តើពិតទេ ដែលថា ការមានភាពតានតឹង អាចនាំអោយឡើងទម្ងន់?

តើពិតទេ ដែលថា ការមានភាពតានតឹង អាចនាំអោយឡើងទម្ងន់?

នៅពេលដែលអ្នកស្ថិតនៅក្រោមភាពតានតឹង អ្នកអាចនឹងពិបាកក្នុងការបរិភោគដើម្បីមានសុខភាពល្អ។ ក្នុងអំឡុងពេលដែលភាពតានតឹងខ្លាំង អ្នកអាចនឹងព្យាយាមញ៉ាំ ដើម្បីបំពេញតម្រូវការនៃអារម្មរណ៏។ ហើយជាពិសេស អ្នកទំនងជាបរិភោគអាហារដែលមានកាឡូរីខ្ពស់ក្នុងអំឡុងពេលមានភាពតានតឹង ដោយសូម្បីតែមិនឃ្លានសោះក៏ដោយ។

ដើម្បីបងា្ករការឡើងទម្ងន់ក្នុងអំឡុងពេលមានភាពតានតឹង ហើយកាត់បន្ថយហានិភ័យនៃការធាត់ សូមរកដំណោះស្រាយចំពោះភាពតានតឹងដែលអ្នកមាន។ នៅពេលដែលអ្នកមិនសូវមានភាពតានតឹង អ្នកនឹងអាចគ្រប់គ្រងជីវិតរបស់អ្នកបានកាន់តែងាយស្រួលក្នុងការបរិភោគ និងធ្វើលំហាត់ប្រាណ ដែលនាំអោយមានសុខភាពល្អ។

សូមសាកល្បងបច្ចេកទេសទាំងនេះ ដើម្បីគ្រប់គ្រងភាពតានតឹង និងប្រឆាំងការឡើងទម្ងន់ ដែលទាក់ទងទៅនឹងភាពតានតឹងទាំងនេះ ៖
•    កត់សម្គាល់សញ្ញាព្រមាននៃភាពតានតឹង ដែលមានដូចជាការថប់អារម្មណ៍ ឆាប់ខឹង និងការឡើងតឹងសាច់ដុំជាដើម។
•    មុនពេលអ្នកបរិភោគ សូមសួរខ្លួនឯងថា ហេតុអ្វីបានជាអ្នកញ៉ាំអាហារទាំងនេះ? តើអ្នកពិតជាឃ្លានពិតប្រាកដែរទេ ឬអ្នកមានអារម្មណ៍តានតឹង ឬតប់ប្រមល់?
•    បើអ្នកញ៉ាំអាហារ ដែលអ្នកមិនឃ្លានទាន់តែសោះ សូមស្វែងរកវិធីដើម្បីបញ្ឈប់វា។
•    ចូរកុំរំលងអាហារពេលព្រឹកឡើយ។
•    កំណត់ថាអ្វីជាអាហារដែលឆ្ងាញ់សំរាប់អ្នក និងរក្សាពួកវាមិនអោយមាននៅក្នុងផ្ទះ ឬ ការិយាល័យរបស់អ្នក។
•    កំណត់សំគាល់ឥរិយាបថ និងទម្លាប់បរិភោគរបស់អ្នក ហើយបន្ទាប់មក រកវិធីដើម្បីយកឈ្នះលើវា។
•    ត្រូវមានជំនាញដោះស្រាយបញ្ហា ដូច្នេះ អ្នកអាចប្រមើលមើលពីបញ្ហាប្រឈម និងដោះស្រាយវាបាន។
•    អនុវត្តវិធីធ្វើអោយស្ងប់អារម្មរណ៏ ដូចជាយូហ្គា ម៉ាស្សា ឬសមាធិជាដើម។
•    ចាបផ្តើមការធ្វើលំហាត់ប្រាណ ឬមានសកម្មភាពរាងកាយអោយបានទៀងទាត់។
•    ទទួលទានដំណេកអោយបានគ្រប់គ្រាន់។
•    ការលើកទឹកចិត្តពីមិត្តភក្តិ និងក្រុមគ្រួសារ។

ប្រសិនបើអ្នកព្យាយាមបច្ចេកទេសក្នុងការគ្រប់គ្រងភាពតានតឹងទាំងនេះហើយ ប៉ុន្តែ វាហាក់ដូចជាមិនត្រូវបានធូរស្បើយ សូមពិចារណាស្វែងរកជំនួយ តាមរយៈការផ្តល់ប្រឹក្សាយោបល់ជាមួយគ្រូពេទ្យឯកទេសចិត្តវិទ្យា៕

ប្រភព៖ Health.com.kh

មុន បន្ទាប់

មតិយោបល់