ហេង ពិទូ ត្រៀមចេញអាល់ប៊ុមថ្មី ក្រោយស្ងាត់ទីផ្សារ!

ហេង ពិទូ ត្រៀមចេញអាល់ប៊ុមថ្មី ក្រោយស្ងាត់ទីផ្សារ!

លោក ហេង ពិទូ និយាយថា អាល់ប៊ុមថ្មីនឹងចេញនៅដើមខែកញ្ញានេះ បន្ទាប់ពីទីផ្សារចម្រៀងរបស់ខ្លួនស្ងប់ស្ងាត់មួយរយៈចុងក្រោយ។

តារាចម្រៀងប្រចាំផលិតកម្ម សាន់ដេលោក ហេង ពិទូ លើកឡើងថា៖ “រវល់ការងារតិចតួចមួយរយៈនេះ តែអត់អីទេបទចម្រៀងរបស់ខ្ញុំនឹងវិលមកបំពេអារម្មណ៍បងប្អូនវិញនាដើមខែ កញ្ញា ខាងមុខ”។

heng pitu

មិនបង្ហើបពីបទចម្រៀងមានចំណងជើងអ្វីខ្លះទេ ក៏ប៉ុន្តែអតីតសមាជិកក្រុម MKS រូបនេះអះអាងថាបទចម្រៀងត្រៀមចេញដើមខែ កញ្ញា ខាងមុខ មានចំនួន ១០ បទ។ អ្វីជាពិសេស គឺបទចម្រៀងខ្លះនឹងមានច្រៀងរួមគ្នាជាមួយតារាចម្រៀងល្បីឈ្មោះ សុខ ពិសី ទៀតផង។

តាមរយៈអាល់ប៊ុមចម្រៀងថ្មី ដែលរៀបចំឡើងដោយផលិតកម្ម សាន់ដេ ម្ចាស់បទ “កុំធ្វើយ៉ាងហ្នឹង” រំពឹងថា ទីផ្សារចម្រៀង ក៏ដូចជាកេរ្តិ៍ឈ្មោះរបស់ខ្លួននឹងអាចមានប្រជាប្រិយភាពឡើងវិញ។

លោក ហេង ពិទូ បន្តថា ការស្ងប់ស្ងាត់បទចម្រៀងមួយរយៈនៅលើទីផ្សារ បណ្ដាលមកពី លោករវល់ការងារផ្ទាល់ខ្លួនបន្តិចបន្តួចនៅខាងក្រៅ។ ម្យ៉ាងទៀតលោកចង់ធ្វើឱ្យទីផ្សារចម្រៀងរបស់ខ្លួនស្ងាត់បន្តិច ហើយត្រឡប់មកវិញដោយការទទួលសំឡេងគាំទ្រច្រើន។

ចាប់តាំងពីបោះជំហានចូលផលិតកម្ម សាន់ដេក្នុងឆ្នាំ ២០១២ មក តារាចម្រៀងរូបនេះហាក់មិនទាន់មានបទចម្រៀងមួយណាធ្វើឱ្យទស្សនិកជនកត់សម្គាល់នៅឡើយទេ។ ក៏ប៉ុន្តែសម្រាប់ការត្រៀមចេញអាល់ប៊ុមថ្មីនាដើមខែ កញ្ញា ខាងមុខ លោក ហេង ពិទូ និយាយថា៖ “វាពិបាកណាស់ធ្វើឱ្យបទចម្រៀងមួយអាចទាក់ទាញការចាប់អារម្មណ៍ខ្លាំងពីទស្សនិកជន ខណៈក្នុងផលិតកម្មមួយប្រជុំសុទ្ធតែជើងខ្លាំង។ ប៉ុន្តែយើងត្រូវដឹង ហើយតាំងចិត្ត ព្រោះជាសិល្បៈ មិនត្រូវខ្លាចបញ្ហានេះឡើយ”៕អានអត្ថបទ៖ ចម្រៀងជាក្រុមនៅកម្ពុជាមិនជោគជ័យ ព្រោះអ្វី?

heng pitu