ធ្វើដូចម្តេចទើបមានការគោរពនៅកន្លែងធ្វើការ?

ធ្វើដូចម្តេចទើបមានការគោរពនៅកន្លែងធ្វើការ?

ការចេះគោរពគេឯងនៅកន្លែងធ្វើការមានអត្ថប្រយោជន៍ច្រើនណាស់ដូចជា ម៉ោងធ្វើការអ្នកនឹងក្លាយទៅជារឿងមួយកាន់តែសប្បាយ ទទួលបានការគាំទ្រពីអ្នកធ្វើការជាមួយគ្នា ហើយទំនងជានឹងអាចឡើងឋានៈជាអ្នកដឹកនាំទៀតផង។ ការគោរពបែបចងមិត្តភាព គឺជារឿងទស្សនៈមួយដែលងាយស្រួល ប៉ុន្តែ វាត្រូវអោយមានការប្តេជ្ញាចិត្ត និងភាពដូចៗគ្នា។ ចូរចាំជានិច្ចថា ការគោរពមិនមែនផ្តល់អោយដោយទទេៗនោះទេ តែអ្នកត្រូវស្វែងរកវាទៅវិញ។ បើសិនជាអ្នកចង់បានការគោរពនៅកន្លែងធ្វើការ ក្បួនណែនាំបែបមូលដ្ឋានខាងក្រោមនេះនឹងអាចជួយដល់អ្នកបាន។

គោរពខ្លួនឯង
គ្មាននរណាគោរពអ្នកទេ បើសិនជាអ្នកមិនគោរពដល់ខ្លួនឯងផងនោះ។ អ្នកអាចបង្ហាញអោយគេដឹងថា អ្នកគោរពខ្លួនឯងនៅកន្លែងធ្វើការបានតាមរយៈការស្លៀកពាក់ និងរៀបចំខ្លួនឯងអោយល្អគន់ និយាយដោយមានទំនុកចិត្ត ថែរក្សាចរិតលក្ខណៈ និងភាពជំនាញរបស់ខ្លួនបានយ៉ាងល្អ។

គោរពអ្នកធ្វើការជាមួយគ្នា
បើសិនជាអ្នកចង់ទទួលបានការគោរពនោះ អ្នកត្រូវតែចេះគោរពអ្នកដទៃជាមុនសិន។ ចូរធ្វើល្អចំពោះអ្នកធ្វើការជាមួយគ្នា បង្ហាញអោយគេដឹងថា អ្នកបានអោយតម្លៃដល់ពួកគេ។ ចូរចៀសវាងការនិយាយរិះគន់ពួកគេ។ ចូរស្វែងយល់អំពីឥរិយាបទបែបវិជ្ជមានរបស់ពួកគេក្នុងនាមជាបុគ្គលិក និងរកវិធីផ្សេងៗដើម្បីពង្រឹងដល់ទំនាក់ទំនងនោះផង។

ធ្វើខ្លួនអោយត្រឹមត្រូវនៅកន្លែងធ្វើការ
បើសិនជាអ្នកចេះតែខានមិនបានធ្វើការ ឬរត់ចោលការងារ នោះអ្នកនឹងមិនទទួលបានការគោរពនោះទេ។ ចំណែកឯអ្នកធ្វើការជាមួយគ្នាវិញក៏នឹងយល់ថាអ្នកជាមនុស្សដែលខ្ជិលច្រអូស ហើយចេះតែបន្ថែមការងារដល់ពួកគេអោយធ្វើជំនួសដែរ។

ប្តេជ្ញាចំពោះខ្លួនឯងថា នឹងបំពេញការងារអោយបានល្អបំផុត
បើសិនជាអ្នកជាបុគ្គលិកដ៏ល្អម្នាក់ អ្នកនឹងពង្រឹងអោយខ្លួនឯងទទួលបានជោគជ័យ និងជាមនុស្សមានប្រយោជន៍ចំពោះកន្លែងដែលអ្នកធ្វើការ។ អត្តចរឹតប្រភេទនេះនឹងធ្វើអោយប្រធាន ក៏ដូចជាអ្នកធ្វើការជាមួយគ្នាចូលចិត្ត និងចាប់អារម្មណ៍លើអ្នកកាន់តែខ្លាំង៕

ប្រភព៖ health.com.kh