណ៍មិនអាចអត់ធ្មត់បានលើកក្រោយទៀត។ របៀបព្យាបាលដោយខ្លួនឯងធម្មតាៗអាចមានដូចជា ការញ៉ាំអាហារសម្រន់ និងទឹកមួយកែវហើយមើលទៅ។
•    រក្សានូវកំណត់ត្រានៅពេលអ្នកចាប់ផ្តើមមានអារម្មណ៍ថាមិនអាចអត់ធ្មត់បាន។ ចូរសរសេរនូវអ្វីដែលបានកើតឡើង និងមូលហេតុដែលធ្វើអោយអ្នកស៊ាំចិត្ត។

ការសម្គាល់ដឹងអំពីមូលហេតុអាចជួយអ្នកបាន ព្រោះវានឹងបង្ខំអោយអ្នកពិនិត្យទៅលើសកម្មភាពរបស់អ្នក ក៏ដូចជាមូលហេតុដែលអ្នកកំពុងតែធ្វើ ឬអ្វីដែលអ្នកកំពុងតែធ្វើ។ ចំណេះដឹងមួយនេះក៏ជួយអោយអ្នកបង្កើតបានជាយុទ្ធសាស្ត្រថ្មីៗ ដើម្បីចៀសអោយផុតពីការដែលមិនអាចអត់ធ្មត់បានដែរ។

ពិតណាស់ វានឹងក្លាយទៅជារឿងដ៏អស្ចារ្យមួយ បើសិនជាអ្នកអាចចៀសផុតពីមូលហេតុដែលធ្វើអោយអ្នកមិនអាចអត់ធ្មត់បាន។ ប៉ុន្តែ ភាគច្រើនវាមិនអាចទៅរួចទាំងអស់នោះទេ។ ដូច្នេះ អ្នកគួរតែសិក្សារបៀបគ្រប់គ្រងបញ្ហាមិនអាចអត់ធ្មត់បានជំនួសវិញ។

ប្រភព៖ Health.com.kh

មុន បន្ទាប់

មតិយោបល់