របៀបទំនាក់ទំនង ជាមួយ មិត្តរួមការងារ

របៀបទំនាក់ទំនង ជាមួយ មិត្តរួមការងារ

ទំនាក់ទំនង គឺជាសមាសធាតុដ៏សំខាន់មួយសម្រាប់កន្លែងធ្វើការ។ ការនិយាយ និងស្តាប់ថ្នាក់លើ និងអ្នកធ្វើការជាមួយគ្នា មិនត្រឹមតែសំខាន់ចំពោះជោគជ័យការងារទេ តែក៏ដើម្បីជោគជ័យ និងទិន្នផលរបស់ក្រុមហ៊ុនអ្នកដែរ។ ចូរសិក្សាអំពីរបៀបធ្វើទំនាក់ទំនងយ៉ាងល្អជាមួយអ្នកធ្វើការជាមួយគ្នា ដោយមិនខ្វល់អំពីចរិតលក្ខណៈ និងប្រវត្តិរបស់គេឡើយ ដើម្បីអាចពង្រឹងកិច្ចការងារទាំងឡាយនៅកន្លែងធ្វើការជាមួយគ្នា។

រៀនស្តាប់
ការស្តាប់ គឺជារឿងសំខាន់ ហើយទំនងជាសំខាន់ជាងអ្នកនិយាយទៅទៀត។ ការស្តាប់អាចធ្វើអោយអ្នកយល់អំពីអ្វីដែលអ្នកធ្វើការជាមួយគ្នាចង់បង្ហាញអំពីយោបល់ និងតម្លៃរបស់ពួកគេ។ ចូរស្តាប់ដោយប្រុងប្រយ័ត្ននៅពេលអ្នកធ្វើការជាមួយគ្នានិយាយ និងសួរសំណួរតបវិញ ទើបដឹងថាអ្នកបានយល់ច្បាស់អំពីក្តីបារម្ភ និងការរំពឹងទុករបស់ពួកគេ។ វាតែងតែជារឿងមានប្រយោជន៍ក្នុងការនិយាយឡើងវិញនូវអ្វីដែលអ្នកធ្វើការជាមួយគ្នានិយាយរួច។

យកចិត្តទុកដាក់ចំពោះភាសាកាយវិការ
ចូរចៀសវាងការប្រើភាសាកាយវិការសត្រូវដូចជា ការលើកដៃដាក់ខ្វែងគ្នា គោះប្រអប់ជើង ឬធ្វើភ្នែកស្រលៀង។ បើសិនជាធ្វើបែបនេះមែន ពួកគេនឹងយល់ថា អ្នកមិនចាប់អារម្មណ៍ចំពោះពួកគេទេ ហើយក៏ធ្វើអោយទំនាក់ទំនងនៅពេលអនាគតកាន់តែពិបាកដែរ។ ចូរមើលភ្នែករបស់គេ ពេលដែលអ្នកនិយាយ ញញឹម និងងក់ក្បាល ហើយក៏ត្រូវបង្ហាញអំពីការចាប់អារម្មណ៍នៅពេលអ្នកធ្វើការជាមួយគ្នានិយាយដែរ ដូច្នេះ អ្នកនឹងទទួលបានទំនាក់ទំនងជាមួយពួកគេបានយ៉ាងមានប្រសិទ្ធភាព។

ធ្វើខ្លួនអោយទំនេរជាប់
រឿងនេះចង់មានន័យថា អ្នកគួរតែលើកទូរស័ព្ទនិយាយ ឆ្លើយតបអ៊ីម៉ែល និងមកធ្វើការអោយទាន់ពេល។ ដូច្នេះ អ្នកនឹងបង្កើនការគោរពពីអ្នកមិត្តរួមការងារជាមួយគ្នាមិនខានឡើយ ហើយព្រមទាំងពង្រឹងដល់ទំនាក់ទំនងជាមួយពួកគេកាន់តែល្អដែរ៕

ប្រភព៖ Health.com.kh

មុន បន្ទាប់

មតិយោបល់