បុគ្គលិកធនាគារម្នាក់ធ្វើអត្តឃាតដោយសារ…Messi
Leonel Messi កំពូលកីឡាករមានតម្លៃខ្លួនថ្លៃបំផុត លើពិភពលោក បានអះអាងថា លោកបានអនុវត្តកតព្វកិច្ចបង់ពន្ធត្រឹមត្រូវ និងគ្រប់គ្រាន់ ។ ប៉ុន្តែ គេទើបរកឃើញថា កីឡាករសញ្ជាតិអាហ្សង់ទីនរូបនេះ បានច្រានដោយប្រយោលឲ្យបុគ្គលិកធនាគារម្នាក់ធ្វើអត្តឃាត ។
ករណីអត្តឃាតនេះ បានកើតឡើងកាលពីខែ មេសា ២០១៣ ខណៈពេលដែល Davied Waygood រត់ចូលឲ្យរទេះភ្លើងកិន ។ Waygood គឺជាអ្នកគ្រប់គ្រងក្រុមហ៊ុនមួយ ត្រូវបានចោទប្រកាន់ថា ជួយឲ្យ Messi គេចពន្ធបានចំនួន ៣ លានផោនដ៍ ។
តាមបណ្តាអយ្យការអេស្ប៉ាញ នោះគឺទឹកប្រាក់ខាងលើ ជាចំណែកដែល Messi ទទួលបានពីកិច្ចព្រមព្រៀងកម្មសិទ្ធិរូបភាពមួយ ។ អាស្រ័យដោយការរកឃើញថ្មីនេះ ប្រធានតុលាការនៅ Baccelona ទើបតែសម្រេចឲ្យបើកការស៊ើបអង្កេតឪពុក និងកូន Messi ទាំង ២ រូប ក្រោមមន្ទិលសង្ស័យថា បានគេចពន្ធ ។ គេរំពឹងថា កីឡាករលំដាប់ពិភពលោករូបនេះ នឹងសារភាពពីទោសកំហុសខ្លួន ។
ក្នុងសេចក្តីប្រកាសរបស់ខ្លួន បណ្តាអយ្យការអេស្ប៉ាញ បានធ្វើការអះអាងថា Messi និងឪពុករបស់គាត់ Jorge Messi បានប្រើប្រាស់ក្រុមហ៊ុនតូចៗ នៅអង់គ្លេស, ស្វីស, អ៊ូរ៉ាហ្គាយ និង Belize ដើម្បីចែករំលែកជាចំណែកតូចៗ នៃខ្ទង់ប្រាក់ ៣,៣ លានផោនដ៍ អំឡុងពីឆ្នាំ ២០០៧-២០០៩ ។
ពេលរឿងរ៉ាវត្រូវបើកកកាយនោះ Messi បានព្យាយាមការពារខ្លួន ដោយសរសេរលើគណនី Facebook គាត់ថា “យើងខ្ញុំពុំដែលធ្វើរឿងខុសឆ្គងអ្វីទាំងអស់ ។ យើងខ្ញុំតែងអនុវត្តកតព្វកិច្ចពន្ធដារ យ៉ាងគ្រប់គ្រាន់” ។
ប្រការដែលគួរឲ្យនិយាយនោះ គឺក្រុមហ៊ុនតូចៗមួយ ក្នុងចំណោមនោះ មានក្រុមហ៊ុន Sidefloor Limited ។ នាយកក្រុមហ៊ុន ហើយក៏ជាបុគ្គលិកតែម្នាក់គត់ គឺ Waygood ។ គាត់បានរ៉ាប់រងកិច្ចការនេះ ពីខែ មីនា ២០០៧ រហូតដល់ធ្វើអត្តឃាតស្លាប់ ។ ភាគហ៊ុនទាំងអស់របស់ Sidefloor Limited ត្រូវបានក្តោបក្តាប់ដោយក្រុមហ៊ុនឈ្មួញកណ្តាលមួយ ។
