កំពូលអ្នកជំនួញឥណ្ឌាម្នាក់សម្ញែងភាពមានបានពាក់អាវមាសសុទ្ធទម្ងន់ ៤ គ.ក្រ និងមានអង្គរក្សការពារដូចនាយករដ្ឋមន្ត្រី

កំពូលអ្នកជំនួញឥណ្ឌាម្នាក់សម្ញែងភាពមានបានពាក់អាវមាសសុទ្ធទម្ងន់ ៤ គ.ក្រ និងមានអង្គរក្សការពារដូចនាយករដ្ឋមន្ត្រី

អ្នកជំនួញឥណ្ឌាម្នាក់ បានសម្ញែងភាពមានបានរបស់ខ្លួន តាមរយៈការពាក់អាវទម្ងន់ ៤ គីឡូក្រាម ដែលផលិតពីលោហធាតុមានតម្លៃ… ប៉ុន្តែ គាត់ត្រូវការមានអង្គរក្សការពារ នៅពេលគាត់ពាក់វាម្តងៗ ។
បុរសអ្នកជំនួញរូបនេះ ត្រូវបានស្គាល់មានឈ្មោះថា Pankaj Parakh រស់នៅទីប្រជុំជន Yeola នៃទីក្រុង ម៉ុមបៃ ។ លោក Pankaj គឺជាមហាសេដ្ឋីវាយនភ័ណ្ឌម្នាក់នៅប្រទេសឥណ្ឌា ។ គួរបញ្ជាក់ផងដែរថា បុរសអ្នកមានរូបនេះ គឺពុំមានចំណេះដឹងជ្រៅជ្រះណាមួយនោះទេ នៅពេលគាត់ចាកចេញពីសាលារៀន ប៉ុន្តែ ឥឡូវនេះ គាត់បានក្លាយជាម្ចាស់អាជីវកម្មវាយនភ័ណ្ឌមានលុយរាប់វាល់លានផោនដ៍ នៅក្នុងប្រទេសនេះ ។
ចំណែកអាវ១សំរ៉ាប់ដែលមានទម្ងន់រហូតជាង ៤ គីឡូក្រាមនេះ គឺគាត់កាត់រចនាដាំមាសសុទ្ធពី ១៨ ទៅ ២២ ការ៉ាត់ គិតជាទឹកប្រាក់តម្លៃ ២១១,០០០ ដុល្លារ ។ យ៉ាងណាមិញ គាត់កាត់អាវនេះ គឺដើម្បីប្រារព្ធខួបកំណើតលើកទី៤៥ ឆ្នាំនៃអាយុរបស់គាត់ ដែលធ្វើឡើងកាលពីថ្ងៃ សុក្រ កន្លងទៅនេះ ។ ហើយនៅពេលធ្វើដំណើរនៅតាមផ្លូវនៃផ្ទះរបស់គាត់, មនុស្សគ្រប់ៗរូបបានសម្លឹងមើលគាត់ ក្នុងអារម្មណ៍រន្ធត់ចិត្តជាខ្លាំង ។
យោងតាមលោក Pankaj នោះគាត់ពាក់អាវដ៏ពិសេសនេះ ក៏ដើម្បីទៅទស្សនាប្រសាទ Siddhivinayak ផងដែរ ៕
ប្រភពៈ ksn-news.com