គង់ សុជាតិ លេង Fashion ម៉ាឆ្ងាញ់ថ្ងៃសម្ពោធ Major Cineplex

គង់ សុជាតិ លេង Fashion ម៉ាឆ្ងាញ់ថ្ងៃសម្ពោធ Major Cineplex

រាប់ថយក្រោយចាប់ពីថ្ងៃនេះទៅ គឺនៅសល់ពេលតែពីរថ្ងៃទៀតប៉ុណ្ណោះ ពិធីសម្ពោធផ្លូវការរោងភាពយន្ត Major Cineplex នឹងមកដល់ហើយ។ ពិធីការិនីមានឈ្មោះបោះសំឡេងក្នុងព្រះរាជាណាចក្រកម្ពុជា អ្នកនាង គង់ សុជាតិ បានបង្ហើបប្រាប់ Sabay ថា អ្នកនាងនឹងលេងរ៉ូបពណ៌ទឹកមាស លាយខ្មៅ សម្រាប់ចូលរួមកម្មវិធីដ៏អស្ចារ្យ នៃថ្ងៃបើកសម្ពោធរោងកុនលំដាប់អន្តរជាតិរបស់ខ្ គង់-សុជាតិ-3 មែរ។

អ្នកច្នៃម៉ូដកំពុងប្រញាប់ប្រញាល់ធ្វើឲ្យរួចរាល់នៅមុនថ្ងៃសម្ពោធរោងកុនមកដល់។ “រ៉ូបប្រភេទនេះគឺខ្ញុំមិនដែលស្លៀកពីមុនមកនោះទេ ប៉ុន្តែ ថ្ងៃនេះខ្ញុំលេងឈុតនេះម្ដង ដោយអ្នកច្នៃម៉ូដសុទ្ធតែមានឈ្មោះបោះសំឡេងនៅក្នុងពិភពអ្នកច្នៃម៉ូដ។ អ្នកគង់ សុជាតិ និយាយ។

បើទោះបីជាយ៉ាងណា អ្នកនាង គង់ សុជាតិ មិនបានបង្ហើបពីតម្លៃថា ម៉ូដដែលអ្នកកំពុងកុម្ម៉ង់នោះថ្លៃប៉ុន្មាននៅឡើយទេ គ្រាន់តែអ្នកនាងបង្ហើបថា អ្នកនាងបានកុម្ម៉ង់កាត់នៅហាង ខ្មែរសម័យថ្មី។ ម៉ូដដែលអ្នកនាងបានសម្រេចយកគឺពណ៌ទឹកមាសលាយខ្មៅ ដែលតម្រូវឲ្យសក្ដិសមកម្មវិធី ដែលប្រើប្រាស់ស្លាកសញ្ញាផ្សេងៗពណ៌ទឹកមាស។

“ត្បឹតតែខ្ញុំបានច្នៃម៉ូដតាមបែបបស្ចិមប្រទេសក្ដី ប៉ុន្ដែ ខ្ញុំមិនភ្លេចឡើយប្រពៃណីខ្មែរ គឺនៅក្នុងច្នៃម៉ូដនេះ ក៏នៅតែរក្សាឲ្យបាននៅអ្វីដែលជាលក្ខណៈពណ៌សម្បុរជាខ្មែរដែរ”។ អ្នកនាង គង់ សុជាតិ និយាយបន្ថែម។

អ្នកនាង គង់ សុជាតិ ដែលជាពិធីការិនីឆ្នើមមួយរូបនៅក្នុងព្រះរាជាណាចក្រកម្ពុជា ដែលទទួលបានជោគជ័យជាបន្តបន្ទាប់ ទាំងនៅលើវិថីសិល្បៈ និង ក្រុមគ្រួសារ។ អ្នកនាង សុជាតិ ទើបរៀបអាពាហ៍ពិពាហ៍ជាមួយ លោក ជាវិបុល កាលពីចុងឆ្នាំ ២០១៣ កន្លងទៅនេះ។

ប្រិយមិត្តចង់ឃើញ អ្នកនាង គង់ សុជាតិ ស្រស់ស្អាតកម្រិតណា កុំភ្លេចទៅចូលរួមពិធីសម្ពោធផ្លូវការ នៃរោងភាពយន្តលំដាប់អន្តរជាតិ Major Cineplex នៅ AEON Mall ជាន់ទី ២៕

ប្រភព: sabay

មុន បន្ទាប់

មតិយោបល់