អត្ថប្រយោជន៍នៃ ប្រទាលកន្ទុយក្រពើ

អត្ថប្រយោជន៍នៃ ប្រទាលកន្ទុយក្រពើ

ការប្រើប្រទាលកន្ទុយក្រពើ គឺជាមធ្យោបាយធម្មជាតិមួយសម្រាប់ជួយដោះស្រាយបញ្ហារលាក ការដាច់រលាត់ និងសុខភាពប្រព័ន្ធរំលាយអាហារ។ ប្រទាលកន្ទុយក្រពើនេះអាចត្រូវបានយកទៅប្រើជាគ្រឿងសំអាងធម្មជាតិ ហើយវាងាយស្រួលដាំទៀតផង។

• អត្ថប្រយោជន៍នៃប្រទាលកន្ទុយក្រពើចំពោះស្បែក ៖ ប្រជាជននៅរដ្ឋតិចសាស់ និងនៅព្រំដែនប្រទេសម៉ិកស៊ិកបានបង្ហាញថា ប្រទាលកន្ទុយក្រពើពិតជាអាចជួយសំអាតរបួសបានយ៉ាងល្អ និងជាថ្នាំសម្លាប់មេរោគទៀតផង។ ហើយវាក៏អាចជួយការពារប្រឆាំងនឹងសត្វល្អិតខាំ និងជួយបំបាត់ការរមាស់ផងដែរ។ ស្ត្រីនៅប្រទេសម៉ិកស៊ិកប្រើប្រាស់រុក្ខជាតិនេះ ដើម្បីកែសម្ផស្សដោយការត្រដុសស្លឹករបស់ប្រទាលកន្ទុយក្រពើនៅលើផ្ទៃមុខរបស់គេ ដើម្បីការពារស្នាមជ្រួញ ហើយបុរសក៏អាចប្រើវាជាសាប៊ូដើម្បីទប់ស្កាត់ការទំពែក និងសក់ស្កូវផងដែរ។ ទឹករបស់ប្រទាលកន្ទុយក្រពើត្រូវបានម៉ាស្សាចូលទៅក្នុងសក់ និងស្បែកក្បាល ហើយផ្អាប់ទុករយៈពេលពីរទៅបីម៉ោង ឬមួយយប់ទើបពួកគេលាងសំអាតចេញ។
• ប្រទាលកន្ទុយក្រពើ និងការរំលាយអាហារ ៖ រុក្ខជាតិនេះមានផលប្រយោជន៍ដ៏គួរអោយអស្ចារ្យដូចជា ជួយក្នុងការរំលាយអាហារ និងបំបាត់ដំបៅនៅក្នុងផ្លូវអាហារ។ មនុស្សមួយចំនួនគិតថា វាជាសារធាតុជួយបន្ទន់លាម និងមានប្រសិទ្ធភាពក្នុងការរំលាយអាហារ។ ទឹករបស់វាអាចជួយក្នុងជំងឺរលាកសន្លាក់ និងជំងឺឈឺសន្លាក់ឆ្អឹង៕

ប្រភព៖ Health.com.kh

មុន បន្ទាប់

មតិយោបល់