សុខ សុវណ្ណាដែន ដែលធ្លាក់ខ្លួនដេកវត្ត ឥឡូវឡើងតួឯកហើយតើ!

សុខ សុវណ្ណាដែន ដែលធ្លាក់ខ្លួនដេកវត្ត ឥឡូវឡើងតួឯកហើយតើ!

តារាសម្ដែងជំនាញខាងវាយតប់ លោក សុខ សុវណ្ណាដែន ដែលធ្លាក់ខ្លួនមកដេកវត្តអាស្រ័យបាយលោកនោះ ឥឡូវនេះ លោកបានគ្រងតំណែងតួឯកមួយហើយ។ នេះបើតាមសាមីខ្លួនបញ្ចេញឲ្យដឹង។

លោក សុខ សុវណ្ណាដែន ប្រាប់ថា “ខ្ញុំទើបថតបទចម្រៀងខារ៉ាអូខេឲ្យ ជុំ លីណូ ថ្មីៗបងបទហ្នឹងមានចំណងជើងថា “ប្រពន្ធរត់ចោល” ហើយខ្ញុំជាតួឯក”។

“ប្រពន្ធរត់ចោល” គឺនិយាយពីតួប្រុសដែលសម្ដែងដោយលោក សុខ សុវណ្ណាដែន ព្រោះតែគ្រួសារមានជីវភាពខ្សត់ខ្សោយពេក ក៏រត់ទៅធ្វើការនៅប្រទេសថៃបាត់រយៈពេលពីរឆ្នាំ។ លោក ដែន តែងធ្វើលុយយ៉ាងទៀងទាត់មកភរិយា ប៉ុន្តែពេលត្រឡប់មកវិញទទួលដំណឹងថា ភរិយាដែលសម្ដែងដោយកញ្ញា រូ ចាន់ដារ៉ា តួឯកស្រីក្នុងរឿង “សាកលវិទ្យាល័យកំណើតស្នេហ៍” រត់ចោលទៅហើយ។

“ខ្ញុំស្រឡាញ់ការសម្ដែងរបស់ខ្ញុំក្នុងបទនេះណាស់បង ទី១ដោយសារខ្ញុំដើរជាតួឯក ទី២ពេលសម្ដែងធ្វើឲ្យខ្ញុំនឹកដល់រឿងខ្លួនឯងកាលពីប៉ុន្មានឆ្នាំមុន។ គេរត់ចោលអីចឹងដែរ ពួកយើងមិនទាន់ជាប្តីប្រពន្ធអីទេ គឺគ្រាន់តែស្រឡាញ់គ្នាអីអីចឹងណាបង តែក្រោយមកគេបានចាកចេញពីខ្ញុំវិញ គឺស្ទើរតែដូចនឹងដំណើររឿងក្នុងបទរបស់ ជុំ លីណូ នេះអីចឹង!”។

ឈុតក្នុងបទចម្រៀង “ប្រពន្ធរត់ចោល”(រូបភាព៖ផ្ដល់ដោយ សុខ សុវណ្ណាដែន)

សាមីខ្លួន ប្រាប់ថា បទ “ប្រពន្ធរត់ចោល” របស់លោក ជុំ លីណូ ក្នុងផលិតកម្ម Diamond នេះត្រៀមនឹងចេញនៅថ្ងៃទី២២សីហា ខាងមុខនេះ។ លោក ដែន បង្ហើបទៀតថា ក្រៅពីបទនេះ លោកក៏បានចូលរួមថតបទចម្រៀងមួយបទឲ្យផលិតកម្មរស្មីហង្សមាស ហើយក៏ត្រៀមនឹងចេញក្នុងពេលឆាប់ៗនេះដែរ។

បច្ចុប្បន្នលោក សុខ សុវណ្ណាដែន បាន និងកំពុងរស់ជ្រកកោនដំបូលវត្តនៅឡើយ បន្ទាប់ពីជីវភាពធ្លាក់ចុះដុនដាបដោយសារការងារសិល្បៈទៅហួសមកហួស។ ទោះយ៉ាងនេះក្ដី តារាសម្ដែងមានប្រភពចេញមកពីគ្រូគុនរូបនេះ បង្ហើបថា ការងារសិល្បៈរបស់លោកងើបឡើងបន្តិចវិញហើយ។ “រាងឡើងតិចៗវិញហើយបង សង្ឃឹមថា ឆ្នាំក្រោយនឹងបានប្រសើរ។ខ្ញុំក៏កំពុងត្រៀមថតភាពយន្តខ្នាតធំមួយរឿងដែរ គឺរឿង “លត់ដែកថែប”៕

ប្រភព:sabay

មុន បន្ទាប់

មតិយោបល់