មេធាវីនិយាយថាលោកស្រីយីងឡាក់ នឹងប្រយុទ្ធតតាំងរាល់ការចោទប្រកាន់

មេធាវីនិយាយថាលោកស្រីយីងឡាក់ នឹងប្រយុទ្ធតតាំងរាល់ការចោទប្រកាន់

ក្រុងបាងកកៈ ខណៈលទ្ធភាពនៃការចោទប្រកាន់កាន់តែកៀក មេធាវីរបស់លោកស្រីយីងឡាក់ បានបញ្ជាក់ជាថ្មីថា អតីតនាយករដ្ឋមន្រ្តី លោកស្រីយីងឡាក់ ស៊ីណាវ៉ាត្រា នឹងត្រឡប់មកកាន់ប្រទេសថៃវិញ ដើម្បីតស៊ូនឹងការចោទប្រកាន់ពីបទធ្វេសប្រហែសក្នុងតួនាទីលើគម្រោងទិញស្រូវ។
គណៈកម្មាធិការជាតិប្រឆាំងអំពើពុករលួយ(NACC) បានបញ្ជូនរឿងក្ដីនោះទៅកាន់ការិយាល័យអគ្គព្រះរាជអាជ្ញា (OAG) ដោយផ្ដល់អនុសាសន៍ឲ្យគេចោទប្រកាន់លោកស្រី យីងឡាក់ជាផ្លូវការក្នុងផ្នែកព្រហ្មទណ្ឌនៃតុលាការកំពូលសម្រាប់ក្រុមអ្នកកាន់តំណែងនយោបាយ។
នៅថ្ងៃទី១៧ខែកក្កដា NACC បានផ្ដល់អនុសាសន៍ថា លោកស្រី យីងឡាក់ ត្រូវគេចោទប្រកាន់ពីបទធ្វេសប្រហែសក្នុងតួនាទី ដោយបរាជ័យពុំអាចដោះស្រាយអំពើពុករលួយ និង ការខាតបង់ក្នុងគម្រោងទិញស្រូវ។ NACCប៉ាន់ស្មានថា គម្រោងស្រូវនេះ បានខាតបង់ អស់យ៉ាងតិច៥០០ពាន់លានបាត។
NACC ដែលកាន់អំណាចដោយសារការបោះឆ្នោតសំឡេង៧ទល់នឹង០ មានភ័ស្តុតាងគ្រប់គ្រាន់ចំពោះការចោទប្រកាន់ថា លោកស្រីយីងឡាក់បានធ្វេសប្រហែសខកខានមិនបានបញ្ឈប់គម្រោងនេះ ថ្វីបើដឹងថា គម្រោងនេះត្រូវញាំញីដោយអំពើពុករលួយ និងការខាតបង់ក៏ដោយ។
ទង្វើនេះនឹងបំពានលើមាត្រា១៥៧នៃក្រមព្រហ្មទណ្ឌ និងមាត្រា១២៣/១នៃសកម្មភាពជាតិប្រឆាំងអំពើពុករលួយ។
មេធាវីដែលតំណាងលោកស្រី យីងឡាក់ បាននិយាយថា លោកនឹងដាក់ញត្តិទៅ OAGនៅថ្ងៃពុធដោយស្នើឲ្យការិយាល័យនេះធានាយុត្តិធម៌ និងភាពត្រឹមត្រូវដល់លោកស្រី។
លោកស្រីយីងឡាក់បានរិះគន់ NACC ពីបទ«ការអនុវត្តមិនយុត្តិធម៌»ក្នុងការស៊ើបអង្កេតប្រឆាំងលោកស្រី។ ពីមុនលោកស្រីបានស្នើបង្ហាញនូវក្រុមសាក្សីការពារបន្ថែមប៉ុន្តែត្រូវ NACC ទាត់សំណើនោះចោល។
លោកណូរ៉ាវីតបាននិយាយថា NACCបានប្រញាប់ប្រញាល់ធ្វើការស៊ើបអង្កេតរបស់ខ្លួនក្នុងរឿងក្ដីនេះ និងការរកឃើញរបស់ខ្លួននៅតែមិនទាន់ពេញលេញ ដោយបន្ថែមថា ញត្តិដែលត្រូវដាក់ជូនទៅ OAG នឹងបញ្ចូលនូវព័ត៌មានថ្មីៗផ្សេងទៀត។
មេធាវីនោះបាននិយាយថា លោកជឿថាអគ្គព្រះរាជអាជ្ញានឹងទទួលយកញត្តិនិងផ្តល់ឲ្យលោកស្រីយ៉ីងឡាក់ភាពត្រឹមត្រូវ និងយុត្តិធម៌។
ចំពោះដំណើរវិលត្រឡប់មកពីបរទេសរបស់លោកស្រីយ៉ីងឡាក់ លោក Norawit បាននិយាយថា លោកស្រីមិនប្រាប់លោកឲ្យបានដឹងពីការផ្លាស់ប្តូរការវិលត្រឡប់មកថៃដែលគ្រោងនៅថ្ងៃអាទិត្យទេ។
លោកស្រីយ៉ីងឡាក់ត្រូវបានក្រុមប្រឹក្សាជាតិទទួលបន្ទុកសន្តិសុខនិងសណ្តាប់ធ្នាប់អនុញ្ញាតចេញទៅសម្រាកវិស្សមកាលនៅអឺរ៉ុបនិងអាមេរិកពីថ្ងៃទី២៣ខែកក្កដា។
មានសំណួរជាច្រើនអំពីការចោទប្រកាន់លោកស្រី៕ ប្រភព ៖ ភ្នំពេញប៉ុស្តិ៍

មុន បន្ទាប់

មតិយោបល់