អាថ៌កំបាំង មើលទៅកាន់តែនៅក្មេង

អាថ៌កំបាំង មើលទៅកាន់តែនៅក្មេង

លំហាត់ប្រាណនៅក
“ក” គឺជាកន្លែងដែលឆាប់មើលទៅមានវ័យចំណាស់ជាងគេ ហើយក៏ជាកន្លែងដែលត្រូវការយកចិត្តទុកដាក់ដើម្បីរក្សាភាពមាំទាំរបស់វាដែរ។ ចូរគេងនៅជាយគ្រែ ហើយងើយកឡើង បន្ទាប់មកអោនក្បាលមកទ្រូវវិញ។ ចូរធ្វើបែបនេះអោយបាន ១០ ដងជារៀងរាល់ថ្ងៃ។

ប្រើថង់ស្អំទឹកកក
ដើម្បីភ្ញោចដល់កោសិកាស្បែក សម្រកការហើម បន្ថយភាពក្រហម និងការឡើងសរសៃលើស្បែក ចូរប្រើក្រណាត់ខ្ចប់ទឹកកក ឬប្រើដុំទឹកកកលុញពីលើមុខរបស់អ្នក។ ពេលនោះ វានឹងជួយអោយស្បែកមុខទៅជាពណ៌ក្រហម ហើយមើលទៅដូចជានៅក្មេងអញ្ជឹង។

ផ្លាស់ប្តូរផលិតផលលាងសម្អាតមុខរបស់អ្នកចោល
ចូរប្រើផលិតផលលាងសម្អាតជាតិប្រេងដែលមិនរលុបវិញ ប្រភេទជាតិប្រេងពីធម្មជាតិ ហើយចូរយកវាទៅម៉ាស្សាលើស្បែកអោយបានច្រើនទៅ។ ចូរប្រើកម្លាំងខ្លាំងបន្តិចពេលលាបលើកន្លែងណាដែលមានស្នាម ជាពិសេសតំបន់នៅខាងក្រោមភ្នែកតែម្តង។

ហាត់ក្បាច់យូហ្គានៅលើមុខ
ហាត់ក្បាច់យូហ្គានៅលើមុខអាចជួយទ្រទ្រង់ដល់រូបរាងនៃមុខរបស់អ្នក បន្ថយពេលវេលានៃភាពជ្រីវជ្រួញ និងពង្រឹងដល់ការឡើងផ្នត់ៗលើស្បែកទៀត។ ចូរដាក់ម្រាមដៃនៅគែមរបស់ថ្គាម និងទាញវាអោយដល់ត្រចៀក។ ការធ្វើបែបនេះនឹងជួយរំលាយជាតិខ្លាញ់នៅជុំវិញថ្គាមបានទៀតផង។

ញ៉ាំអាហារដែលល្អចំពោះមុខ
ត្រីសាលម៉ុងផ្ទុកទៅដោយជាតិអាស៊ីតខ្លាញ់អូមេហ្គាបីដែលជួយផ្តល់សំណើម រាប់ចាប់ពីធ្វើអោយរលោង ទន់ មានភាពបត់បែន រហូតដល់ការលូតលាស់របស់ស្បែក។ អ្នកគួរតែទទួលទានត្រីប្រភេទនេះអោយបានពីរទៅបីដងក្នុងមួយសប្តាហ៍។ ផ្លែបឺក៏ផ្ទុកទៅដោយជាតិខ្លាញ់ល្អ វីតាមីន E និង B កំផ្លេចដែរ សម្រាប់ជួយជួសជុល និងការពារស្បែកពីការខូចខាតដោយសាររ៉ាឌីកាល់សេរី។ ចូរទទួលទានផ្លែបឺ ៣ ទៅ ៤ ដងក្នុងមួយសប្តាហ៍៕

ប្រភព៖ health.com.kh

មុន បន្ទាប់

មតិយោបល់