វិធីសាស្ត្រដើម្បីអោយទំនាក់ទំនងកាន់តែល្អ

វិធីសាស្ត្រដើម្បីអោយទំនាក់ទំនងកាន់តែល្អ

សម្រាប់មនុស្សម្នាក់ ការទំនាក់ទំនងប្រហែលជាតំណាងអោយទំនាក់ទំនងផ្ទាល់ខ្លួនផង។ អ្នកខ្លះទៀត វាប្រហែលជាការបញ្ជូនដំណឹងបែបធម្មតាៗមួយប៉ុណ្ណោះ។ យើងទាំងអស់គ្នាសុទ្ធតែអោយនិយមន័យនៃពាក្យទំនាក់ទំនងខុសៗគ្នា។

វាក៏មានវិធីសាស្ត្រខុសៗគ្នាច្រើនដែរនៃការធ្វើទំនាក់ទំនងដែលកំពុងតែកើតឡើងដោយខ្លួនឯងដូចជា ភាសាកាយវិការ, ថាមពលផ្ទាល់ខ្លួន, ពាក្យដែលយើងប្រើប្រាស់ និងរបៀបដែលយើងប្រើប្រាស់សម្លេងជាដើម។

បើយើងមិនគិតអំពីអត្ថន័យ ឬស្តាយដែលអ្នកប្រើទេ អ្នកគួរតែដឹងថា អ្នកកំពុងតែធ្វើការទំនាក់ទំនងគ្រប់ពេលទាំងអស់ទោះបីជាអ្នកមិនដឹងថាវាជាអ្វីក៏ដោយ។ ខាងក្រោមនេះគឺជាវិធីសាស្ត្រមួយចំនួនដើម្បីបង្កើតបានជាការធ្វើទំនាក់ទំនងដ៏ល្អ។

ចាប់ផ្តើមជាមួយនឹងការមានវត្តមាន
មានរឿងគ្រប់យ៉ាងដែលធ្វើអោយមនុស្សយើងមិនអាចផ្ចង់អារម្មណ៍បាន។ បើយោងទៅតាមស្ថិតិថ្មីៗនេះបានអោយដឹងថា ចំនួននៃការយកចិត្តទុកដាក់ជាមធ្យមគឺមានតិចណាស់គឺចាប់ពី ៨ភាគរយចុះ។ ការគិត និងស្ត្រេស, អាយហ្វូន, ទូរទស្សន៍, អ៊ីនធើណិត, សារព័ត៌មាន និងទស្សនាវដ្តី សុទ្ធតែជាអ្វីដែលនាំអោយយើងបែកអារម្មណ៍។ ការបែកអារម្មណ៍នេះធ្វើអោយយើងទំនាក់ទំនងមិនល្អ។ ចូរព្យាយាមយកឈ្នះអ្វីៗដែលនាំអោយបែកអារម្មណ៍ហើយយកចិត្តទុកដាក់អ្វីនៅចំពោះមុខអ្នក។

ពិនិត្យលើសម្លេងរបស់អ្នក
មនុស្សយើងភាគច្រើនមិនខុសគ្នាទេ ហើយអ្នកប្រហែលជាមិនបានដឹងថាអ្នកបានប្រើសម្លេងដូចម្តេចំពោះមនុស្សណាម្នាក់ផង។ សម្លេង និងការបញ្ជូនអោយគេស្តាប់គឺជាផ្នែកដ៏ធំមួយនៃទំនាក់ទំនងរបស់យើង។ ដូច្នេះចូរយល់ដឹងអំពីវាផង។ វាមិនគ្រាន់តែជាអ្វីដែលអ្នកនិយាយទេ ប៉ុន្តែវាជារបៀបដែលអ្នកត្រូវនិយាយ។ ការលើកដាក់សម្លេងអាចធ្វើអោយមានន័យខុសគ្នារវាងការកត់សម្គាល់របស់មនុស្សម្នាក់ៗបាន។

ដឹងអំពីលទ្ធផលនៃការចង់បានរបស់អ្នក
កាលពីមុនអ្នកភ្ជាប់ទំនាក់ទំនងជាមួយនឹងការប្រាស្រ័យទាក់ទងគ្នាគ្រប់ប្រភេទ ដូច្នេះចូរដឹងខ្លួនផងថាតើអ្នកចង់បានអ្វី។ ចៀសវាងការមានប្រតិកម្ម ចូរធ្វើខ្លួនត្រៀមចាំទប់ទល់ជាមុនផង។ ពេលខ្លះ អ្នកប្រហែលជាត្រូវការដឹងរឿងមួយចំនួនចំពោះលទ្ធផលដែលអ្នកត្រូវការ។ ទំនាក់ទំនងដ៏ល្អមួយធ្វើអោយអ្វីៗមានភាពកាន់តែងាយស្រួលសម្រាប់អ្នក។

ភាសាកាយវិការក្នុងកញ្ចប់ដើម្បីបង្កើតជាទំនាក់ទំនងយ៉ាងល្អ
គ្រាន់តែជាចំណាំងផ្លាតពីកញ្ចក់ដែលនៅមុខអ្នកប៉ុណ្ណោះ អ្នកពិតជាអាចធ្វើបានដូចគ្នានឹងការបង្កើតនូវទំនាក់ទំនងដ៏ល្អមួយផ្សេងទៀតបាន។ វិធីសាស្ត្រនេះហៅថា Mirroring។ រឿងនេះបង្កើតបានជាការយល់ដឹងមួយរួម ឬភាពដូចគ្នារវាងអ្នក និងមនុស្សម្នាក់ដែលអ្នកកំពុងតែធ្វើទំនាក់ទំនងជាមួយ។ មិនត្រូវធ្វើវាអោយជាក់ស្តែងពេកទេ ប៉ុន្តែចូរចាប់ផ្តើមដោយធ្វើអោយដូចភាសាកាយវិការរបស់ពួកគេដោយយកចេញពីរបៀបនៃការដកដង្ហើម រហូតដល់ការធ្វើចលនាភ្នែកទៀតផង៕