ត្រេកអរផង! ក្រុមវេជ្ជបណ្ឌិតនៅប្រទេសវៀតណាមបានព្យាបាលអ្នកជំងឺកូរ៉ូណាទាំង ១៦ នាក់ជាសះស្បើយហើយ

ត្រេកអរផង! ក្រុមវេជ្ជបណ្ឌិតនៅប្រទេសវៀតណាមបានព្យាបាលអ្នកជំងឺកូរ៉ូណាទាំង ១៦ នាក់ជាសះស្បើយហើយ

ហាណូយ៖ ក្រសួងសុខាភិបាលប្រទេសវៀតណាមបាននិយាយកាលពីថ្ងៃអង្គារថា អ្នកជំងឺកូរ៉ូណាទាំង ១៦ នាក់នៅប្រទេសវៀតណាមបានទទួលការព្យាបាលជាសះស្បើយហើយ។ ក្រសួងសុខាភិបាលក៏បានបញ្ជាក់ទៀតថា ចាប់តាំងពីថ្ងៃទី ១៣ ខែកុម្ភៈ រហូតមកដល់ពេលនេះ ប្រទេសវៀតណាមនៅមិនទាន់រកឃើញករណីអ្នកជំងឺឆ្លងវីរុសកូរ៉ូណាថ្មីបន្ថែមទៀតនោះទេ។ នេះបើយោងតាមគេហទំព័រសារព័ត៌មាន Asia insiders ចេញផ្សាយថ្ងៃទី ២៥ ខែកុម្ភះ។

មន្ត្រីកងទ័ពប្រជាជនវៀតណាមម្នាក់ ឈរពាក់ម៉ាសការពារវីរុសកូរ៉ូណា

នៅក្នុងសេចក្តីថ្លែងការណ៍មួយរបស់ក្រសួងបានឱ្យដឹងថា អ្នកជំងឺកូរ៉ូណាម្នាក់ចុងក្រោយ បានឆ្លងជំងឺនេះពីកូនស្រីរបស់គាត់ដែលបានវិលត្រឡប់មកពីទីក្រុងវូហានភាគកណ្តាលប្រទេសចិន ហើយពេលនេះគាត់បានទទួលបានព្យាបាលហើយក៏មានសុខភាពល្អឡើងវិញដែរ។

អ្នកជំងឺកូរ៉ូណាបានទទួលការព្យាបាល ហើយត្រូវបានអនុញ្ញាត្តឱ្យចាកចេញពីមន្ទីពេទ្យ កាលពីថ្ងៃទី ១៨ ខែកុម្ភៈឆ្នាំ ២០២០

យោងតាមគេហទំព័រសារព័ត៌មាន Asia insiders បានឱ្យដឹងទៀតថា គេនៅមិនទាន់ដឹងច្បាស់នៅឡើយ ថាតើអ្នកជំងឺកូរ៉ូណាចុងក្រោយនេះ នឹងត្រូវបានអនុញ្ញាត្តឱ្យចាកចេញពីមន្ទីរពេទ្យនៅពេលណា។