ព្រាប សុវត្ថិ ចេញមុខយប់មិញជិះ Range Rover

ព្រាប សុវត្ថិ ចេញមុខយប់មិញជិះ Range Rover

យប់មិញនេះ តារាចម្រៀង ព្រាប សុវត្ថិ និង ភរិយា បានបង្ហាញវត្តមានដ៏កម្រមួយ ក្នុងពិធីខួបកំណើតអ្នកចាត់ការទូទៅ របស់ក្រុមបង្ហាញម៉ូដ Cambodia Super Model លោក សុខ ណារ៉េត ។ តារាចម្រៀងល្បីឈ្មោះម្នាក់នេះ បានជិះរថយន្ត Range Rover មកចូលរួមក្នុងកម្មវិធី។

លោក ព្រាប សុវត្ថិ និង ភរិយា បានអញ្ជើញមកដល់កន្លែងកម្មវិធីខួប នៅឯភោជនីយដ្ឋានមួយម្ដុំស្តុបបូកគោ ដោយជិះរថយន្ត Range Rover របស់លោក។ លោក ត្រូវបានស្វាគមន៍ដោយសិល្បករ-សិល្បការិនី ជាច្រើន ដែលអញ្ជើញមកចូលរួមកម្មវិធីនេះ ក្នុងនោះ អ្នកខ្លះបានមកជល់កែវ អ្នកខ្លះទៀត បានមកសុំថតរូបជាមួយ។ លោក ព្រាប សុវត្ថិ និង ភរិយា បានចំណាយពេលនៅក្នុងពិធីជប់លៀងរហូតដល់ចប់កម្មវិធី ម៉ោងជាង ១០ យប់។

បច្ចុប្បន្ននេះ តារាចម្រៀង លោក ព្រាប សុវត្ថិ កំពុងជិះរថយន្តទំនើបចំនួន ២ គ្រឿង មានម៉ាក Range Rover ស៊េរីឆ្នាំ ២០១២ និង Ford E-350 ១២ កៅអី ស៊េរីឆ្នាំ ២០១២ ដូចគ្នា។ Ford E-350 ១២ កៅអី លោក តែងតែ ជិះពេលដែល ចុះទៅច្រៀងតាមខេត្ត ឆ្ងាយៗ ត្បិតអីរថយន្តមួយនេះ ដាក់បានមនុស្សច្រើន ព្រោះរាល់ការចេញច្រៀងម្ដង លោកមានក្រុមរាំផ្ទាល់ខ្លួនរបស់លោក ទៅជាមួយផង។

នេះជាលើកទី ២ ហើយ ដែលលោក ព្រាប សុវត្ថិបានបណ្ដើរភរិយារបស់ខ្លួនចូលរួមកម្មវិធីជប់លៀងរបស់មិត្តអ្នកសិល្បៈ បន្ទាប់ពីលោក និង ភរិយា បានចូលរួមពិធីអាពាហ៍ពិពាហ៍ អ្នកនាង សារ៉ាយ សក្ខណា កាលពីថ្ងៃទី ១២ ខែ ធ្នូ ឆ្នាំ ២០១៣៕