ជំងឺរលាកខួរក្បាល អាចធ្វើអោយស្លាប់ដែរទេ?

ជំងឺរលាកខួរក្បាល អាចធ្វើអោយស្លាប់ដែរទេ?

ជំងឺរលាកខួរក្បាល (Encephalitis) គឺការរលាកនៅលើសាច់ខួរក្បាល។ ការឆ្លងពពួកវីរុស គឺជា មូលហេតុទូទៅបំផុតនៃជំងឺនេះ។ ជំងឺរលាកខួរក្បាលអាចបណ្តាលអោយមានរោគសញ្ញាស្រដៀងគ្នាទៅនឹងជំងឺគ្រុនផ្តាសាយ ដែលមានដូចជា គ្រុនក្តៅ ឬឈឺក្បាលខ្លាំង ក៏ដូចជាការគិតភាន់ច្រឡំ ប្រកាច់ ឬបញ្ហាជាមួយនឹងវិញ្ញាណ ឬចលនា។

ក្នុងករណីជាច្រើននៃជំងឺរលាកខួរក្បាល មិនអាចមាននរណាកត់សម្គាល់បាននោះទេ ព្រោះវាបណ្តាលអោយមានរោគសញ្ញាត្រឹមតែជាជំងឺគ្រុនផ្តាសាយស្រាលៗតែប៉ុណ្ណោះ ឬគ្មានឡើយនូវរោគសញ្ញា។ ក្នុងករណីធ្ងន់ធ្ងរនៃជំងឺរលាកខួរក្បាលដែលជាការកម្រនោះ អាចមានការគំរាមកំហែងដល់អាយុជីវិត។ ដោយសារតែរយៈពេលករណីនីមួយៗនៃជំងឺរលាកខួរក្បាលនេះ មិនអាចទាយទុកជាមុនបាននោះ វាជាការសំខាន់ណាស់ក្នុងការទទួលបាននូវការធ្វើរោគវិនិច្ឆ័យ និងការព្យាបាលទាន់ពេលវេលា។

ត្រូវទទួលការថែទាំជាបន្ទាន់ ប្រសិនបើអ្នក ឬនរណាម្នាក់ដែលអ្នកស្គាល់បានជួបប្រទះរោគសញ្ញាដែលជាប់ទាក់ទងជាមួយករណីធ្ងន់ធ្ងរនៃជំងឺរលាកខួរក្បាល។ ការឈឺក្បាលខ្លាំង គ្រុនក្តៅ ការប្រែប្រួលខាងផ្នែកស្មារតី តែងតែមានវត្តមានជាមួយនឹងជំងឺរលាកខួរក្បាលនៅលើកុមារ និងមនុស្សពេញវ័យ តម្រូវអោយមានការថែទាំជាបន្ទាន់។

ផលវិបាកដែលបណ្តាលមកពីជំងឺរលាកខួរក្បាលអាស្រ័យលើកត្តាជាច្រើន ក្នុងនោះរួមមានអាយុ មូលហេតុ នៃការឆ្លងមេរោគ ភាពធ្ងន់ធ្ងរនៃជំងឺតាំងពីដំបូង និងពេលវេលានៃការចាប់ផ្ដើមជំងឺទៅនឹងការព្យាបាល។ ក្នុងករណីភាគច្រើន អ្នកដែលមានជំងឺកម្រិតស្រាល អាចនឹងជាឡើងវិញក្នុងពេលប៉ុន្មានសប្តាហ៍ ដោយមិនមានផលវិបាករយៈពេលវែងឡើយ៕

ប្រភព: Health.com.kh

មុន បន្ទាប់

មតិយោបល់