ខ្លាដំបង១ក្បាលវាយឆ្មក់ហក់សង្គ្រប់ស្ត្រីម្នាក់លើទូកនេសាទ និងអូសចូលក្នុងព្រៃកោងកាងបាត់ស្រមោល

ខ្លាដំបង១ក្បាលវាយឆ្មក់ហក់សង្គ្រប់ស្ត្រីម្នាក់លើទូកនេសាទ និងអូសចូលក្នុងព្រៃកោងកាងបាត់ស្រមោល

មន្ត្រីឥណ្ឌាបានឲ្យដឹងនៅថ្ងៃនេះថា ខ្លាដំបង១ក្បាល បានវាយប្រហារទៅលើស្ត្រីម្នាក់ និងអូសចូលក្នុងព្រៃកោងកាងបាតស្រមោល ស្ថិតក្នុងរដ្ឋ West Bengal ភាគខាងកើតនៃប្រទេសឥណ្ឌា ។
មន្ត្រីព្រៃឈើ លោក Nabin Chandra Bahunguna និយាយថា ស្ត្រីម្នាក់ឈ្មោះ Bhagawati Mondal អាយុ ៤២ ឆ្នាំ និងប្តីរបស់នាង ព្រមទាំងអ្នកបើកទូកម្នាក់ ដែលនាំគ្នាព្យាយាមស្វែងរកចាប់ក្តាម នៅក្នុងទន្លេទឹករាក់មួយ ជិតព្រៃ Pirkhali, នៅពេលនោះ ស្រាប់តែមានខ្លាដំបូង១ក្បាល បង្ហាញខ្លួន និងចាប់ផ្តើមសង្គ្រប់ទៅស្ត្រីជាប្រពន្ធ ហើយវាក៏បានអូសនាំយកនាងចូលក្នុងព្រៃតែម្តង ។
បន្ទាប់ពីប្តីរបស់នាងរាយការណ៍ពីហេតុការណ៍នេះកាលពីថ្ងៃ សុក្រ, ភ្លាមៗនោះ ពួកឆ្មាំព្រៃឈើក៏ប្រញាប់ប្រញាល់ស្វែងរកស្ត្រីរងគ្រោះផងដែរ, ប៉ុន្តែ គ្មានដានឡើយ ។
សូមបញ្ជាក់ថា តំបន់ដែលការវាយប្រហារកើតឡើង គឺស្ថិតក្នុងតំបន់ Sunderbans, ដែលសម្បូរទៅដោយព្រៃកោងកាងដ៏ធំល្វឹងល្វើយ ទីកន្លែងដែលទន្លេ Ganges ហូរចាក់ទៅឈូងសមុទ្រ Bengal នៅក្នុងប្រទេសឥណ្ឌា ។
គួររម្លឹកថា នេះគឺជាករណីវាយប្រហារពីសំណាក់ខ្លាលើកទី៦ ហើយ នៅឆ្នាំនេះនៅក្នុងតំបន់ Sunderbans, ទីកន្លែងដែលពួកអ្នកការពារបរិស្ថាន បាននិយាយថា ទីជម្រកកាន់តែធ្លាក់ចុះទៅៗ, ជាហេតុធ្វើឲ្យសត្វខ្លា បង្ខំចិត្តចាកចេញដើរផ្សងព្រេងឆ្ងាយៗ ដើម្បីស្វែងរកចំណីរបស់វា ៕ ប្រភព៖ ksn-news.com