ឱក សុគន្ធកញ្ញា៖ ខ្ញុំមិនឱ្យខ្មែរខូចឈ្មោះ មុខតារាថៃ ថ្ងៃបើកសម្ពោធផ្លូវការ Major Cineplex By Cellcard

ឱក សុគន្ធកញ្ញា៖ ខ្ញុំមិនឱ្យខ្មែរខូចឈ្មោះ មុខតារាថៃ ថ្ងៃបើកសម្ពោធផ្លូវការ Major Cineplex By Cellcard

កញ្ញា ឱក សុគន្ធកញ្ញា និយាយថា នឹងមិនឱ្យខ្មែរខូចឈ្មោះទេ នៅចំពោះមុខតារាថៃនាថ្ងៃបើកសម្ពោធជាផ្លូវការរោងភាពយន្តលំដាប់អន្តរជាតិ Major Cineplex by cellcard នៅ AEON Mall ស្អែកនេះ។

តារាចម្រៀងល្បីឈ្មោះមកពីផលិតកម្ម រស្មីហង្សមាស កញ្ញា ឱក សុគន្ធកញ្ញា លើកឡើងថា៖ “ជាកិត្តិយសពេកទៅហើយសម្រាប់ខ្ញុំមានវត្តមានក្នុងកម្មវិធីនេះ។ ដូច្នេះខ្ញុំមិនឱ្យខ្មែរបាក់មុខ ចំពោះមុខតារាថៃឡើយ”។

ឪក សុគន្ខកញា ouk sokun kanha

កញ្ញា ឱក សុគន្ធកញ្ញា ក្នុងកម្មវិធីមិត្តសិល្បករកាលពីពេលកន្លងទៅ

តារាចម្រៀងរូបនេះ មិនទាន់បង្ហើបឱ្យដឹងថា អ្វីជាចំណុចពិសេសធ្វើឱ្យទស្សនិកជនទាក់ទាញ និង ចាប់អារម្មណ៍ដើម្បីកុំឱ្យខ្មែរបាក់មុខ ចំពោះវត្តមានតារាថៃ ថ្ងៃបើកសម្ពោធជាផ្លូវការរោងភាពយន្តលំដាប់អន្តរជាតិខាងលើទេ។ កញ្ញាចង់ឱ្យទស្សនិកជនតាមដាន និង កត់សម្គាល់ទាំងអស់គ្នានៅល្ងាចថ្ងៃស្អែកនាផ្សារ AEON រាជធានីភ្នំពេញ។

វត្តមានតារាថៃបីរូប មាន Poj Arnont , Nick និង Dome Pakorn Lam រួមនឹងតារាខ្មែរឈានមុខ ១០ គូ នឹងបង្ហាញវត្តមាននាថ្ងៃបើកសម្ពោធរោងភាពយន្ត Major Cineplex by cellcard។

កញ្ញា ឱក សុគន្ធកញ្ញា នឹងបកស្រាយបទចម្រៀងដ៏ពីរោះរណ្ដំនៅចំពោះមុខតារាខ្មែរ-ថៃ អ្នកជំនួញធំៗមកពីប្រទេសទាំងពីរ រួមនឹងទស្សនិកជនជាច្រើននាក់ទៀតផងដែរ។

សម្រាប់ទស្សនៈផ្ទាល់ខ្លួនតារាចម្រៀងស្រីឈានមុខទាំងការច្រៀង ក៏ដូចជាផ្សព្វផ្សាយផលិតផលខាងលើលើកឡើងថា វត្តមានរោងភាពយន្តលំដាប់អន្តរជាតិនេះ នឹងធ្វើឱ្យផលិតករក្នុងប្រទេសកម្ពុជាកាន់តែមានកម្លាំងចិត្តក្នុងការផលិតខ្សែភាពយន្ត។ ម្យ៉ាងទៀតអ្នកដែលធ្លាប់តែទៅទស្សនារោងភាពយន្តនៅប្រទេសថៃកន្លងមកនឹងវិលមកមើលកុននៅរោងភាពយន្ត Major Cineplex by cellcard មួយនេះ។

“ដូចពីមុនពេលចង់មើលភាពយន្ត 4DX ចឹងខ្ញុំត្រូវជិះយន្តហោះទៅមើលនៅថៃដោយចំណាយលុយ និង ពេលវេលាច្រើន តែឥឡូវអត់ទេ នៅខ្មែរយើងក៏មាន”។ កញ្ញា ឱក សុគន្ធកញ្ញា បញ្ជាក់បន្ថែម។

កញ្ញា ឱក សុគន្ធកញ្ញា ជាតារាចម្រៀងល្បីឈ្មោះម្នាក់ក្នុងប្រទេសកម្ពុជា។កញ្ញានឹងចូលរួមបកស្រាយបទចម្រៀងជូនភ្ញៀវកិត្តិយសស្អែកនេះក្នុងពិធីសម្ពោធជាផ្លូវការរោងភាពយន្តលំដាប់ស្តង់ដារអន្តរជាតិ Major Cineplex by cellcard នៅផ្សារ AEON រាជធានីភ្នំពេញ។ តារាល្បីឈ្មោះខ្មែរ-ថៃជាច្រើនរូបនឹងបង្ហាញមុខក្នុងកម្មវិធីដ៏អស្ចារ្យមួយនេះ៕

ឱក សុគន្ខកញា ouk sokun kanha