មើលការតែងខ្លួន ប៉ែន ចំរុង និង អេឡិច ច័ន្ទត្រា មានទៅចាញ់ Nick និង Dome Pakorn Lam ឯណា!

មើលការតែងខ្លួន ប៉ែន ចំរុង និង អេឡិច ច័ន្ទត្រា មានទៅចាញ់ Nick និង Dome Pakorn Lam ឯណា!

ស្ទិលតុបតែងខ្លួន លោក ប៉ែន ចំរុង និង លោក អេឡិច ច័ន្ទត្រា មិនចាញ់តារាល្បីរបស់ថៃ Nick និង Dome Pakorn Lam ទេនាថ្ងៃបើកសម្ពោធជាផ្លូវការរោងភាពយន្តលំដាប់អន្តរជាតិ Major Cineplex By Cellcard និង Cellcard Blu-o នៅផ្សារ AEON ភ្នំពេញ។

ពីឆ្វេងទៅស្ដាំ អេឡិច ច័ន្ទត្រា Nick ប៉ែន ចំរុង និង Dome Pakorn Lam

ការលេងស្ទិល ម៉ូដសក់ សំលៀកបំពាក់ពណ៌ខ្មៅ រួមទាំងវ៉ែនតាពីសំណាក់តារាសម្ដែងល្បីឈ្មោះរបស់ខ្មែរទាំងពីរទទួលបានការគាំទ្រជាខ្លាំងពីទស្សនិកជននៅពេលអ្នកទាំងពីរដើរលើកម្រាលព្រំក្រហម។

កាយវិការគួរឱ្យទាក់ទាញជាមួយនឹងការញញឹមរាក់ទាក់មិត្តៗដែលឈរអមតាមកម្រាលព្រំក្រហម លោក ប៉ែន ចំរុង និង លោក អេឡិច ច័ន្ទត្រា ត្រូវបានអ្នកទស្សនាផ្ទាល់ស្រែកកងរំពងលាយឡំទៅនឹងសំឡេងថា៖ “មានទៅអន់អីតារាខ្មែរ ស្អាតៗដូចតែតារាថៃដែរហ្នឹង”។

ទន្ទឹមនឹងនោះ តារាល្បីថៃទាំងពីរ Dome Pakorn Lam និង Nick ក៏ទទួលការស្វាគមន៍ច្រើនពីមិត្តៗយុវវ័យខ្មែរផងដែរពេលវត្តមានពួកគេដើរលើកម្រាលព្រំក្រហម។

ចង់ដឹងថា តើការតុបតែងខ្លួនតារាល្បីទាំងពីររបស់ខ្មែរ គឺ លោក ប៉ែន ចំរុង និង លោក អេឡិច ច័ន្ទត្រា រួមនឹងតារាថៃ Dome Pakorn Lam និង Nick ស្អាតៗកម្រិតណា ទស្សនារូបថតពួកគេខាងក្រោម៕