ថៃ៖ បើទោះបីជា ពេលនេះ តារាសម្តែងស្រី VJ Woosen មានវ័យកាន់តែទៅមុខក៏ដោយ ក៏ប្រជាប្រិយភាពរបស់នាង នៅតែដដែល គ្មានប្រែប្រួលអ្វីនោះទេ ដែលនាងតែងទទួលបានការងារជារឿងៗ នៅក្នុងប៉ុស្តិ៍ទូរទស្សន៍ដែលកំពុងតែឈរជើង។

បើងាកមើលសម្រស់របស់ តារាស្រីរូបនេះ ក៏មិនណយដែរ ដែលពេលនេះ នាងមានវ័យ៣៨ឆ្នាំទៅហើយ តែមិនថា មុខមាត់ រូបរាង និងស្ទាយ៍លេងខ្លួនរបស់នាង បានធ្វើឲ្យហ្វេនអត់ទ្រាំសរសើរនឹងនាងមិនបាន ដោយសារតែ អាយុបែបនេះទៅហើយ នៅតែអាចរក្សានូវសម្រស់ បានទាក់ភ្នែក ហើយបើមិនប្រាប់ពីអាយុ ប្រាកដជាមិនជឿនោះទេថា នាងមានវ័យបែបនេះ ក្នុងពេលបច្ចុប្បន្ន។

គួររំលឹកផងដែរថា កាលពីលើកមុន រូបនាង​ក៏ធ្លាប់និយាយប្រាប់ខាង​សារព័ត៌មានថៃថា រូបមន្តថែសម្រស់របស់នាង​គឺការ ញ៉ាំទឹកឲ្យច្រើន ញ៉ាំផ្លែឈើ និង ហាត់ប្រាណ ហើយជាពិសេស​គឺការ ធ្វើឲ្យខ្លួនឯង មានអារម្មណ៍ស្រស់ថ្លាជាប្រចាំ ទោះបីជា ហត់ការងារអីក៏ដោយ ក៏ឆ្លៀត ឬមើលថែផ្លូវចិត្តរបស់ខ្លួន ផង៕