មាស សុខសោភា បដិសេធមិនលេង Ice Bucket Challenge មានមូលហេតុដ៏សំខាន់មួយ

មាស សុខសោភា បដិសេធមិនលេង Ice Bucket Challenge មានមូលហេតុដ៏សំខាន់មួយ

ចាប់ផ្ដើមដោយការថ្លែងអំណរគុណចំពោះប្រិយមិត្តដែលបានស្នើឲ្យនាងលេងល្បែងចាក់ទឹកកក ឬ “Ice Bucket Challenge” ដើម្បីអង្គាសថវិកាជួយមន្ទីរពេទ្យគន្ធបុប្ផា តារាចម្រៀង មាស សុខសោភា បានបដិសេធមិនចូលរួមលេងល្បែងនេះនោះទេ ព្រោះនាងត្រូវការសន្សំសំចៃទឹក។

បដិសេធមិនចូលលេងល្បែងចាក់ទឹកកក ប៉ុន្តែ មាស សុខសោភា បញ្ជាក់ថា នាងនៅតែចូលរួមបរិច្ចាគថវិកាទៅកាន់មន្ទីរពេទ្យគន្ធបុប្ផាដដែល។ វិលមកមូលហេតុចំពោះការមិនចូលលេងល្បែងដែលកំពុងមានប្រជាប្រិយភាពនេះ សោភា ប្រាប់ថា នាងមិនចង់ខ្ជះខ្ជាយទឹក ក្នុងខណៈកូនឈើ១០០០០ដើមរបស់នាងនៅកំពុងស្ពឺ កំពុងត្រូវការទឹកសង្គ្រោះជាបន្ទាន់។

ដំណឹងនេះ សោភា ទទួលបានពីព្រះតេជគុណ ដែលទទួលមើលថែកូនឈើ ទាំង ១០,០០០ដើមរបស់នាង ដែលបានប្រាប់ថា អណ្តូងមានសភាពរីងស្ងួតដោយកត្តាអាកាសធាតុ ធ្វើឲ្យការស្វះស្វែងរកទឹកមកស្រោចស្រពកូនឈើទាំងនោះ មានការលំបាកមែនទែនក្នុងរយៈពេល១សប្ដាហ៍កន្លងទៅ។ បន្ថែមពីលើនេះ ការធ្វើដំណើរទៅយកទឹកពីទន្លេមកស្រោចស្រពសង្គ្រោះជីវិតកូនឈើទាំងនោះ គឺត្រូវចំណាយខ្ពស់ដែរ គឺរហូតដល់ទៅ ១០,៥០០រៀលឯណោះ ក្នុងការធ្វើដំណើរម្តងៗ។

មាស សុខសោភា ថ្លែងទៀតថា “នាងខ្ញុំផ្ទាល់សូមសម្ដែងនូវសេចក្តីគោរពដល់ព្រះតេជគុណ ដែលបានប្រឹងប្រែងអស់ពីកម្លាំងកាយចិត្ត ក្នុងការងារជួយសហគមន៍ភ្នំឱរ៉ាល់ និងថែរក្សាកូនឈើទាំងនោះ។ អាស្រ័យហេតុនេះហើយនាងខ្ញុំនឹងមានអារម្មណ៍ខុសឆ្គងក្នុងខ្ជះខ្ជាយទឹក ដូច្នេះ នាងខ្ញុំសង្ឃឹមថា អ្នករាល់គ្នានឹងមានការអធ្យាស្រ័យ។ នាងខ្ញុំនឹងបរិច្ចាគទៅជូនដល់មន្ទីរពេទ្យគន្ធបុប្ផាតែម្តង“៕

ប្រភព: sabay

មុន បន្ទាប់

មតិយោបល់