ស្ត្រីមានផ្ទៃពោះមួយចំនួន ជួបបញ្ហាការដកដង្ហើម

ស្ត្រីមានផ្ទៃពោះមួយចំនួន ជួបបញ្ហាការដកដង្ហើម

វាជារឿងធម្មតាទេ ចំពោះស្ត្រីដែលមានផ្ទៃពោះមានចង្វាក់ដង្ហើមខ្លីៗ។ ជាធម្មតា វាមិនមែនបញ្ហាអ្វីដែលគួរអោយព្រួយបារម្ភនោះទេ ប៉ុន្តែ វាជារឿងល្អបំផុត ដើម្បីពិនិត្យជាមួយនឹងគ្រូពេទ្យ នៅពេលដែលរឿងជាច្រើនអាចបណ្តាលអោយមានការដកដង្ហើមខ្លីៗនេះ។

ដូចជាផ្នែកធម្មតាមួយនៃការមានផ្ទៃពោះ ការដកដង្ហើមរបស់អ្នកអាចត្រូវបានប្រែប្រួលដោយសារតែការកើនឡើងនៃអ័រម៉ូនប្រូហ្សេស្តេរ៉ូន ដែលបណ្តាលអោយអ្នកដកដង្ហើមជ្រៅៗជាងមុន។ នេះអាចធ្វើអោយអ្នកមានអារម្មណ៍ថា អ្នកកំពុងតែពិបាកដកដង្ហើម ដើម្បីទទួលបានខ្យល់។ ការដកដង្ហើមក៏អាចក្លាយទៅជាពិបាក នៅពេលដែលការរីកធំរបស់ស្បូនធ្វើអោយចង្អៀតលំហរ បណ្តាលអោយមានសម្ពាធប្រឆាំងនឹងសន្ទះទ្រូង (សាច់ដុំក្រោយសួតរបស់អ្នក)។

នៅពេលដែលកូនរបស់អ្នកធ្លាក់ចូលទៅក្នុងអាងត្រគាកពេលអ្នកជិតដល់ថ្ងៃសម្រាល អ្នកគួរតែអាចចាប់ផ្តើមដកដង្ហើមបានស្រួលបន្តិច។ ក្នុងពេលនេះ សូមសាកល្បង ៖
-    រក្សាការឈរ ឬអង្គុយអោយបានល្អ
-    សណ្តូកជើងនៅពេលដែលអ្នកគេង ដោយដាក់ខ្នើយក្រោយផ្នែកខាងលើនៃខ្លួននៅក្នុងស្ថានភាពអង្គុយពាក់កណ្តាល ព្រោះវាអាចបន្ថយសម្ពាធដែលស្បូនស្ថិតនៅកន្លែងសួតនោះ
-    សូមកុំធ្វើវាខ្លាំងពេក ប្រសិនបើអ្នកធ្វើលំហាត់ប្រាណ។ គ្រាន់តែដើរ ឬធ្វើការងារផ្ទះបានហើយ។

ប្រសិនបើការដកដង្ហើមខ្លីៗរបស់អ្នកបានចាប់ផ្តើមភ្លាមៗ ធ្ងន់ធ្ងរ ហាក់ដូចជាអាក្រក់ទៅៗ ឬត្រូវបានផ្សារភ្ជាប់ជាមួយនឹងការឈឺ ក្អក ដកដង្ហើមពិបាក ឬញ័រទ្រូង សូមទៅជួបនឹងគ្រូពេទ្យជាបន្ទាន់។ នេះអាចជាសញ្ញាដែលមានអ្វីផ្សេងទៀតលើសពីការមានផ្ទៃពោះ ដែលនាំអោយដកដង្ហើមខ្លីៗនេះ៕
ប្រភព: health.com.kh

មុន បន្ទាប់

មតិយោបល់