ថៃ៖ អ្នកណាមិនស្គាល់ពីក្រុមស្រីស្អាតទាំង ៥ ដែលពួកគេសុទ្ធសឹងតែជាតារាសម្ដែងស្រីជួរមុខប្រចាំប្រទេសថៃ រួមទាំងអ្នកទាំងនោះក៏ជាមិត្តភក្តិជិតស្និទ្ធនឹងគ្នាផងដែរ ដែលមានដូចជា Mint Chalida Taew Natapohn Mew Nittha Toey Jarinporn និង Matt Peeranee ដែលអ្នកទាំង ៥នាក់នេះ​ តែងតែមានរូបភាពគួរឱ្យស្រលាញ់ជាមួយគ្នា មិនថាពេលទៅចូលរួមនៅក្នុងពិធី ឬ ទៅកម្សាន្តនៅកន្លែងណាមួយនោះទេ ។

កាលពីពេលថ្មីៗនេះ ក្រុមស្រីស្អាតទាំង ៥ នាក់ នេះ បាននាំគ្នាទៅចូលរួម នៅក្នុងកម្មវិធីរត់ប្រណាំង Charity Infinity Run លើកទី ៥០ នៅឯ ឈៀងរ៉ាយ ប៉ុន្តែមុនដល់ថ្ងៃពីធីមួយថ្ងៃ តារាសម្ដែងស្រី ទាំង ៥ រូបនេះ បានចំណាយពេលវេលា ដើរលេងកម្សាន្តជាមួយគ្នាយ៉ាងសប្បាយរីករាយទៀតផង។

នៅក្នុងការកម្សាន្ត ឃើញថា ពួកគេ បានចូលវត្តធ្វើការបន់ស្រន់ ហើយ ពួកគេក៏មានការធ្វើដំណើរកម្សាន្តដោយជិះទូកនៅតាមដងទន្លេ ដើម្បីមើលបរិយាកាសមាត់ទឹកដ៏ស្រស់ស្អាត ជាមួយនឹងការតែងខ្លួនក្នុងសម្លៀកបំពាក់យ៉ាងឡូយឆាយផងដែរ។

អ្វីដែលកាន់តែសំខាន់នោះគឺ ស្វាមីរបស់តារាសម្ដែងស្រី Mew Nittha លោក Saint ក៏បានរួមដំណើរកម្សាន្តមួយនេះដែរ និងបានធ្វើជាស្វាមីល្អបំផុតរបស់ Mew ក្នុងការមើលថែរក្សាចំពោះភរិយារបស់ខ្លួន នៅគ្រប់ទីកន្លែង ក៏ដូចជា ដើរតួជាអ្នកថតរូប សម្រាប់ដំណើរកម្សាន្តមួយនេះផងដែរ៕

ចង់ជ្រាបច្បាស់ សូមទស្សនារូបភាពខាងក្រោម៖