ចិន៖ យោងតាមរបាយការណ៍មួយបានបង្ហាញ​ថា យ៉ាងហោចណាស់មានមនុស្សប្រមាណ​៥០ម៉ឺននាក់ អាចនឹងឆ្លងវីរុស​កូរ៉ូណានៅទីក្រុងវូហានប្រទេសចិន​​ក្នុងរយៈពេលប៉ុន្មានសប្តាហ៍ខាងមុខ​ ដែល​វាជាទីតាំង​​​កំពុងផ្ទុះឡើងខ្លាំង។

វីរុសដ៏កាចសាហាវនេះបានឆក់យកជីវិតមនុស្សយ៉ាងហោចណាស់​ ១០១៨នាក់​និងឆ្លងដល់មនុស្សប្រមាណ ៤៣១០២នាក់ផ្សេងទៀត ​ហើយវាបន្តរីករាលដាលដល់ប្រទេស២៥ផ្សេងទៀតនៅលើពិភពលោក។ ​ក្នុងនោះដែរ ចំនួនអ្នកស្លាប់ដោយសារវីរុសកូរ៉ូណាភាគច្រើនគឺស្ថិតនៅ​ទីក្រុងវូហានខេត្តហ៊ូប៉ី។

ក្រុមអ្នកស្រាវជ្រាវ​មកពីសកលវិទ្យាល័យក្នុងទីក្រុងឡុងដ៍ បាន​ធ្វើការវិភាគពីការរីករាលដាល​នៃវីរុសកូរ៉ូណានៅក្នុងទីក្រុងវូហាន ហើយក្នុងនោះដែរ ក្រុមអ្នកស្រាវជ្រាវ​ទាំងនោះបានរកឃើញថា វីរុសកូរ៉ូណាទំនងជា​​ផ្ទុះឡើងខ្លាំងនៅពាក់កណ្តាល​​ខែកុម្ភៈ ហើយចំនួនប្រជាជននៅវូហានប្រហែល ១០ លាននាក់គឺនឹងស្ថិតនៅក្នុង​ហានិភ័យ​។

លោក Adam Kucharski សាស្រ្តាចារ្យរងផ្នែករោគរាតត្បាតនៅមជ្ឈមណ្ឌលស្រាវជ្រាវបាន​និយាយថា៖​

Adam Kucharski

គិតត្រឹមយប់ថ្ងៃអាទិត្យ រដ្ឋាភិបាលប្រចាំខេត្តហ៊ូប៉ី​បានធ្វើការវាយតម្លៃថា ចំនួនអ្នកឆ្លងវីរុសកូរ៉ូណានៅក្នុងខេត្តបានកើនឡើងដល់ ២៩,៦៣១នាក់​ ដោយក្នុងនោះដែរមាន ១៦,៩០២នាក់នៅទីក្រុងវ៉ូហាន។​ ហើយបើយោងតាមការវាយតម្លៃរបស់រដ្ឋាភិបាលចិនបានឱ្យដឹងទៀតថា ​អត្រាអ្នកស្លាប់ដោយសារវីរុសកូរ៉ូណា​មានប្រហែល ៤%​៕