ប៉ែន ចំរ៉ុង៖ “ខ្ញុំនឹងទៅចូលរួមសម្ពោធរោងភាពយន្ត ដែលរង់ចាំ ២០ ឆ្នាំ មកហើយ”
លោក ប៉ែន ចំរ៉ុង បានសម្ដែងក្ដីរំភើប និង សន្យាថា នឹងចូលរួមកម្មវិធីសម្ពោធផ្លូវការរោងភាពយន្តលំដាប់អន្តរជាតិដែលកូនខ្មែរគ្រប់រូបបានទន្ទឹមរង់ចាំអស់រយៈពេលជាង ២០ ឆ្នាំមកហើយ។ ទន្ទឹមនឹងគ្នានេះ លោកបានស្វាគមន៍ចំពោះតារាថៃដែលនឹងអញ្ជើញចូលរួមកម្មវិធីសម្ពោធ នាថ្ងៃទី ៦ ខែ សីហា ខានស្អែកនេះ។
“ខ្ញុំទទួលស្គាល់ថា រោងភាពយន្តMajor Cineplex គឺជា រោងភាពយន្តដែលមានគុណភាពនិងល្អប្រណិតមិនចាញ់ប្រទេសជឿនលឿន ហើយការបើកសម្ពោធផ្លូវការនេះ គឺជាជួងបន្លឺឡើងប្រាប់ថា ទីផ្សារភាពយន្តខ្មែរកំពុងរីកចម្រើន”។ លោក ប៉ែន ចំរ៉ុង តារាសម្ដែងល្បីល្បាញមួយរូបដែលដណ្ដើមបានពានពីរ ម្នាក់ឯងពីកម្មវិធីអាណាចក្រតារា ២០១៣។
លោក បាននិយាយបន្តថា “ខ្ញុំរំភើប និង រីករាយក្នុងការចូលរួមកម្មវិធីសម្ពោធរោងភាពយន្ត Major Cineplex។ យើងមានត្រី ទាល់តែមានផ្សារ ឥឡូវ យើងមានផលិតផលកុនហើយ ហើយរោងភាពយន្ដ Major Cineplex គឺជាផ្សារសម្រាប់លក់ ដូច្នេះ វាបានឆ្លុះបញ្ចាំងឲ្យឃើញថា ឧស្សាហកម្មភាពយន្តខ្មែរកំពុងរីកចម្រើន”។
វិនិយោគទុន ដ៏ធំលើឧស្សាហកម្មកម្សាន្ត កម្រិតយក្ខ ដែលស្ថិតក្រោមកិច្ចសហការរវាង Platinum Cineplex កម្ពុជា និង Cineplex Groupប្រទេសថៃ ដោយប្រើទុនប្រមាណជា ៥ លានដុល្លារ សហរដ្ឋអាមេរិក ត្រៀមបើកសម្ពោធផ្លូវការហើយនៅថ្ងៃពុធ ខានស្អែក។ នៅក្នុងព្រឹត្តិការណ៍នេះតារាជួរមុខក្នុងប្រទេសកម្ពុជា និង ថៃ នឹងមានវត្តមាននៅក្នុងកម្មវិធីនេះ។
លោក ប៉ែន ចំរ៉ុង បានឲ្យដឹងដែរថា លោកស្វាគមន៍ចំពោះវត្តមានតារាថៃដែលនឹងអញ្ជើញចូលរួមក្នុងកម្មវិធីបើកសម្ពោធផ្លូវការរោងភាពយន្តលំដាប់អន្តរជាតិ Major Cineplex។ “ខ្ញុំសប្បាយចិត្តឃើញមានកិច្ចសហការរវាងខ្មែរ និង ថៃ វាអាចជាឱកាសនៅក្នុងការចងសម្ព័ន្ធរវាងខ្មែរ-ថៃ ដើម្បីធ្វើឲ្យវិស័យភាពយន្ត នៃប្រទេសទាំងពីរមានការរីកចម្រើន។ កាន់តែរំភើបប្រសិនបើខ្ញុំមានឱកាសអាចសហការសម្ដែងជាមួយនឹងតារាថៃ”។
រោងភាពយន្តលំដាប់អន្តរជាតិដែលកូនខ្មែរគ្រប់រូបបាននឹងកំពុងរង់ចាំអស់រយៈពេលជាច្រើនមកហើយនោះ ឥឡូវបានមកដល់ហើយ ហើយនឹងបើកសម្ពោធផ្លូវការនៅថ្ងៃទី ៦ ខែសីហា ខាងមុខនេះ ដោយមានតារាប្រុស-ស្រី ល្បីៗប្រចាំព្រះរាជាណាចក្រកម្ពុជា និង ថៃចូលរួម។ ប្រសិនបើមិត្តយុវវ័យចង់ឃើញតារាល្បីៗណាខ្លះ អញ្ជើញចូលរួមកម្មវិធីនេះ កុំភ្លេចទៅកាន់រោងភាពយន្ត Major Cineplex ដែលមានទីតាំងនៅក្នុងផ្សារ EAON Mall ជាន់ទី ២៕
ប្រភព: sabay
មើលព័ត៌មានផ្សេងៗទៀត
-
អីក៏សំណាងម្ល៉េះ! ទិវាសិទ្ធិនារីឆ្នាំនេះ កែវ វាសនា ឲ្យប្រពន្ធទិញគ្រឿងពេជ្រតាមចិត្ត
-
ហេតុអីរដ្ឋបាលក្រុងភ្នំំពេញ ចេញលិខិតស្នើមិនឲ្យពលរដ្ឋសំរុកទិញ តែមិនចេញលិខិតហាមអ្នកលក់មិនឲ្យតម្លើងថ្លៃ?
-
ដំណឹងល្អ! ចិនប្រកាស រកឃើញវ៉ាក់សាំងដំបូង ដាក់ឲ្យប្រើប្រាស់ នាខែក្រោយនេះ
គួរយល់ដឹង
- វិធី ៨ យ៉ាងដើម្បីបំបាត់ការឈឺក្បាល
- « ស្មៅជើងក្រាស់ » មួយប្រភេទនេះអ្នកណាៗក៏ស្គាល់ដែរថា គ្រាន់តែជាស្មៅធម្មតា តែការពិតវាជាស្មៅមានប្រយោជន៍ ចំពោះសុខភាពច្រើនខ្លាំងណាស់
- ដើម្បីកុំឲ្យខួរក្បាលមានការព្រួយបារម្ភ តោះអានវិធីងាយៗទាំង៣នេះ
- យល់សប្តិឃើញខ្លួនឯងស្លាប់ ឬនរណាម្នាក់ស្លាប់ តើមានន័យបែបណា?
- អ្នកធ្វើការនៅការិយាល័យ បើមិនចង់មានបញ្ហាសុខភាពទេ អាចអនុវត្តតាមវិធីទាំងនេះ
- ស្រីៗដឹងទេ! ថាមនុស្សប្រុសចូលចិត្ត សំលឹងមើលចំណុចណាខ្លះរបស់អ្នក?
- ខមិនស្អាត ស្បែកស្រអាប់ រន្ធញើសធំៗ ? ម៉ាស់ធម្មជាតិធ្វើចេញពីផ្កាឈូកអាចជួយបាន! តោះរៀនធ្វើដោយខ្លួនឯង
- មិនបាច់ Make Up ក៏ស្អាតបានដែរ ដោយអនុវត្តតិចនិចងាយៗទាំងនេះណា!
សេវាកម្មពេញនិយម
ផ្សព្វផ្សាយពាណិជ្ជកម្ម៖