ហេតុនេះឯង ការស៊ើបអង្កេតត្រូវបានធ្វើពីឆ្នាំទៅមិញ ជាហេតុនាំឲ្យ Waygood ក៏ជាអតីតៈបុគ្គលិកធនាគារ HSBC ម្នាក់ផងនោះ នឿយណាយដល់ថ្នាក់ធ្វើអត្តឃាតបែបនេះ អំឡុងខែមេសា ២០១៣ ។
ក្នុងសំបុត្រផ្តាំផ្ញើចុងក្រោយ ទុកឲ្យកូនប្រុស James និងកូនស្រី Lizzie Waygood បានប្រាប់ថា លោកសម្រេចធ្វើអត្តឃាតដោយសារមានអារម្មណ៍តានតឹងហួសហេតុពេក ។
អាស្រ័យហេតុនេះ ពេលដែល Messi អះអាងថា ខ្លួនបាន “អនុវត្តកតព្វកិច្ចពន្ធត្រឹមត្រូវ” មានន័យដូចម្តេចទេ ព្រោះទង្វើភូតកុហករបស់គាត់ និងឪពុក បានច្រានមនុស្សម្នាក់ដូចជា Waygood ឲ្យចូលក្រោមកង់រថភ្លើងបែបនេះ ៕ប្រភពៈ ksn-news.com
មើលព័ត៌មានផ្សេងៗទៀត
-
អីក៏សំណាងម្ល៉េះ! ទិវាសិទ្ធិនារីឆ្នាំនេះ កែវ វាសនា ឲ្យប្រពន្ធទិញគ្រឿងពេជ្រតាមចិត្ត
-
ហេតុអីរដ្ឋបាលក្រុងភ្នំំពេញ ចេញលិខិតស្នើមិនឲ្យពលរដ្ឋសំរុកទិញ តែមិនចេញលិខិតហាមអ្នកលក់មិនឲ្យតម្លើងថ្លៃ?
-
ដំណឹងល្អ! ចិនប្រកាស រកឃើញវ៉ាក់សាំងដំបូង ដាក់ឲ្យប្រើប្រាស់ នាខែក្រោយនេះ
គួរយល់ដឹង
- វិធី ៨ យ៉ាងដើម្បីបំបាត់ការឈឺក្បាល
- « ស្មៅជើងក្រាស់ » មួយប្រភេទនេះអ្នកណាៗក៏ស្គាល់ដែរថា គ្រាន់តែជាស្មៅធម្មតា តែការពិតវាជាស្មៅមានប្រយោជន៍ ចំពោះសុខភាពច្រើនខ្លាំងណាស់
- ដើម្បីកុំឲ្យខួរក្បាលមានការព្រួយបារម្ភ តោះអានវិធីងាយៗទាំង៣នេះ
- យល់សប្តិឃើញខ្លួនឯងស្លាប់ ឬនរណាម្នាក់ស្លាប់ តើមានន័យបែបណា?
- អ្នកធ្វើការនៅការិយាល័យ បើមិនចង់មានបញ្ហាសុខភាពទេ អាចអនុវត្តតាមវិធីទាំងនេះ
- ស្រីៗដឹងទេ! ថាមនុស្សប្រុសចូលចិត្ត សំលឹងមើលចំណុចណាខ្លះរបស់អ្នក?
- ខមិនស្អាត ស្បែកស្រអាប់ រន្ធញើសធំៗ ? ម៉ាស់ធម្មជាតិធ្វើចេញពីផ្កាឈូកអាចជួយបាន! តោះរៀនធ្វើដោយខ្លួនឯង
- មិនបាច់ Make Up ក៏ស្អាតបានដែរ ដោយអនុវត្តតិចនិចងាយៗទាំងនេះណា!
សេវាកម្មពេញនិយម
ផ្សព្វផ្សាយពាណិជ្ជកម្ម៖
