ភាគី នី មុនីនាថ និង សុធាពិសិដ្ឋ បកស្រាយរឿងលួចភ្ជាប់ពាក្យស្ងាត់ៗ

ភាគី នី មុនីនាថ និង សុធាពិសិដ្ឋ បកស្រាយរឿងលួចភ្ជាប់ពាក្យស្ងាត់ៗ

រសៀលនេះ ភាគីតារាសម្ដែង កញ្ញា នី មុន្នីនាថ និង លោក សុធាពិសិដ្ឋ បានចេញមុខបកស្រាយព្រមគ្នាចំពោះព័ត៌មានលើកឡើងថា អ្នកទាំងពីរលួចទៅភ្ជាប់ពាក្យស្ងាត់ៗ។ បញ្ហានេះ កើតឡើងពីភាពមិនស៊ីសង្វាក់គ្នារបស់អ្នកទាំងពីរ ជាមួយស្ប៉នស័រ ប៉ុណ្ណោះ។

ភាគីខាងប្រុស ហាក់មិនសូវចាប់អារម្មណ៍ពីបញ្ហានេះទេ ដោយយល់ថា អាជីពសិល្បៈមិនអាចគេចចេញពីការចុះផ្សាយព័ត៌មាន។ តារាម៉ូដែលរូបនេះបានប្រាប់មកកាន់ Sabay ថា៖ ” ប្រហែលជាមកពីខ្ញុំឧស្សាហ៍ដើរជាមួយ អានាថ និង ថតរឿងជាមួយគ្នាញឹកញាប់ហើយមើលទៅ ទើបមានការយល់ច្រឡំដូច្នេះ”។

ស្ថិតក្នុងសំលៀកបំពាក់បែបកូនកំលោះក្រមុំ ការបង្ហាញភាពស្និទ្ធស្នាល អមដោយចំណងជើងធំៗថា “សុធាពិសិដ្ឋ និង នី មុនីនាថ លួចភ្ជាប់ពាក្យស្ងាត់ៗ” អ្នកទាំងពីរ ពិតជាពិបាកគេចចេញពីការយល់ច្រឡំមិនខានឡើយ។ ម្យ៉ាងទៀត បើយោងតាមចំណងជើងលើគ្របមុខ ហាក់ដូចជាបង្ហាញភាពប្រាកដប្រជាចំពោះព័ត៌មាននេះ។

“បើនិយាយប៉ុណ្ណឹងហើយគេមិនជឿទៀត មានតែបងខលទៅសួរ អានាថ ខ្លួនឯងហើយ ទើបដឹងការពិតក្នុងរឿងនេះ”។ តារារូបនេះមិនដឹងថា ព័ត៌មានខាងលើនេះធ្លាយចេញដោយរបៀបណានោះទេ ព្រោះកាលនិយាយគ្នានោះ ត្រឹមជាការផ្សាយពាណិជ្ជកម្មប៉ុណ្ណោះ។

ដោយឡែកតារាសម្ដែងពូកែបង្ហូរទឹកភ្នែក កញ្ញា នី មុនីនាថ មិនបានបកស្រាយដោយផ្ទាល់ពីបញ្ហានេះទេ ដោយលេខទូរស័ព្ទដៃរបស់នាង ត្រូវបានម្ដាយនាងជាអ្នកទទួល។ ម្ដាយតារារូបនេះ បានបដិសេធន៍ថា កូនអ្នកស្រីគ្មានភ្ជាប់ពាក្យឯណាទេ។

“បើកូនស្រីខ្ញុំភ្ជាប់ពាក្យមែននោះ មិនចាំបាច់លាក់លៀមលួចធ្វើស្ងាត់ៗអីនោះទេ។ ព្រោះគ្មានអីត្រូវលាក់សោះ!”។ អ្នកស្រីស្នើកុំឲ្យមានការយល់ច្រឡំមកលើកូនស្រីរបស់ខ្លួនបន្តទៀត ដែលជាផ្នែកមួយនៃប្រជាប្រិយភាពរបស់នាងផងដែរ៕

ប្រភព:sabay

មុន បន្ទាប់

មតិយោបល់