វិធីសាស្ត្រ ពង្រឹងជំនាញទំនាក់ទំនង

វិធីសាស្ត្រ ពង្រឹងជំនាញទំនាក់ទំនង

ការពង្រឹងដល់ជំនាញទំនាក់ទំនងអោយមានប្រសិទ្ធភាពនោះមិនមែនជារឿងពិបាកដូចអ្នកគិតនោះទេ ហើយក៏មានវិធីសាស្ត្រច្រើនណាស់ដែរ ដែលអ្នកអាចប្រើដើម្បីបង្កើតជាការសន្ទនាគ្នាបានយ៉ាងល្អដូចជា ៖

សំណួរ
ចូរព្យាយាមសួរសំណួរដើម្បីអាចទទួលបានព័ត៌មានលម្អិតបន្ថែម។ ចូរបង្កើតសំណួរបើក (មិនមែនសំណួរដែលអាចឆ្លើយយ៉ាងសាមញ្ញថា បាទ ចាស់ ឬទេ) ដូច្នេះ អ្នកនឹងអាចប្រាកដថា វាអាចធ្វើអោយអ្នកទទួលបានព័ត៌មានទៅតាមតម្រូវការ។

បង្កើតជាកថាខ័ណ្ឌ
ការនិយាយម្តងទៀតនូវអ្វីដែលអ្នកបានស្តាប់លឺដោយប្រើពាក្យផ្ទាល់ខ្លួន គឺវិធីសាស្ត្រដ៏មានប្រយោជន៍មួយដើម្បីធ្វើអោយប្រាកដថា អ្នកបានយល់នូវអ្វីដែលគេនិយាយ។ វាក៏អាចអោយអ្នកនិយាយដឹងថាអ្នកកំពុងតែយកចិត្តទុកដាក់លើពាក្យសំដីរបស់គេផងដែរ។

លើកឧទាហរណ៍
វាគ្រាន់តែដូចជាការនិយាយថា “រូបភាពមួយនោះចង់និយាយអំពីពាក្យសម្តីជាច្រើនម៉ាត់”។ ឧទាហរណ៍ គឺជាវិធីសាស្ត្រដ៏អស្ចារ្យមួយក្នុងការជួយអោយអ្នកស្តាប់បាន មើលឃើញនូវអ្វីដែលអ្នកកំពុងតែព្យាយាមនិយាយ។

រឿងនិទាន
តើមាននរណាខ្លះដែលមិនចូលចិត្តរឿងដ៏ល្អៗនោះ? បើសិនជាប្រធានបទរបស់អ្នកពិបាកយល់ ឬអ្នកចង់អោយច្បាស់ថា អ្នកស្តាប់របស់អ្នកមិនភ្លេចនោះ ចូរនិយាយវាដូចជាអ្វីដែលអ្នកនិយាយក្នុងទម្រង់និទានរឿងវិញ។

ឥរិយាបថវិជ្ជមាន
តើអ្នកធ្លាប់លឺពាក្យមួយឃ្លានិយាយថា “ការប្រើទឹកឃ្មុំនឹងចាប់រុយបានកាន់តែច្រើន ហើយគួរចៀសជាងប្រើទឹកខ្មេះ” ដែរទេ? ឥរិយាបថអវិជ្ជមាននឹងគ្រាន់តែធ្វើអោយអ្នកស្តាប់លែងចង់ស្តាប់ប៉ុណ្ណោះ ហើយនឹងធ្វើអោយពួកគេមិនយល់ព្រមនឹងអ្វីដែលអ្នកនិយាយទៀតផង។

ផ្តល់ជាការរិះគន់
ឃ្លាលើកទឹកចិត្តដ៏តូចមួយដូចជា “ខ្ញុំយល់ថាអ្នកចង់មានន័យថាម៉េចហើយ”, “ហ្នឹងហើយ”, “គួរអោយចាប់អារម្មណ៍ណាស់” ពិតជាធ្វើអោយអ្នកនិយាយដឹងថា អ្នកកំពុងតែតាមដាននូវការសន្ទនា និងពិតជាមានមោទនៈភាព។

ការផ្លាស់ប្តូរទស្សនៈ
បើសិនជាអ្នកយល់ថា ប្រហែលជាភាពយល់ច្រឡំអាចកើតមានហើយ ចូរព្យាយាមពិពណ៌នានូវស្ថានភាពដែលអ្នកកំពុងតែយល់ឃើញនោះទៅ តែកុំអោយមានការកាត់សេចក្តីអ្វីអោយសោះ។ ឧទាហរណ៍ អ្នកអាចនិយាយថា “ខ្ញុំជឿជាថារឿងនេះ ...... តើអញ្ចឹងមែនអត់?” ឬ “តាមការយល់ឃើញរបស់ខ្ញុំ ..... តើវាត្រូវដែរទេ?”

ដូច្នេះ នៅពេលអ្នកអាចមើលឃើញហើយ ចូរប្រើវិធីសាស្ត្រទាំងអស់នេះដើម្បីពង្រឹងដល់ជំនាញទំនាក់ទំនងរបស់អ្នកអោយមានប្រសិទ្ធភាពក្នុងការប្រាស្រ័យទាក់ទងគ្នារបស់អ្នកទៅ ហើយវាក៏មិនពិបាកនឹងទទួលបានប្រយោជន៍របស់វាដែរ៕
ប្រភព៖ health.com.kh

មុន បន្ទាប់

មតិយោបល់