ទីន​តម្លៃ ១៦ លាន​ផោន (២៦,៥ លាន​ដុល្លារ​) ម៉ា​កូ​ស រ៉ូ​ចូ (Marcos Rojo) លើ​កិច្ចសន្យា​រយៈពេល ៥ ឆ្នាំ​។​
​យោងតាម​វេ​ប​សាយ​ប៊ី​ប៊ី​ស៊ី​ចេញផ្សាយ​ថ្ងៃទី ២០ ខែសីហា កីឡាករ​វ័យ ២៤ ឆ្នាំ​រូបនេះ​ចូលរួម​ពី​ក្លឹប Sporting Lisbon ដោយ​កីឡាករ​ណា​នី​នឹង​ផ្លាស់​ទៅ​ក្លឹប​ព័រ​ទុយ​ហ្គា​ល់​នេះ​វិញ​តាមរយៈ​ការខ្ចី​ជើង​ពេញ​មួយ​រដូវ​កាល​។
​រ៉ូ​ចូ​ដែល​នឹង​ពាក់អាវ​លេខ ៥ បាន​និយាយថា "​ការលេង​ឲ្យ​ក្លឹប​ធំ​បំផុត​របស់​ពិភពលោក​មួយ​នេះ​គឺជា​ក្តី​សុបិន​សម្រាប់​ខ្ញុំ​"​។ ​ខ្សែការពារ​ឆ្វេង​រូបនេះ​បាន​លេង​ចំនួន ៦ ប្រកួត​ខណៈដែល​អា​ហ្ស​ង់​ទីន​ឡើងដល់​វគ្គ​ផ្តាច់ព្រ័ត្រ​វើ​ល​ខាប់​រដូវក្តៅ​នេះ​ក្នុងប្រទេស​ប្រេ​ស៊ី​ល​។ រ៉ូ​ចូ​គឺជា​កីឡាករ​ចំណូល​ថ្មី​ទី​បី​នៃ​រដូវក្តៅ​នេះ ហើយនឹង​ជួយ​ពង្រឹង​ជម្រើស​ខ្សែការពារ​របស់​អ្នកចាត់ការ លោក ល្វី​ស វ៉ាន់ ហ្គា​ល (Louis van Gaal)​។​
​អ្នកចាត់ការ​ហូ​ឡង់​រូបនេះ​បានចាប់ផ្តើម​ដាក់​លេង​កីឡាករ​ថ្មី Tyler Blackett ជា​ផ្នែក​មួយ​នៃ​ខ្សែការពារ​ទាំងបី​រូប​របស់លោក​ក្នុង​បរាជ័យ ២-១ កាលពី​ថ្ងៃ​សៅរ៍​ក្រោម​ថ្វីដៃ Swansea​។ មុន​ចុងបញ្ចប់​នៃ​ប្រកួត ខ្សែប្រយុទ្ធ​ស្លាប Ashley Young ត្រូវបាន​ប្រើ​ក្នុងតួនាទី​ខ្សែការពារ​ឆ្វេង​បន្ទាប់ពី​ការប្តូរ​ក្បួន​លេង​។
​លោក​វ៉ាន់​ហ្គា​ល​បាន​និយាយថា "​ម៉ា​កូ​ស​គឺជា​ខ្សែការពារ​ពោរពេញ​ដោយ​ទេពកោសល្យ​។ គាត់​អាច​លេង​បាន​ទាំង​ខ្សែការពារ​កណ្តាល និង​ការពារ​ឆ្វេង​"​។
​រ៉ូ​ចូ​អាច​នឹង​បង្ហាញខ្លួន​ដំបូង​ក្នុង​ការប្រកួត​ថ្ងៃអាទិត្យ​ខាងមុខ​ជាមួយ Sunderland ខណៈ​កីឡាករ​ចំណូល​ថ្មី​នា​រដូវក្តៅ​ដូចគ្នា លូក ស (Luke Shaw) ត្រូវ​នៅក្រៅ​ការប្រកួត​ចំនួន ៣ សប្តាហ៍​ទៀត​ដោយសារ​របួស​សរសៃពួ​រ​កែងជើង​៕
ប្រភពៈ www.everyday.com.kh