ជើងខ្លាំងខ្មែរ-អូស្ត្រាលី Suasday មកប្រកួតនៅប្រទេសកំណើតក្នុងទ្រុង One FC

ជើងខ្លាំងខ្មែរ-អូស្ត្រាលី Suasday មកប្រកួតនៅប្រទេសកំណើតក្នុងទ្រុង One FC

អ្នកប្រដាល់ក្នុងទ្រុងជនជាតិខ្មែរសញ្ជាតិអូស្ត្រាលី Suasday Chau នឹងមកអង្រួនសង្វៀនប្រដាល់ក្នុងព្រឹត្តិការណ៍ Rise of the Kingdom នៅកោះពេជ្រ រាជធានីភ្នំពេញ ប្រទេសកម្ពុជាដែលជាទីកំណើតរបស់លោកដោយត្រូវជួបនឹងជើងខ្លាំងឆ្លងទ្វីបបារាំង Arnaud Lepont។

កីឡាករ ខ្មែរ-អូស្ត្រាលី Suasday Chua (រូបថត FB Chua)

Suasday Chau ដែលកើតនៅព្រំដែនខ្មែរ-ថៃបានភៀសខ្លួនទៅប្រទេសអូស្ត្រាលីជាមួយក្រុមគ្រួសារតាំងពីអាយុទើប២ឆ្នាំនាសម័យខ្មែរក្រហម។ នៅអូស្ត្រាលីលោកមានក្លិបហាត់ប្រដាល់ផ្ទាល់ខ្លួនមួយនៅ Adelaide និងបានចូលប្រឡូកក្នុងពិភពប្រដាល់ក្នុងទ្រុងតាំងឆ្នាំ២០១២ដោយឆ្លងកាត់ការប្រកួតបាន៧ដងក្នុងនោះឈ្នះ៤ និងចាញ់៣។

ក្តីស្រមៃរបស់ Suasday ដែលឡើងសង្វៀនក្នុងទឹកដីកំណើតគឺបានក្លាយជាការពិតហើយដែលលោកត្រូវប្រឈមនឹងជើងខ្លាំងបារាំង Arnaud Lepont នៅក្នុងព្រឹត្តិការណ៍ Rise of the Kingdom នៅមហោស្រពកោះពេជ្រ នាថ្ងៃទី១២ ខែកញ្ញាខាងមុខ។

តាមការឲ្យដឹងពីមន្ត្រី One FC ថាកីឡាករខ្មែរ-អូស្ត្រាលីរូបនេះមានជំនាញសម្លាប់គូប្រកួតនៅផ្នែកខាងក្រោម ហើយការទទួលបានជ័យជម្នះទាំង៤របស់លោកគឺសុទ្ធតែពាក់កណ្តាលទឹកទាំងអស់តាមរយៈការឃ្លេឲ្យចុះចាញ់។ លោកបានប្រាប់ថា លោកមានមោទនភាពដែលបានមកប្រកួតនៅលើទឹកដីកំណើតដែលនេះជាក្តីស្រមៃរបស់លោក។

និយាយពីដៃគូរបស់គេវិញគឺកីឡាករបារាំង Arnaud Lepont ដែលមានរហ័សនាមថា “The Game”ជាជើងខ្លាំងកំពូលល្បិច។ កីឡាកររូបនេះធ្លាប់ប្រកួតបាន១៤ដងក្នុងនោះឈ្នះ១០ដង និងចាញ់៤ដង។ តាមប្រភពពី One FC បានឲ្យដឹងថា Lepont ល្បីខ្លាំងខាងវ៉ៃដៃគូឲ្យសន្លប់តាមរយៈកម្លាំងដៃវាយចេញពីចម្ងាយ។

កុំភ្លេចណា! អ្នកលេងក្បាច់គុនចម្រុះខ្មែរ-អូស្ត្រាលី Suasday ប៉ះជើងខ្លាំងឆ្លងទ្វីបបារាំង Arnaud Lepont និងកីឡាករខ្មែរជាច្រើនទៀតដែលប្រជុំជើងនៅនៅថ្ងៃទី១២ ខែកញ្ញាខាងមុខនេះ៕

ប្រភព: sabay

មុន បន្ទាប់

មតិយោបល់