ចិន៖ មន្ត្រីសុខាភិបាលជាន់ខ្ពស់របស់ប្រទេសចិនបាននិយាយកាលពីថ្ងៃសុក្រថា ក្រុមគ្រូពេទ្យ និង​បុគ្គលិកដែល​បម្រើការ​នៅក្នុងមន្ទីរពេទ្យប្រមាណ ១.៧១៦នាក់ ត្រូវបានធ្វើតេស្តរកឃើញថាបានឆ្លងវីរុស​កូរ៉ូណា ហើយក្នុងចំណោមអ្នកទាំងអស់នោះមាន ៦នាក់បានស្លាប់បាត់បង់ជីវិត។ អនុប្រធានគណៈកម្មាធិការសុខាភិបាលជាតិលោក Zeng Yixin បានប្រាប់សន្និសីទសារព័ត៌មានថា ចំនួនបុគ្គលិកពេទ្យដែលឆ្លងវីរុសកូរ៉ូណាកំពុងកើនឡើងខ្លាំង។ នេះបើយោងតាមគេហទំព័រសារព័ត៌មាន REUTERS ។

 លោក  Zeng Yixin បាននិយាយថា៖

Zeng Yixin

នៅក្នុង​ចំណោម​ អ្នកដែល​បានឆ្លងវីរុសកូរ៉ូណា​នៅក្នុង​ប្រទេស​ចិន ៨៧%​ គឺ​ជា​គ្រូពេទ្យ និង​បុគ្គលិកពេទ្យដែល​ធ្វើការ​នៅ​ទីក្រុង​វូហានខេត្តហ៊ូប៉ី​និងជាតំបន់ចំណុចកណ្តាលនៃការផ្ទុះឡើង​​វីរុសកូរ៉ូណា​ដំបូងបំផុត​កាលពីខែធ្នូ ដោយ​បានសម្លាប់មនុស្សចំនួន ១,៥២៦ នាក់ និង​អ្នកឆ្លងជាង ៦​៧១០០ នាក់ផ្សេងទៀត។

គួរបញ្ជាក់ផងដែរថា នេះ​ជា​លើកទីមួយហើយ ដែល​មន្ត្រីសុខាភិបាលចិន​ បាន​ប្រកាសជា​ផ្លូវការអំពី​ស្ថានភាព​របស់​ ក្រុមគ្រូពេទ្យ និងបុគ្គលិក​បម្រើការ​នៅក្នុងមន្ទីរពេទ្យ។ ការប្រកាស​នេះត្រូវបានធ្វើឡើង​នៅ​មួយសប្តាហ៍ ​ក្រោយការស្លាប់របស់​គ្រូពេទ្យជំនាញភ្នែកម្នាក់ គឺ​លោក​ Li Wenliang ដែល​ជា​អ្នកចេញមុខ​និយាយមុនគេ អំ​ពីគ្រោះថ្នាក់​នៃ​​វីរុសកូរ៉ូណា​​ ប៉ុន្តែ​​ក្រោយមកលោកបែរជាត្រូវ​ប៉ូលិស​​ឃាត់ខ្លួន និង​ចោទប្រកាន់​ពី​បទផ្សព្វផ្សាយ​ព័ត៌មានមិនពិតប្រាកដទៅវិញ៕